《我嘅中學生涯竟然係同兩個女仔探討夢想》: CHAPTER「14」

回家路上，我仍為著剛才的勝利感到高興。

「言仔，好開心啦！」家欣抱著幾本書說。

「還好啦，哈哈。」我抓抓頭皮。

「你個樣寫住開心兩個字。」

她指著我的臉，我則故意閃躲不讓她指到，她也很配合我跟著我的身體移動手指。





「好似好耐冇咁同你返屋企。」

「呃...好似係。」

坦白說，自從阿峰轉來之後，我跟家欣的關係好像發生了微妙的變化，不知道是我的錯覺還是怎樣。

始終一段感情或者關係沒有用心維繫的話，再堅固的關係也會受到影響。

「係呢，你同阿峰係咪好熟...」我懷著忐忑不安的心情嘗試試探一下家欣的內心。





「做...做咩咁問嘅...」她她像有點驚惶。

「哦，冇嘅，呢輪見你地好似行得好埋。」

「其實又唔係熟嘅...只係佢同我幾啱傾。」

天啊，一個男生為了討好女生，說謊也沒問題的，家欣也太天真了吧。

「嗯...」





走著走著便到了牽晴間。

「我...我返上去喇。」

「哦，好啦咁，拜拜。」

「家欣唔通對阿峰有好感...」我回家時腦內湧現這樣的假設。

難道家欣也有離開我的一天嗎。

洗澡後便是晚飯時間，媽媽煮了我最愛的咕嚕肉，可能是比賽後特別餓，這晚我吃了三碗飯。

「好飽。」我撫摸著漲卜卜的肚子。

我想起今天陳曉兒沒有上學，打算慰問一下。





「係啵...睇下曉兒咩事先。」

WHATSAPP她還是打電話好呢。

打電話好像比較有誠意。

「嘟，嘟嘟，嘟，嘟嘟。」

「......喂......？」

「喂？曉兒？你冇事嘛，今日冇返學嘅？」

「我...我冇事呀，有啲頭痛。」聽得出她的聲音有點沙啞。





「你喊完黎？」

「呃...嗯...」

「言。」

「嗯？」

「可唔可以見一見你？」

我披上運動風衣準備前往花都，曉兒好像有點事，去找她看看比較好。

「我出一出去。」

秋天的晚上溫度算不上太低，但乾燥風吹來還是感到有點冷。





我到達花都廣場，曉兒已經在門外了。

她屈膝坐在梯級邊緣化，抱著雙腿，似乎不太開心。

「曉兒，你點呀...」我有點擔心。

「......」

「我...我...我...」曉兒揭起衣袖，露出幼細的手臂。

昏暗的光線照射著她，手臂上的瘀青明顯得很。

「點解...會咁...」我有點驚訝地說。





「早兩日我偷偷地煮野食，比媽咪見到。」曉兒說。

「佢就用衣架打我。」

「我唔想比人睇到，所以冇返學。」

「對唔住呀，仲應承黎睇你踢波。」

她低頭苦笑著，不知為何我有點心酸。

「黎啦，肚唔肚餓，同你去食啲野。」

她抬頭看著我。

「嗯。」我伸出雙手拉起她。

我們到了麥當勞，她依舊是點了板燒雞腿包。

「其實你有冇諗過認真同媽媽傾下。」

「冇用架喇，媽咪太接受唔到爸爸嘅事。」曉兒低下頭說。

「但係你鍾意做一樣野，父母唔係應該支持？」我問。

「夢想就係咁架啦！就算有幾多人反對，你都要堅持落去，唔係嘅話夢想就唔係夢想。」我笑道。

她好像突然醒過來的看著我。

「呃...多謝你。」

「識左你唔係好耐，但係唔知點解你有種好親切嘅感覺。」她臉上泛起紅暈，像個小女孩。

「ANYWAY！洗唔洗幫你捽下隻手？」我說。

「唔洗啦！我自己會搞掂！」曉兒微笑道。

「係啵，今日你比賽點呀！」

「贏左啦！」

「犀利喎。」

「今日仲話黎睇你，對唔住呀。」她不好意思地伸一伸舌頭。

「傻啦，一係你下場再睇囉！星期四就係喇！」

「嗯！好呀，到時一定黎。」

我們吃完之後便走出麥當勞，曉兒在路上突然停下來。

「係呢。」

「你同家欣點呀。」曉兒看著寂靜的夜空，若有所思地說。

我猜不到她竟然會主動問我有關家欣的事，一時反應不來。

「呃......冇點呀......佢好似同阿峰好熟。」

「哦......」

嘈雜的車輛引擎聲音、街道上人群的交談，顯得我們特別安靜。

「其實我......」

~~~你與我相差太遠分開太遠 身高跟~~~

「唔好意思呀我聽個電話。」

「喂？」

「喔，就黎返架喇。」

曉兒看著我，像等待一個答案般。

「呃頭先我媽打黎叫我返去飲湯。」

「唔緊要。」




「係呢。」

「頭先你想講咩？」

曉兒剛剛好像有說些什麼。

「哈哈，冇咩野。」曉兒笑道。