廢鳩俠2: 6.決心

「唔該哂你呀，慕容同學，要你送露露返黎」


「唔駛，始終..露露遇到呢啲咁恐怖既事，可能都需要人陪既」

阿七望住睡在床上的露露，道



「我呢個女真係唔好彩啦，上次響會展撞到恐怖襲擊，今次就比人綁架」





露露的母親苦笑道


「我呢個女淨係鐘意睇書...希望，慕容同學你可以好好咁照顧佢」




「吓...照..顧....」






「中學果陣露露從來未試過同同學出街，但係..自從識左你之後，佢個人就好似開朗左，仲成日出街」

露露母親道:「所以我相信，露露一定係覺得，同你相處係一件好開心既事黎...」




「如果迪拉斯果啲恐怖份子真係會再襲擊香港，露露bb佢分分鐘真係會出事」





「我...一定要再變得更加強，一定要保護到露露bb...」

阿七心裡下定決心，要為露露變得更強





阿七返到大宅的基地後，馬上著手「變強」的計劃

「結衣bb，依家我副blacksuit...仲有冇加強既空間？」


「當然有啦，上次既一戰已經顯示左，blacksuit既續戰力、機動性都有不足」





人工智能結衣bb為阿七分析:「不過阿昇臨走前已經幫你解決左機動性既問題啦」


blacksuit裝甲隨即從暗格推出

現時的blacksuit就如ironman mark50一樣，後方有一對幼細的飛翼



「佢將飛行器改裝左，由以前既長筒型，改成飛翼型噴射器，再配合本身腳底既噴射器...」

結衣bb將各種數據展示於AR介面:「現時blacksuit既出力比起以前已經高出30%，速度亦上升20%」






「但燃料依然係用煤油，所以只能飛行2小時」

「電磁炮亦充電需時，不過好消息係，阿昇之前已經幫你成功申請左IID既軍火牌照，仲訂左一大堆...」


「咔！！」

一箱軍火從地底彈上


「全部都係火神機關槍同小型導彈，我相信佢地同blacksuit會有唔錯既相性」


「不過...軍火既野我唔識架喎...」





阿七感不安:「而且飛行器果啲機械野我又唔熟，我淨係識搞電子野架咋」

「阿昇呀阿昇，點解你要走左去呀！」



「嘟嘟嘟！！！」


阿七接過電話

「喂...係阿昇？」


「哈哈係呀，點呀，睇左我幫你改裝既blacksuit未呀？」






「睇左啦，但係...我都唔識搞啲機械野...你幾時返黎呀？幫我...」


「吓，我同新月bb決定左會同叢雲佢地響日本定居喎..」


「乜撚野話！咁我部blacksuit...」


「放心，我幫你諗好架啦，我搵左個人黎香港幫你手」


「咩人黎架？」


「佢係我響麻省既師妹黎既，佢份博士論文就係做小型噴射器，佢仲應承左會保守秘密，你可以放心」



「...嗯，咁好啦..咁佢幾時黎呀？」




「叮噹！」






「冇野啦屌，佢到左啦」


「咁好啦...祝你同阿彩生活愉快啦」


「屌你呀，打飛機都唔屌個臭西彩呀！」



阿七上到閣樓，打開AR介面

「結衣bb，係邊個黎架？」


結衣bb投放大閘外的畫面

一少女正站在閘前，對住鏡頭揮手

「hi！！我係阿昇個師妹呀！！！！」


此少女約一米六高，啡髮，笑容燦爛，俗點說句


「笑到四萬咁口」和「笑到烚熟狗頭」