[HEHE][Chris x Jasper]《換個時代在一起》: 《難道對你連場苦戀也是錯？》
Chris
「一起過 幾多開心也好
分手了 又是另外一套
心傷了 只想促膝痛哭
怎傷也 不可給看到
從小都知道 男人怎可哭
如今竟裝作不到
現在已夜深 難將哭聲收細
平時大男人 還強裝都枉費
努力去假裝清醒 難堪都不出聲
回憶卻未流逝在恨我自己 還要故作冷靜
給傷了的心 還作出這反應
天色已漸明 哭聲卻未停 怎一覺睡醒
分手這事情 不必太煽情 只好當夢醒」
--------------《現在已夜深》周柏豪
Jasper
「一個我為過去又再次玩味 我插翼沒法飛
想得比你多 原來「難忘你」只得我
得不出結果 為何沉迷你的折磨
很努力忘記你始終見你 大街窄巷裡的穿梭
貪戀得你麼 重重圍牆我跨不過
加多一個鎖 長時期圍困拖垮我
是否糟蹋我 感覺方好過
難道對你連場苦戀也是錯
就算對手再變 風景再轉 當主角也是你
是你的陰影不會死 是我依附沉沒天地
人人路過像你 但你是你 和你卻比都不要比」
-----------------《形影不離》張紋嘉
「我⋯⋯」
潮濕的陰風掀過他的髮絲，同時一陣淡淡的輕煙撲面飄向他，像網一般舒張了開來，虛無得好似晨霧一樣輕柔飄渺，讓Chris胸口剎那一窒。
只覺得胸腔被一股沒由來的悲哀所填滿，整個人搖晃了一下，那沈重而真切的情緒壓得他喘不過氣來，一股燥熱的衝動自心口向四肢百骸竄去。
Chris俊美的面孔一掃貫來的意氣風發，慘白得驚人，他開聲支吾了幾聲，又再一次陷入沈默，來來回回持續了好幾次，都沒有明確的反應。
「我⋯⋯」
另一隻手不自覺地輕握成拳，他掙扎了半晌，來回很多次之後，Chris終於頹然地大嘆了一口氣。
他說話的語氣都認真起上來，卻隱隱散發出身居高位者才有的氣勢，那種氣勢凌人的氣場令站在他話筒對頭的柏翹莫名感到一陣心悸。
「你叫咩名？」
「下⋯⋯？我？司徒柏翹。」莫名的問題讓柏翹忽然頓了頓，卻又下意識地答了。
「咁你同Jasper係咩關係？」
問話忽然變得很輕，輕得像微風中飄落的一片羽毛，卻讓柏翹不自覺感到手足無措。
「欸？我⋯⋯」
「佢肯講咁多野你知，肯定關係唔算差，你打得依個電話俾我，好明顯你都幾緊張佢。」Chris沒等到對方回答就低聲地敲定了一句，直截冷然。
「我⋯⋯我梗係緊張佢，好似佢一個咁好既人⋯⋯」
「我知道，你身邊宜家有無紙同筆？或者可以記低啲野既工具？」Chris打斷了柏翹的說話，接著又提出讓柏翹不得其解的問題。
「下⋯⋯呃，有。」柏翹看一看書桌上的文具。
「司徒先生。」Chris停頓了幾秒又再說，語氣雖然輕柔，卻像帶著霸王吩咐般的張狂氣勢，「聽住！我宜家講既野好重要，你全部同我記低佢。」
「下！」
Chris又大嘆了一口氣，之後才說，「第一，你一定要好好照顧佢既起居飲食，唔好俾佢餓親，唔好俾佢唔夠訓，唔好俾佢凍親⋯⋯」
「Jasper咁大個人，依啲野⋯⋯」
「我未講完，仲有，佢由細到大都好偏食，一啲有營養既野，點都要逼佢食，千祈唔好俾佢望兩眼就心軟。」Chris靜了兩秒，語氣寂寥地又說起來，「你遲啲就會發現，佢同你想像既其實有好大出入⋯⋯」
「第二，無論你幾忙都好，一定要抽時間陪佢，就算佢話想一個人，你都一定要係佢可以搵到你既範圍之內⋯⋯佢其實好怕一個人⋯⋯」他語氣開始慢起來，漸漸收起了平時凌厲迫人的態度。
「第三⋯⋯依件事，我做唔到，我希望你可以代我做到。」片刻的沈默，越說越像一把枯朽的男聲彷彿自虛空中飄出，低低的，一如週遭死氣沈沈，「你要以後都陪住佢⋯⋯一心一意。」
Chris一手揪緊著自己前額的頭髮，冷汗涔涔浸透了他的背脊，頹然地說，「唔該你⋯⋯」
明明本來是要找碴的柏翹聽著聽著話筒對面那沙啞又愧疚的語氣，不知為何都覺得揪心起來，他的心臟像是被利刃猛力插入，狠狠抽疼了一下，甚至有助對方一臂之力的念頭閃過。對方無奈的低吟，一切的一切發乎自然、而又超乎自然，足以撼動人心情緒，絕望得令人屏息。
彷彿直達九淵那樣沒有盡頭⋯⋯
就忽然覺得感同身受⋯⋯
他不明白，為什麼兩個即使分開了也在擔心對方的人，依然是如此深愛著對方的人，卻寧願距離千里之外。
「喂，你咁緊張佢，點解唔直接黎搵佢？你真係唔想知佢係邊？你係真心咁願意將佢交俾我？」
「梗係唔願意！我一啲都唔想⋯⋯我真係好想知佢係邊，我想黎搵佢！」Chris瞬也不瞬地回答了，下一秒卻又猶豫了，「但係⋯⋯唔好話俾我知道⋯⋯」
「你真係奇怪。」柏翹對對方的吊兒郎當，思緒有點複雜，Chris口口聲聲說起怎樣怎樣，卻轉個頭又推翻自己說過的話，柏翹無奈地再問一遍，「到底你想點架？」
「鍾皓庭係我今生今世最愛既男人，好可惜Timing唔岩，係我認清楚自己既感情之前，我已經有個一直以黎都對我不離不棄既女朋友。」
「我無可能拋棄我女朋友黎搵佢，我唔想辜負左佢對我咁多年既付出同埋愛，我唔想傷害我女朋友⋯⋯」Chris艱澀地嚥了一下口水，「你講得岩，我就黎要結婚，我唯一要交代既人的確係我未婚妻。」
「或者咁講⋯⋯唔單止我未婚妻，仲有好多因素⋯⋯我知道我好自私，同Jasper相愛既代價太大⋯⋯我真係背負唔起。」
「現實，根本唔容許我地一齊。」Chris咬著牙，閉上了眼睛。
「藉口！」
不解釋還好，本來柏翹還是有一點同情話筒對面有點頹然的男人，聽畢後卻只感困惑又憤怒。
「全部都係藉口，只要你夠愛佢，你根本就會為左佢不惜代價，而唔係去計算住因為依段愛情而要付幾多代價囉⋯⋯唉，我居然浪費左人生十分鐘黎聽你前面個啲廢話。」柏翹嘴角一翹，有恃無恐地冷笑了，「不過唔緊要喇，以後等我黎愛佢。」
「⋯⋯」
「Jasper揀離開你，真係揀得好好。我原本見你仲緊張佢，好似好唔放心咁，我仲有啲同情你⋯⋯」柏翹打了個冷顫，若有所思的一聲低笑，「不過，岩岩只係發現你只不過係個重視自己多過Jasper，傷完人之後又想搵一大堆藉口去令自己個心好過啲個種人。」
「唔係咁，我只可以講我兩個我都咁愛，但係我個人得一個。」Chris低聲地反駁著，「我只係揀左個我認為正確既選擇。」
到頭來，Chris對著話筒外的陌生人，只擠得出這麼一句話來。
因為這一切本來就錯了，剩下的只是，選擇而已。
但若要牽強地說毫無後悔，是一件不可能的事情吧。
「係咩？定係其實兩個你都唔愛啊？雖然我唔識你，但係聽你啲態度就知你個心根本由頭到尾都無愛過人，無論係Jasper定係你女朋友。」
「⋯⋯」Chris忽然被教訓起來，頓時語塞。
「你真係好自私！從以前到宜家，你只係一直係到依賴佢兩個俾你既愛，你呢？你又付出過啲咩？」柏翹吁了一口氣，「我所睇到既，Jasper只係放棄左一個永無希望、永遠無法得到回應、永遠不會有結果既戀情，而你就放棄左一個好好既伴侶。」柏翹忿然地說。
「如果你係夠愛你女朋友，你依家就唔會煩惱；如果你係夠愛Jasper，你依家就唔會猶豫。」
說穿了，他和她，他和他的口口聲聲說愛，但那種愛情到底是何其淺薄？
他沒有為了她，專心一意。
他沒有為了他，付出代價。
可是做成這種局面，歸根究底，錯的也不是只有他，也不能全怪他。
誰叫她在某種地方不能滿足填補他，誰又叫他義無反顧地出手勾引他。
不對嗎？
孤掌難鳴不就是最能為他辯護的解釋嗎？
為何被責怪的只有他？
可是這種解釋，Chris並沒有說出口，柏翹也只拋下一大堆怒氣，就掛了線。熄滅了的心思再次閃爍出了些許火花，不知為何他的確感到愧疚，像是要擺脫這莫名其妙的情緒，他只能站在陽台外望著天際陷入沈思。
Chris的眼神有點空洞，他來回地思考著柏翹的說話，始終也不得答案，也許他真的如他所說，他真是比較愛自己。
「你知唔知我要係屋企陪老婆架？難得放假竟然要我陪你，仲要我特登搭車過黎。」Alvin沒好氣地說著，一進屋就不客氣地坐下來，把腳擱在茶几上。
「喂，放返落去喇，咁污糟。」
「Jasper返左黎喇咩？扮咩乾淨啊你。」
Chris突然嘆了一口氣，他特意找上Alvin來，除了是很久沒見以外，他還是想找個人來替他自己的感情分岔做個主，除了Jasper和康妮，他最友好又不涉事就是Alvin，而Alvin一接到Chris的電話，還是立即出現在好友面前。
「嘩，搞咩？之前我老婆仔都聽康妮講過，你瘦左又殘左，原來無誇張到架，塊面仔都笠晒既。」Alvin突然傾前捏著Chris的雙頰，「婚前抑鬱啊？」
「無理由喇，你娶個個康妮黎架喎，女神喎，咁都抑鬱？」Alvin難以置信地望住Chris，「我娶個件，隨時會將我斬件煲湯，我都未驚過喇，你怕啲乜啊？」
「Alvin，有件事我想搵人講⋯⋯不過可唔可以唔同康妮講，連Kate都唔得⋯⋯」Chris支吾了一會兒。
「！！！」Alvin張開口，有點驚訝，「你唔係想講你有暗病，就黎死啊嘛？下⋯⋯醫生點講啊？仲有幾耐命啊？Chris我會永遠懷念你架。」
「我認真緊。」Chris的聲音平淡地聽不出什麼情緒，劍眉蹙得更深了一些。
「好喇，我都係見你個樣慘慘淡淡咁先講下笑，你以前都唔係咁既，睇黎真係幾大件事。」Alvin收起笑容，把手在口前佯裝拉鍊的手勢，「男人既秘密，我絕對唔會講，我用我個仔既智力黎保證。」
「我唔想結婚。」Chris稍微調整了一下坐姿，低下頭。
我後悔了嗎？Chris捫心自問著。
「唉，我就知道，婚前抑鬱依啲野同我講都無用，你要搵心理醫生幫你啊。」Alvin用手肘倚著扶手，撐著臉頰輕鬆地說著，「我都唔知你驚咩，康妮又靚又溫柔又體貼又可愛又就得你，你都唔知行咩運，啲好野都俾你擸晒。」
「其實都係簽多張紙者，其實同宜家唔會有咩分別架，你地行左咁多年，無問題既，唔好諗咁多喇，簽完名咪又係一條好漢，下星期六就係喇。」
「我可能有個更加鍾意既人⋯⋯」Chris細聲如蚊。
「咩話？」
「除左康妮之外，我個心仲有另外一個人。」
此時此刻，Chris的眼神茫然地，望著目光直視自己的友人，脫口而出的聲音，居然如此顫抖，彷彿要哭出來似的。
「我怕揀錯⋯⋯我唔知自己其實鍾意邊個⋯⋯」
「你一腳踏兩船？癡線架咩，癲左啊？有無搞錯啊你⋯⋯」Alvin坐起身來，望住低下頭的Chris，「邊個黎？幾時識架？幾時開始？」
「⋯⋯我同佢識左好耐，你都識佢架⋯⋯幾個月前係埋一齊。」
「你唔係真係同Gigi啊嘛⋯⋯」
Chris立即猛地搖搖頭，「唔係佢⋯⋯我唔透露佢係邊個得唔得⋯⋯」
「唉，我都唔知點話你，有康妮仲唔心足。」Alvin重新拓著頭，斜視著Chris，最後鬆開了撐著下顎的手，靠上椅背，斂下視線，淡淡開了口，「你都唔係想聽我鬧你架喇，咁宜家有咩困難啊？」
「我怕我會後悔⋯⋯」Chris偏過眼光。
「咁個個人同康妮，你分別愛佢地啲咩啊？諗下當初點解會愛上左佢地？」
真的要說愛Jasper的什麼，其實並沒有概念，純粹是習慣使然而已，朝夕相處日久生情，渾然天成毫無疑問。
從一開始他就不排斥，甚至隱隱受到了吸引，那個男人身上有一種特立獨行卻又帶點無助的氣息，一直讓他忍不住就想要守在他身旁。但最吸引的是那雙清冷的眼睛最深最深處，卻若有似無的，透著一抹淺淺的淺淺的波影。
至於康妮，很漂亮⋯⋯復合以後的日子對他很體貼，是個貨真價實的女生⋯⋯
也許，還有一個很主要的原因⋯⋯
連自己大概也一直不察覺。