師生禁地: 第十二章：考試週

一返到學校就見到阿敏，好似舞龍咁講野勁大動作，成為左canteen既焦點，總之有咩緋聞佢都會好有興致，可能佢係其中一個會將啲謠言越吹越大既人，「光，你過去搵阿志啦，我去果邊坐先。」我無奈咁行左過去坐。今個星期有三日試要考，考完就走得，唔洗返下晝，仲有兩日唔洗上堂，有好多既自由時間，正，不過真係求神拜佛，希望唔好有霍sir監考，同埋佢唔好搵我啦...

「喂，阿婷，做咩發晒呆咁呀，係諗緊綠帽單野定諗緊你個寶貝光呀，嘻嘻～」阿敏突然間搭我膊頭。「綠咩帽呀，當事人都話左係溫書，你睇下啲同學仔個個都怕左你行開晒喇。」我一臉無奈。「你平時咁憎條拜金女，你依家竟然幫住佢，好奇怪啊。」阿敏用懷疑既眼神望我。「咩呀，我可憐阿風咋，我覺得佢好無辜囉。嗱，一講曹操曹操就到，快啲跟大隊去審阿風啦。」我推左阿敏上前，擾攘一番，終於鬆左口氣「我終於可以溫書喇。」我攬住左阿晴。「哈哈，辛苦喇，你黎到之前我都比阿敏煩住。」阿晴苦笑一聲。

「考試正式開始，係最後十五分鐘會有提醒，各位同學加油。」當開始考試，個氣氛就由頭先既熱鬧變到完全寧靜，我完全冇興趣問返阿敏八到啲咩，只係想先認真做好眼前份數學卷。做到一半，其實都冇特別難題，每日溫一溫，臨考再重溫，點可能唔合格，奈何阿光連掂下本書都懶，先要我咁勞氣，希望佢今次順利啦。

「啊...啊！」呻吟既聲音係由監考阿sir部手機度出黎，我個身震左一下，阿sir勁尷尬咁咳左兩聲，有啲同學就對住阿sir係度暗笑，我心諗，有冇咁緊火啊...返屋企睇唔得既？考試啱啱過左一半，就係依個時候，因為阿sir部手機，搞到我專心唔到做卷，明明得返幾題...一諗起霍sir既威脅...唔得！一陣考完要即刻拉住阿晴放學先，唔理得阿光咁多！

「阿婷，我早過你考完，嘻嘻。」阿光係我課室門口等我。「做咩得你一個，自己個fd都唔理？」我輕輕打左阿光胸前一拳。「搵唔到佢啊，今日又冇黎考試，陣間call佢睇下咩事。」阿光個樣好苦惱。「試都唔考？係喎，我果班個拜金女都好似冇返，應該唔係巧合。」我沉思左幾秒。「邊有巧合，我可以好肯定咁講，一定係鬧交...跟住阿志佢就...」「得喇，唔好繼續胡亂猜測深究，我同阿瑤不嬲都係sp。」阿風拍左下阿敏既膊頭。「你終於肯認喇咩！」阿敏目光凌厲。「係呀，study partner 啊，冇咩補充，我返去溫書先。」阿風少有咁幽默，阿敏就一肚氣咁繼續行去纏住佢，我同阿晴無奈咁笑，然後即刻拉住阿晴離開學校。「阿光，你去搵返個自己個fd先啦，我同阿晴去溫書啊，電聯。」「好啦，睇路呀行咁快。」我好趕咁同阿晴走左。