《一零六四》: 第四十四章「拉近」

Pre Camp當天，我約了愷淇和Kenneth在又一城吃早餐，之後再回校。

第一次做組爸，心情還是有點激動。

「早晨！」我跟他們揮手。

「好興奮咁喎你。」Kenneth笑著說。

「係囉，中咗六合彩咁款！」愷淇微笑道。





「要請食早餐啦！」Kenneth拍拍我說。

「你地話事～我冇問題。」我攤攤手說。

我們去了麥當勞吃早餐，幸好不算多人。

拿到食物後，我們便坐下來。

「原來Marketing個Camp喺烏溪沙搞。」我早兩天翻查Whatsapp紀錄才發現。





「係呀，佢地枝莊有錢，唔想同人地爭公營場所以咪Book私營場。」Kenneth說。

「同埋烏溪沙青年新村附近多宵夜食，又唔洗好似鯉魚門咁樣走上走落。」Kenneth接著說。

「啱曬阿翹啦，咁鍾意食。」愷淇笑道。

「食咩先，講清楚好喎。」我無奈地說。

「點知你食開咩啫！」愷淇攤攤手說。





我白了愷淇一眼，再看一看Kenneth，Kenneth也只好隨便笑笑。

吃過早餐後，我們便回到學校的集合地點。

「咦？咁早嘅你地？」我看到煒程和可盈坐在房間內，因為他們也有玩，而且是同一個House。

「係呀約早啲唔洗咁趕嘛。」可盈說。

我點點頭，便和愷淇還有Kenneth找個位置坐下，等待City Hunting開始。

我們的組名叫「紫天蕉」，Kenneth改的。

片刻後，有一男一女走了過來，應該是我們的House Cap，他們好像都挺友善。

「Hello！我係女Cap呀，我叫Sandy！」





「我係你地男Cap，朗明。」

「Hello～」我們彼此打過招呼。

「等多陣就可以出發架喇。」朗明笑道。

眾人點點頭，便繼續等待。

半小時後，MC簡單介紹了流程，大家便起行，開始City Hunting。

在路上我跟愷淇聊起天來。

「個女Cap都幾靚女。」我從後打量著Sandy，然後悄悄跟愷淇說。





「係？唔洗問，又掛住睇人對腳啦。」愷淇雙手抱胸，瞪著我說。

「講..講下啫哈哈..！你仲靚女啦！」

「哼，唔同你講野。」愷淇別過臉說。

「我講下笑啫～」我用手肘碰一碰愷淇。

「Kenneth呀！個男Cap都幾靚仔呀可！」愷淇故意跟Kenneth說。

我看一看朗明，再回頭向Kenneth，Kenneth則便向我投以一個不關我事的眼神。

片刻之後，我們到了沙田婚姻登記處外。

「雖然係Pre Camp，但我地都係咁易拎啲分啦，唔好零分咁返去，我會比莊員鬧架哈哈。」朗明說。





「呢個Task係...男仔要單腳跪低，向女仔求婚，然後公主抱起佢！好簡單啫～」Sandy笑道。

「組爸組媽出一出黎啦！」Sandy補充說。

我和愷淇對望著，大家都有點害羞。

「喂，唔係淆底呀你地？」Kenneth問。

「淆..淆你老味，求咪求。」我說。

「出..出去囉...」愷淇說。

「冇記錯嘅，你係阿翹？」朗明問我。





「係呀。」我點點頭。

「嗯，咁你地黎先啦！」朗明笑道。

我深深吸了一口氣，便慢慢面向愷淇跪下，然後抬頭看著愷淇，準備讀出求婚的對白。

「Wohooo！！！」其他人為我們歡呼。

弄到我有點尷尬。

「呼...愷淇....你...可唔可以嫁..嫁比我？」我伸出右手，左手放在膝蓋上。

說出這句話時，心跳突然加速，身體又顫抖了一下。

「嘩...好深情呀...」Kenneth故裝可愛地說。

我瞄向可盈和煒程，發現她們在偷笑。

再看看愷淇，發現她竟然臉紅了。

「嗯....可以...」愷淇別過臉點點頭。

愷淇慢慢伸出手，讓我牽著。

「Wow！得米！！」Kenneth喊道。

仆街仔，回到營地拉你進廁所教訓一下。

之後我便站起來，告訴愷淇我要抱她了。

「嗯。」愷淇點點頭。

我走到愷淇身後，稍為紮穩馬步，便伸出雙手抱起愷淇，因為愷淇穿了短褲，所以我的左手跟她大腿的肌膚完全地貼上，這個質感好柔滑。

讓工作人員拍照紀錄後，我便輕輕放下愷淇，然後尷尬地互相對望著。

「好喇好喇！下一Pair！」



































慢著，剛才右手，

好像摸到了什麼。