《我嘅中學生涯竟然係同兩個女仔探討夢想》: CHAPTER「8」
「早晨呀同學，頭先大家喺早會都聽到訓導主任話十月二十號係秋季旅行！」
「我地就要投一投票我地中三呢級會去邊到，喺回條上面剔返就可以。」
蝴蝶灣......清水灣......獅子山..................大尾篤......選哪個好呢？還是看他們頭吧，反正我沒所謂。
「屌咩，又係呢幾個地方！」
「中一去大尾篤燒烤熱撚到仆街！」
「獅子山咁多蚊，天時暑熱一路曬一路比蚊咬。」
「喂？仲有冇其他地方揀呀寧寧？」
正打算向家欣了解一下，轉過身望向她，結果她也在看著我，似乎是想詢問我的意思。
我做了個口型說這些地方都沒興趣，她猛力點頭表示認同。
的確這些地點我們由小到大都已經去過很多次，再去同一個地方也沒什麼意義。
「不如去第二到玩啦，成日去埋呢啲咁普通嘅地方。」飛機站了起來看似有點嚴肅，認真地說。
「嗯......我都有考慮過，始終都想大家去旅行可以盡情地玩。」寧寧摸一摸下巴。
「去長洲囉不如？」鄭君婷竟然發表意見？
「我地中學旅行去親都係幾個地方，你唔悶我都悶啦！咁索性不如去遠啲，又可以玩耐啲！大家同唔同意？」
眾人紛紛點頭贊成。
「如果可以最好就過埋夜！」
「過夜呀......呢層有啲難度，不過可以爭取下嘅。」寧寧抓一抓頭。
「我要同班級主任商量一下先，咁啦我地有共識之後再派過一張新通告比大家，到時你地叫家長簽返就可以，不過要搭船嘅地點唔係咁易爭取，我盡力啦。」
我長這麼大還未去過長洲，沒錯我是一個只愛踢足球和看動漫的男生，怎麼會去長洲呢？
若然這次能夠成功爭取，去見識一下也無妨，聽說長洲的大魚蛋和糯米糍挺有名的。
「各位同學，除左討論旅行地點，我仲有一件事宣佈。」
「係咩事呀？係咪有靚女插班生？？？」肥熊大叫。
「係呀，我地係有個插班生。」
男生們頓時認真起來，雙眼炯炯有神。
「不過佢係男仔黎！」
.....................................
班上的男同學都由期待的樣子變我垂頭喪氣。
坦白說我也暗暗興奮了一下，不過就看看他是何方神聖。
「凌凱峰，你可以入黎喇。」
課室門被推開的一瞬間，女同學們立即竊竊私語。
「嘩......好型呀......」「係唔錯喎。」「起碼有米七八。」「好似余文樂！」
車，有什麼好巴閉？不過......我竟然看到家欣也在注視著他，而他也正看著家欣......WTF？
「大家好，我叫凌凱峰，由粉嶺官立中學轉過黎，你地可以叫我阿峰。」
開學已經一個多月，為什麼在這個時候才突然插班？
百思不得其解。
「你坐呢個女同學嘅後面啦！」寧寧指著家欣的座位後面。
「哦。」
我一直留意著家欣，發現她竟然有點害羞。
不是吧......這個男生就這麼吸引嗎？
「你好，我叫阿峰。」他對家欣微笑著。
「我......我叫家欣呀.......多多指教。」
我感到有點不爽，這個新來的這麼快就打算認識女生？
「喂！言仔唔好嬲唔好嬲，你個樣寫住個嬲字喇。」飛機笑道。
「屌佢老尾，咁快想向阿嫂落手。」肥熊握緊拳頭，若然他坐在阿峰旁邊應該已經揍了他。
小息時，我找了白頭佬聊一聊關於那天他表白的事。
「你幾時開始鍾意佢？」
「開學第一日。」
WHAT THE FUCK，一見鍾情？
「又......又會......咁...咁突然。」
「佢散發住一種令人想保護佢嘅氣質，而且佢讀書好叻，又乖，所以就鍾意左佢。」
「我知言仔你都對家欣有意思，我唔會強逼你放棄，你都有戀愛自由。」
竟然在一本正經地胡說八道。
「不過咁，你都見到而加我地有共同敵人，將目標放喺嗰個阿峰上面先，睇下呢條友仔咩料先。」
也不無道理，反正家欣也不會喜歡上白頭佬，反而我有點擔心這個遲來先上岸的男生。
「同意。」
好像很久沒和家欣一起吃飯，去找她吃個午飯吧。
「家欣，一陣食唔食LUNCH？」
「呃SORRY呀言仔，啱啱阿峰都約左我食......聽日再同你食好唔好？」
「....................」
「OK。」
這個男生究竟有什麼魅力？
「乜撚野話？第一日約到家欣食野？佢咩新鮮蘿蔔皮呀。」肥熊驚訝道。
「聽講係籃球隊個林SIR搵佢過黎打波......林SIR話佢喺粉官係大材小用。」飛機無奈地說。
「佢真係咁犀利？」連白頭也忍不住。
籃球隊.........
「喂話時話。」
「你嗰日冇去練波原來係去左買禮物比家欣？」
「係，冇理由兩梳蕉咁表白架嘛。」
白頭佬原來也挺有準備，不過他花數百元買一條手鏈給家欣，也證明他是認真的。
但是現在突然又出現一個凌凱峰，看來我和白頭佬在情感的道路上又添一重障礙。
「咪住，凌凱峰？同Miss Ling個名咁似嘅？」飛機突破了盲點。
「屌等我落堂問下Miss Ling呢條友係咩新鮮蘿蔔皮。」
也好，先讓肥熊打探一下這人是什麼來頭，我們才可以有下個對策。
「唔好講呢啲野先，講返學界。」白頭佬叫我們討論一下。
「距離第一場波仲有兩個禮拜，即係仲有兩至三次練習。」
終於都踏入比賽的季節。
「十月二十五號就係我地首戰，喺大廣福對陳伯誠。」
「第二場係喺十月三十一號，喺區場對李國輝。」
「第三場會喺十一月四號對榮光中學，呢場踢細廣福。」
已經浪費了兩年機會去爭奪冠軍，今年一定要踢出點成績。
在午膳時間，我們幾個分頭行事，肥熊負責去找寧寧打探消息、飛機負責聯絡那些有留意籃球隊的女同學，我和白頭佬則偷偷跟著凌凱峰和家欣，我們找了他們位置的附近坐下。
「白頭佬，點解佢地第一日見就可以咁好傾？」家欣和凌凱峰一邊吃一邊笑，看得我很不是滋味。
「唔清楚，或者係個阿峰本身就好似飛機咁樣好識氹女仔。」
觀察了一陣子，暫時那個阿峰好像也沒打算有什麼行動，只是聊聊天。
「呢啲人先係最深不可測，最危險。」白頭佬皺起眉頭。
的確是，始終完全不認識這個人，似乎要花點時間去研究。
放學後我們幾個圍在一起討論剛剛收集回來的情報。
「仆佢個街，原來凌凱峰係寧寧個細佬黎！」
「阿峰？佢係我細佬黎架！佢讀書唔叻但打籃球有啲潛質，就比林SIR請左過黎讀囉！」Miss Ling一邊批改功課一邊告訴肥熊。
「屌怪唔之得個名咁似，原來兩姊弟黎。」
「我問左幾個中二師妹，佢地話今年籃球隊想大執位，踢左幾個人出隊。」
「所以就搵左阿峰過黎？」
「係，而且呢個阿峰好似真係幾犀利，上年有一場學界佢地學校39:37嬴左李國輝，凌凱峰一個人就拎左31分，都幾痴線下。」
然後我和白頭佬便把在午膳所觀察到的事分享給他們。
「有冇咁勁...」肥熊抓著頭皮說道。
直到放學我都一直在想著凌凱峰和家欣的事，有一點我不明白的是家欣為什麼看來不抗拒那傢伙。
要是一般男生主動找她聊天或者吃飯多數都是失敗的，但對待這個阿峰卻完全是兩回事。
而且剛剛看到他們一起走出課室，阿峰該不會是送家欣回家吧。
為了更清楚為何什麼家欣會接受這個男生的攻勢，我打算去找找鄭君婷了解一下。
「阿婷，得唔得閒講幾句？」我趁課室剩沒幾個人去找了鄭君婷。
「哦？做咩呀？」
「是咁的，我想知道家欣係點睇新插班嗰個男仔。」
「原來係黎刺探軍情，你而加有冇野做？冇嘅落小食部買啲野食講，我好肚餓。」
我們來到小食部，她買了一包炒米粉和一罐可樂，找了個位置坐下。
「點呀，想知啲咩，不過講明先，我都唔係太清楚架咋。」她開始一口一口地吃。
「我想知點解家欣好似對阿峰都幾受落。」
「我諗幾個原因啦，第一阿峰都叫高大靚仔，第二又識講野氹女仔，邊似得你份人咁悶。」
我也算沉悶嗎？你幽默的標準不會是定在肥熊身上吧。
「最重要係，人地打籃球。」她眼神凌厲地注視著我，我也愣住了。
「你知唔知一個打波嘅男仔係幾吸引？」
的確，要說看學界的人比較多的一定是籃球隊，足球隊比賽從未有女生看過。
「你諗下，佢地每個走籃、上籃嘅動作，射波嘅英姿係幾咁型。」
「我以前都迷戀過一個打波嘅師兄，不過佢名草有主，我只能夠放棄。」
「你講緊以前嗰個比中華書院請左去，個Jason呀？」
「唔係，佢叫陳輝，冇咩人識佢架，佢唔算好靚仔不過打波嗰陣好認真，好有型。」
「所以要女仔對一個打波嘅男仔有好感唔係一件難事。
「都係嘅......」
「唉你唔好咁啦，你仲有機會嘅，阿峰第一日識家欣咋嘛，你地識左八年喇喎，點睇都係你有著數。」
............
「多謝你比料我。」
「你自己加油啦，冇咩野咁我走先喇！」
打籃球的男生就那麼有吸引力嗎。
第二天我跟他們分享了昨天向鄭君婷打探的消息，他們都表示無奈。
「唉，冇辦法架喎，咁人地打波真係型啲。」
「冇錯，我地學界都未有女仔睇過，相反有次我去睇籃球隊比賽，起碼有十幾廿個女同學睇。」
「白頭佬、言仔，你地要加油呀......」
「咦，乜你同左佢地講你諗住追家欣？」我問白頭佬。
「哈哈，有一日放學比佢地捉住左黎問，咪從實招來。」
難道我這個足球員只能夠在一旁打飛機嗎。
他們說得越直接，我就越自卑，事實我沒有阿峰那麼高大、沒他那麼帥、不夠他幽默。
「喂言仔你今日唔係諗住約家欣食LUNCH咩。」
「算啦我唔想又比人拒絕一次。」
「咁你兩個陪言仔食啦！我約左鄭君婷食HEHE。」肥熊又露出那猥瑣的表情。
「呃......我今都要同個師妹食，白頭佬你陪言仔啦！SORRYSORRY！」
「妖你架飛機你又食妹妹仔。」
「識下新朋友都幾好呀。」飛機蹺起二郎腿自豪地說。
「言，咁一陣我地兩個去食飯啦。」
如是者我和家欣的交流一天比一天少，這星期每天只是簡單地打個招呼就沒其他對話了。
「各位同學，好遺憾大家提出去長洲旅行嘅方案比級主任BAN左喇。」
「下......冇得去長洲玩。」
「又要去埋啲無聊地方。」
「希望大家體諒下，始終要搭船而且過夜我地好難做。」
最後經過一輪討論我們決定了獅子山公園作為我們的旅行地點。
媽的，又要去浪費青春。
我寧願在學校睡覺。
「HEY BOY！一個人放學呀？」
「係呀，你呢。」
「我不嬲都一個人走。」
「言，去唔去M記食啲野？」
「SURE。」
我和曉兒去了花都麥當勞，好像也有幾天沒見過她。