[酒店甜故] 酒店高層淫事: 第八章

我瞄倒隔離個大陸佬正擰擰頭咁響度猛按住手機, 我再同小燕打住眼色嚟講 : 「咁一陣…..妳會唔會上嚟我間房度架?」 小燕有啲面紅咁話 : 「吓…..上你房, 做咩呀….?」
 
我再 high 住咁嚟講 : 「妳話嘞?上次妳嚟我屋企度瞓, 咁妳同我成晚做過啲咩吖?」 小燕已經想搵窿捐落地咁滯, 「咁..咁..咁我點知上次…..同你做過啲咩喎。」
 
小燕個心正嗌住救命呀, 而我就響個心度 Yeah 咗出嚟。
 

 
條大陸佬聽到咀角響度笑淫淫, 我知道計劃應該係可行嘅, 食完飯後, 我同小燕特登再響街度行多一陣, 但見個大陸佬仲跟住我哋尾, 跟住我再細細聲同小燕講 : 「喂, 拖住手行啦。」
 


小燕知道我嘅意思, 跟住好快, 我撩住佢手指嘅手, 就已經十指緊扣咁同佢拖住, 再行多一陣之後, 我咋第哄個頭埋去扮錫住佢, 小燕嚇到縮咗一縮, 跟住我再細細聲同佢講 : 「喂, 借位做戲咋, 專業啲啦。」
 
小燕皺住眉頭咁望住我, 而我又再哄埋去話扮, 其實就真係錫咗佢塊面一啖, 但突然, 小燕居然反客為主咁將我用力攬住起嚟, 對波銀得我好實, 而且感覺仲好軟綿綿咁添, 我諗緊做咩突然咁著數, 但小燕就響我耳邊度細細聲咁講 : 「黃生架車呀, 佢哋幾個都響車入面度呀。」
 
哦, 原來如此, 咁架車一早應該就要出現啦, 我同小燕繼續大模施樣咁響街攬到實一實, 車上, 眾人遠望見倒我哋咁, 坐響司機位個黃生就話 : 「唏, 原來小燕同條香港仔係有路嘅, 咁唔怪之得兩個要匿埋響間房度扮做嘢啦。」
 
車後一個乾柴瘦削大陸佬就冷冷地講 : 「睇嘢唔好咁表面, 一切都要小心為上至好呀。」
 
我瞄到佢哋架車正緩緩咁開走咗, 而小燕就響我耳邊度講, 話我背後個大陸佬亦都已經走咗, 但我就呃佢話響佢背後架車仲停咗響度, 所以我哋就要繼續保持住隊型唔好鬆懈。
 


我見咁好景, 對手就響佢背後上下咁掃住, 跟住又乘機伸到下面摸吓佢個蘿柚, 個蘿柚好彈手同好多肉, 但小燕就伸手擋住嚟鬧我 : 「喂咪咁多手呀, 我唔係真係你女朋友嚟架。」
 
但難得今晚有女比我攬, 咁我仲唔乘機博命抽吓佢水先, 我繼續間中突襲住佢個蘿柚, 跟住又再借啲咦咁同佢講 : 「喂, 不如真係咀啖先啦。」  「咀你死人頭, 嗱你唔好再響度搞搞震呀。」
 
良久…….., 小燕正有啲倦意咁問我 : 「點..呀..架..車..走..咗..未..呀.?」