為左追到女神我要成為全級第一！: 第四十六章：

話說係去露營之前個一日，我約左啊傑同啊儀上黎我屋企到講一講我既表白大計。當我同佢兩個話我要係露營個時想同小欣黎一個正式既表白個時，佢兩個一齊係到起哄，啊傑仲一臉問號咁問我：乜你地唔係一齊左啦咩仲表咩白啊？

我同小欣之間既承諾佢兩個係並唔知道，但我為左方便行動於是我就向佢地講一講我同小欣既承諾...佢兩個聽完之後都好驚訝，啊傑仲串左我一下：怪唔知得有人無啦啦咁勤力啦！原來係有內情既！而啊儀都偷偷咁笑我...

喂呀！講返正題先，我需要你兩個幫我手啊！佢兩個同一時間向我講要點樣幫你手啊？我係我間房個櫃桶入面拎左盒野出黎，入面係我之前係上網訂返黎既情侶手鏈，條手鏈刻左我同小欣個名係上面，我個時係到諗希望小欣佢會中意啦！

本身咪話要一齊睇日出既，我想係日出低下同小欣佢表白，而你地既任務就係睇睇下日出個時借啲意離開一陣，比小弟我一個二人獨處既機會，然後到時我會同小欣佢表白。啊儀：吓！咁我地咪無得食花生囉...我反問返佢：乜你咁想食閃光彈咩？啊傑聽到我地之間既對話都忍唔住笑出黎。

轉眼之間我地終於都傾好左到時點樣做，但願計劃到時會順利完成！





時間返返黎露營個一晚，我地差唔多玩到十一二點先肯去休息，明明睇日出要四五點就要起身準備，講完晚安之後我同啊傑就入去帳篷入面準備訓覺，係訓之前我問啊傑：你估聽日小欣佢會有咩反應啊呢？啊傑：俊哥你咁浪漫，欣姐到時實冧死啦！我：嘻嘻！早啲訓啦我仲要留力聽日表白啊，講完我就進入美夢之中。

係另一邊廂，個兩個女仔竟然講起我同啊傑，小欣：你覺唔覺得佢兩個今日紮營個時幾Man啊！
啊儀：係啦你個男朋友仔真係Man啦！
小欣：咩喎...咁你個啊傑都幾Man啊！小欣用一個淘氣既語氣同返佢講。
咩我個啊傑啊！啊儀激動咁同小欣講。
係我面前唔洗再扮喎！小欣由淘氣既語氣變做名偵探柯南既語氣。

我睇得出你對啊傑都有好感架！啊儀聽到之後就細細咁講其實都有少少既，之後小欣就好自豪咁讚自己直覺真係準。中意人咪同人表白囉，正所謂「男追女隔層山，女追男隔層紗」，我相信啊傑都會中意你架！





你估啊俊佢幾時會同我表白呢？小欣突然問啊儀。啊儀由於知道內情所以扮傻咁問：咩啊你地唔係已經一齊左啦咩？小欣：講就咁講姐，但佢其實都未正式同我過表一次白啊！啊儀順勢附和佢講：原來係咁啊，我覺得表白係好重要架，要是但一方表過白先真係可以正式成為情侶既。小欣：原來你都覺啊！

可能啊俊佢好快就會同你表白呢！啊儀平心靜氣咁講。哎呀時候都唔早啦快啲訓啦聽朝仲要起身睇日落啊！此時大家腦海中都係想快啲到朝早去睇日出。






各位大家好，如無意外下一章將會係呢個故事既大結局，敬請期待！我想係到同大家講返一聲多謝大家一路既支持～