《一零六四》: 第五十一章「戀人未滿」

今天是新生註冊日，我和莊員們正在努力宣傳，希望找到Freshmen玩我們的Ocamp，同時觀察一下有沒有人適合做我和愷淇的組仔女。

自從上次跟愷淇在西九龍中心見面後，也有十多天沒看到她，有少許想念愷淇了呵呵。

「同學有冇興趣玩Ocamp呀？」

「識多啲人都好架！」

想不到一年後的我竟然上了莊。





「唔洗喇唔該。」又被拒絕。

終於明白去年背心熱褲姐姐們的心情。

「而加有幾多個人報咗名？」煒程問我。

「得十幾個咋。」我搖搖頭說。

「仲要全部都係Winky同可盈搵返黎。」





果然女生比較適合做這些工作。

數小時後，輪到我去休息，我便去了Canteen吃個飯，順便小睡一會。

「喂阿翹，一個人食飯咁慘呀你。」

「愷淇？...你返咗學校嘅？」我抬起頭來。

「早幾日咪Whatsapp咗你話我會返囉！你又唔記得拿！」愷淇坐在我旁邊，看著我說。





「啊哈哈一時唔記得咗...」我尷尬地說。

「真係激死人...成日都咁冇記性...」愷淇說。

「一陣同你去R Freshmen啦！」愷淇笑道。

「好呀...我自己完全R唔到....」我無奈地說。

「你個樣咁得人驚，點會有人想玩。」愷淇笑了笑，我沒好氣的掩著臉。

待我吃完飯後，愷淇便跟我一起去工作。

兩小時之後，已經再有三十個新生報名。

我見情況不錯便回到學會的攤位小休一下。





「你睇下人地，一出黎就R到咁多個，你睇下你幾鬼冇用。」可盈笑道。

「咁愷淇靚女呀嘛...啲男仔實報名啦。」

「都有女仔架喎，所以係你嘅問題。」可盈瞪著我說，我隨便笑笑就沒理她。

「喂話時話，你地點搞啫。」可盈又說。

「咩點搞....」我看著可盈說。

「你同愷淇呀，仲未一齊？」

我搖搖頭。





「搞錯呀！你拖咁耐都唔去馬！」可盈叉著腰說。

「未係時候啫...」我別過臉說。

可盈突然把我拉到旁邊，激動地說。

「經歷咁多都未係時候？由上年一齊玩Ocamp已經覺得你地有啲野，只係咁啱你地都有鍾意嘅人，而加又Part組爸媽又成日單獨出街，Marketing Precamp又攬頭攬頸，而加都仲唔上等幾時？」

一時之間被可盈說得我啞口無言。

「唔講喇佢行緊返黎，你自己諗清楚啦，咪走寶呀，趁一齊玩Camp感情又好就表白啦，遲啲完咗啲Ocamp就冇機會架喇。」可盈說。

「得啦得啦...」我點點頭說。

Ocamp完結後會否就不再像現在般親近？





真的不知道。

「我又R到五個喇！」愷淇回來後說。

「你犀利啫～」我笑道。

「一陣一齊走？」愷淇主動問我。

我看了看可盈，她對我使了個眼色。

「好呀，求之不得啦！」