《一零六四》: 第四十五章「男子氣慨」

大約晚上六點半，我們完成了City Hunting，回到位於馬鞍山的烏溪沙青年新村。

剛剛差不多所有Task都需要跟愷淇有身體接觸，要不是我的忍耐力高，可能早已經爆血管。

但是經過這些互動，我和愷淇的感情好像又變好了，而且相處起來也非常自然，完全不尷尬。

「頭先又食譚仔...谷鬼氣。」我坐在營地的小型禮堂裡，等候Detective Game開始。

「你唔鍾意食譚仔？定係上年食完小辣之後仲有心理陰影呀。」Kenneth這傢伙居然在恥笑我。





「唔抗拒囉。」我淡淡地說。

「梗係啦，阿翹鍾意食雲桂香。」愷淇說。

「你又知嘅？」Kenneth皺皺眉頭說。

此時愷淇看著我，我便主動開口。

「佢喺維基百科睇返黎。」我故裝認真地說。





Kenneth無奈地看著我，我和愷淇相視而笑。

「威啦而加！唔洗理我架喇你地。」Kenneth說。

「點會唔理你呀志龍哥。」我笑道。

「咪係！仲要靠你啲經驗架！」愷淇說。

「雖然呢！阿翹先係我組老公！」說罷愷淇便伸手繞住我的脖子，然後看著我笑起來。





我也回敬了愷淇一個笑容，感覺好像很久沒有被愷淇這樣箍住脖子。

「冇眼睇你兩個...」Kenneth掩著臉說，愷淇也鬆開了我，然後對我伸一伸脷。

要是旁人看到我和愷淇的相處，很大機會都會以為我們是情侶。

片刻之後，Detective Game也開始，我們幾對組爸媽跟著朗明和Sandy尋找線索。

「唔知一陣有冇鬼屋玩呢。」愷淇說。

「我見Rundown有鬼屋。」我對愷淇說。

「做咩呀？又想好似上年咁，嚇到要捉住我呀？」我搭著愷淇的肩膀，奸笑道。

「食屎啦你，唔知邊個連假曱甴都驚呢。」愷淇用頭撞了我一下，我被彈開了。





「唔係掛阿翹...你驚假曱甴...」Kenneth淡淡地說。

「我係比佢突然飛出黎嗰野嚇親啫！」

經過一番尋覓，我們終於到達鬼屋。

「呢度真係正，唔洗行大斜坡。」我說。

「係人都知你懶，唔洗特登講。」愷淇說。

我不屑地瞪了愷淇一眼。

「係喎，一陣三個人一齊入？」我問。





「屌梗係唔係，我要同隔離OC呀。」Kenneth偷偷地指著那個女生說。

「嘩...你飽喇...」我跟愷淇異口同聲地說。

在幾對組爸媽先後進入鬼屋後，就輪到我和愷淇，不過今次沒有之前那麼害怕。

「行快啲啦。」愷淇回頭看我說。

「咁心急想入去送死？」我笑道。

「睇下邊個死先囉。」愷淇攤攤手道。

進入鬼屋後，我和愷淇都稍微冷靜下來，始終不知道會不會有什麼超級恐怖的東西在裡面，還是不要太過鬆懈。

我們以正常步速走著，發現也沒什麼特別，只是有些假的棺木和假骨頭，這些都不足以嚇倒我們。





「又係女廁，即係又要拎核突野。」我看著右前方的廁所說。

「你拎啦。」愷淇搭著我的肩說。

「點解你唔拎呀。」我也搭著愷淇，互相對望，彼此的臉距離不足十公分。

「你男人黎架嘛，拎少少野都唔敢？」

「拎咪拎。」說罷我放開愷淇，推門進入廁格，從箱子裡拿出一粒乒乓球。

「冇啲新意.....」不過我的手又濕了，但這次好像只是普通的清水。

「咁出去啦！」愷淇說。





正當我們走出女廁時，我大叫了一聲。

「呀！！！！！！！！」

「嘩呀！！咩事呀！！！」

愷淇抱住了我，四處張望。

「冇野，玩下啫呵呵。」我笑道。

「我真係屌......」

「叮，咚。」愷淇話未說完，女廁內傳出怪異的鈴響，嚇到我雞皮疙瘩都起來了。

「今次...唔係到你掛？」我看著愷淇。

愷淇緊張地搖搖頭。

「仆街！走啦仲等！！！」說罷我便拉著愷淇衝出鬼屋，再留在裡面應該會嚇死。

「呼...呼...」我和愷淇撐住膝蓋休息。

「喘曬氣咁嘅喂，喺入面做咩黎。」Kenneth淫賤地笑著說。

「玩乒乓波呀。」我白了Kenneth一眼。

此刻我望向愷淇，

愷淇向我報以信任的眼神。

這個眼神，仿佛就像一年前的時候。

是那樣熟悉。