為左追到女神我要成為全級第一！: 第三十二章：

我諗返起次次考英文科考試，做做下一半個時就會頂唔住睡魔嘅來襲，將我一下子由現實瞬間拉到我去睡夢中，直到考試結束老師走過黎拍醒我收我份卷，所以我次次英文考試都係全級最尾。

我返到屋企之後就繼續溫習英文文法，啊明同小欣仲特登黎我屋企一齊溫習，當我同小欣有唔明嘅地方，啊明都會好仔細咁教我地唔識嘅地方，小欣唔識既地方都係好難既地方，而我就連普通中間程度都唔太熟。

所以上次英文測驗真係70%幸運加30%隱藏實力先可以拎到71分返黎。但係今次要達到目標難度變得更高，要起碼拎到90分以上先叫有機會做到全級第一。我地溫到夜晚11點幾，之後大家都見攰準備離開，我諗住送小欣佢返屋企，點知佢要我早啲休息唔比我送佢返屋企。

我唔放心佢一個女仔係咁夜係街到行，所以我幫佢截左架的士，送小欣上去坐之後就提佢返到屋企要打比我啊，之後我再同司機講小欣既屋企地址再比200蚊司機要佢安全送小欣到目的地，司機見有錢收就何樂而不為。

之後我就返返屋企沖涼，沖完涼之後手機就響起，係小欣打黎，我同小欣傾左30分鐘之後就互相講晚安訓覺。雖然聽日考英文考試有啲緊張，但都冇阻我訓覺，係睡夢中我同小欣都成為左結業典禮中嘅領獎生，而我獲頒嘅獎係全級第一優秀成績獎同最佳優秀進步獎，而小欣就獲得全級第二優秀成績獎同品學兼優奬。





白駒過隙，我比鬧鐘聲嘈醒左，一起身我伸一伸個懶腰，由於琴晚訓得特別冧，所以今日起身都特別精神，食完媽媽精心炮製醒神早餐之後，我就一手拎住英文工作紙同書包準備返學，我今日預早左時間返學，諗住返到學校再溫多一陣。

因為我係第一位學生返到學校，加上而加係考試週所以唔洗考試嘅同學都唔洗返，搞到成間學校都變得異常安靜。入到課室之後係書包到拎好晒一陣考試要用嘅文具，為左可以保持而加咁精神，我係返學校之前買左罐特濃咖啡黎飲，之後我就一邊飲咖啡一邊溫習英文，做最後衝刺。

過左一陣陸陸續續同學們都返緊，佢地見到我第一句都係洗唔洗咁勤力啊，之後我都會有禮貌咁同佢地講返少壯不努力老大徒傷悲啊！佢地聽完都笑而不語坐返係自己個位等考試嘅來臨。

過左好耐小欣都味返到黎，究竟發生咩事黎，我偷偷去左廁所諗住打比佢問佢做咩事唔返，點知打唔通，我睇下小欣佢有冇wts過我，因為我唔想我溫習個陣會有人影響到我，所以我朝早wts小欣同佢講聲早晨之後，我就熄左手機數據網路專注溫習，所以我唔知小欣有冇wts返我。

我開返數據一睇，見到小欣有wts返我
小欣：啊俊啊，我婆婆今朝唔小心跌倒，撞親隻腳，而我爸爸媽媽仲係內地公幹，所以我要陪我婆婆去睇醫生，你今日要努力比心機去考啊，如果唔係就做唔到全級第一架啦！




我覆左句我會架啦就熄返部手機準備一陣英文考試。

知道小欣佢冇事當堂成個人都放心晒，可以保持返一個平常心去應付一陣既考試。















香港人今日要be water
香港人加油
10月1日