《一零六四》: 第五十章「友達以上」

自從Pre Camp完結後，我休息了兩個星期，因為實在太疲倦，這段期間每天都會和愷淇Whatsapp，主要聊聊學校的事情，間中還會說些曖味的話。

「八月真係好L熱。」我站在西九龍中心內，看著門外滿頭大汗的行人，冷氣真是偉大的發明。

今天愷淇約了我，說要織手繩給組仔女。

「喂，咁準時嘅。」愷淇拍拍我微笑道。

「同你出街當然要準時。」我摸摸鼻子說。



愷淇穿了一件寬鬆的純白T-Shirt，黑色熱褲和帆布鞋，揹著一個很文青的小背包。

「同我去食嘢先，我好肚餓呀！」愷淇捂著肚子噘起嘴說。

「好呀你想食咩？」我雙手插袋地說。

「嗯...食Pizza？可以坐耐啲！又可以織手繩！」愷淇淺笑地說。

「你喜歡～我不嬲聽你話～」我攤攤手道。



愷淇突然掐著我的耳朵，擺出生氣的樣子。

「你試下唔聽我話！頭都擰甩你！」她說。

之後我們進了一間食Pizza的餐廳吃飯。

等候食物期間，愷淇拿出一堆繩和珠子。

「我咪話織手繩嘅！而加一齊織！」愷淇說。



「但我唔知點織喎...」我無奈地笑笑。

「哎！都估到你架啦！睇住我織一次！」

說罷愷淇便拿起一條繩和幾粒珠子。

「拿首先咁樣打個結...再穿入去..」

愷淇正在認真地教我，眼神專注地看著那條手繩，動作十分純熟也很流暢。

「跟住綁好佢..咁就搞掂喇！」愷淇笑道。

「喂呀你有冇睇住架！」愷淇拍一拍我的臉。

「喔..有！梗係有啦！」我點頭說。



「咁你織一條黎睇下先。」愷淇雙手抱胸道。

糟糕，剛才只顧著看愷淇的臉，沒留意怎做。

我一頭霧水地看著手中的繩和珠子。

「唉呀..教你又唔專心睇..」愷淇噘起嘴說。

「對唔住對唔住！今次真係睇！」

然後愷淇再教我織一次，我跟著步驟來做，也成功織到一條手繩。

「算你啦！有野食喇食完再織。」愷淇笑道。



我們吃過Pizza後，便繼續織手繩，織了大約半小時終於完成，之後便結帳離開。

「二十條應該夠嘅！」愷淇自信地笑道。

「唔夠咪到時再織囉～」我托著頭說。

「超！咪又我織曬！你個廢青！」愷淇說。

「你話邊個係廢青...」我用右手繞過愷淇的頸部，再掐著她的臉蛋說。

「你囉！你個大！大！大廢青！」愷淇看著我，不停攻擊我的胸口。

在一番打鬧後，我們在西九龍逛起街來。

「好耐冇黎呢度～」愷淇說。



「中五之後我就未黎過。」我沒好氣地說。

「以前同啲中學同學成日喺度行街架，嗰陣好mk，成日買埋啲耳環呀手鏈呀，諗返起都想死。」愷淇掩著臉無奈地笑道。

「睇唔出你都mk過喎。」我說。

「我而加係咪好文青呢！」愷淇笑著問。

我白了她一眼，隨便點點頭。

「屌你！」愷淇輕輕拍了我一下。

可能是跟愷淇一起時太快樂，時間過得特別快，轉眼間就六點半。



「我返去喇！」愷淇指著身後的巴士站。

「咁你自己小心啲啦。」我說。

「噗，得喇長氣。」愷淇嫣然一笑道。

正當愷淇轉身走時，我叫停了她。

「愷淇！」

「嗯？」

「我地下次見..係幾時呀？」

她甜笑一下，便走到我面前抬起頭說。

「下次見嗰陣。」

「你咪知囉。」愷淇戳一戳我的鼻子說。

「哦....」我呆呆地回應。

「好喇我要走喇！就黎有巴士！」

「拜拜.....」我揮揮手說。

愷淇說下次見面就知道。

「咁即係幾時？」