廢鳩俠2: 7.凪咲

「應該係佢啦...結衣bb開門」

「知道」


少女背著背包，跑到大宅之中

「你好呀！我叫凪咲，係阿昇響MIT既師妹」

凪咲不但笑容滿滿，還非常有禮:「啱啱讀完MIT機械工程博士，以後多多指教！」







「你好，我叫阿七...」

阿七聽出凪咲不純正的粵語，問:「你係日本人黎架？但係你啲廣東話都幾犀利喎」








「係呀，啲廣東話係阿昇師兄教我架！」


帶凪咲到地下室的同時，阿七再道

「你同阿昇好似幾好感情咁喎」


「當然啦！果陣成個學系得我同阿昇師兄係亞洲人，自然同聲同氣啦」





凪咲笑著說:「我仲知道阿昇依家鐘意左果個女仔tim，叫新月丫嘛！」


「哈..咁真係好熟喎」




凪咲一看到blacksuit後，非常高興

「嘩！好大部裝甲呀！呢部就係你同阿昇整既blacksuit啦？」


「嗯..不過仲有好多不足」阿七輕輕道






凪咲望住飛翼噴射器:「用煤油的確唔係太有效率喎..呢款飛行器有四個噴嘴，會消耗好多燃料架」



「佢只係睇一眼就知道哂啲弱點..」阿七不禁佩服



「無錯呀，頭先我已經模擬左佢既運作，功率只有60%，續戰時間2小時」

結衣bb亦開口:「凪咲小姐你好，我係阿七發明既AI結衣bb」


「哈哈！原來阿七你仲發明左個AI架，犀利呀！」





凪咲笑道:「噴射器既問題交比我啦，我有信心一個月內可以幫你搞掂佢架！」


阿七道出心中所想

「嗯...咁唔該哂啦，不過，我依家諗既係，可能一部blacksuit未必夠面對未來既敵人」


「咁阿七你...唔通想好似ironman咁？」

凪咲問:「整好多套裝甲，而且仲可以靠AI去操縱？」


「無錯...」






「哈，聽落好似幾好玩咁喎！」

凪咲竟感有趣:「阿昇第一次同我講果陣，我都覺得好神奇架啦，原來呢個世界真係會有人做super hero」

「今次就等我黎幫你啦」


「多謝你呀，但係錢方面...我每個月比返二十萬你丫...」


「唔駛啦」

凪咲拎出一張和一西裝男的合照:「我爸爸係近畿日本鐵道社長黎架！」






「呢個...」



「的確係近畿日本鐵道社長，小林聰」

結衣bb分析照片，並用資料庫確認相中人物

「小林聰有兩子一女，相信果一個女就係凪咲小姐啦」


「嘻嘻，你好犀利呀結衣bb！」

凪咲道:「不過我對公司既野無乜興趣，而且爸爸同哥哥都好錫我，比我去做自己鐘意做既研究」



「真...真係唔該你啦今次....」阿七無言感激