[酒店甜故] 酒店高層淫事: 第九章

同小燕返緊酒店途中, 佢同我講話間房有 cam今晚唔好再做嘢, 但我就同佢講 : 「喂, 其實….如果我哋話咩都 check 唔倒嘅咁咪就無事囉。」
 
小燕突然如夢初醒咁話 : 「係喎, 做咩我諗唔倒咁蠢嘅。」 我曲低雙腳咁同佢講 : 「妳唔係蠢, 妳只係唔捨得我啫。」
 
小燕聽倒之後, 即時咋哂嬌咁話 : 「黏線啦, 鬼唔捨得你呀, 聽朝我就比番哂啲 file 佢哋, 而你就可以功成身退番去香港, 夜嘞, 我都要搭車番屋企嘞, 聽朝見啦。」
 
講完, 小燕就真係頭都唔回就走咗去搭車。
 
呼, 咩講一句就走咗去咁無癮呀, 算嘞, 都係番去酒店早啲沖涼同瞓覺好過。
 


番到酒店之後, 我獨自搭 lift 番去臨時辦公室度攞番個旅行袋, 跟住就再上到佢哋早為我安排嘅房間度, 咦, 咩原來係響下晝嚟過見倒呀倩果間雜物房嘅隔離, 突然, 呀倩充滿住仙氣嘅音容又再響我腦海內出現住, 嘿, 唔知呀倩而家又會唔會響間房入便度咁呢?
 
突然之間又好掛住想見倒佢, 一吓衝動令我移步行到隔離就敲住度門, 敲咗一陣, 房內依然無咩動靜, 我多手嘗試拉低個門鎖, 咦, 真係開倒喎, 我推門行咗入去, 見房內攞放咗好多清潔用品用具同毛巾雜物響度。
 
但房內仲有一度門, 我諗住開嚟睇吓入便到底會係有啲咩, 我伸手打開度門, 但點知入面就響起咗一聲尖叫,「哇…..你係邊個嚟呀?」
 

 
死嘞, 咩原來有個女仔響度換緊衫架, 但好快就有條毛巾兜口兜面咁飛到埋嚟, 「呀 Sorry, 對唔住, 我唔知有人響度架。」
 


我好快退出房外再關番度門, 噓, 奶嘢添, 唔係嘞, 都係快啲走番過隔離房度匿埋先好嘞, 我嘭嘭聲衝住出房, 但當我一出到門外, 我見我間房居然有人響入面行緊出嚟, 一個著住同下晝話檢查冷氣同一制服嘅男人, 正關住我度房門同我對望住。
 
我傻笑住指吓什物房度房門, 跟住我又再次開門走番入去, 關咗門後, 我正思索緊做咩佢會響我房度走出嚟之際, 有把女聲正殊殊住我, 「喂死咸濕佬, 你仲唔走響度想點呀? 嗱, 你再唔走嘅我就叫保安上嚟拉你架嘞。」