為左追到女神我要成為全級第一！: 第十八章：

就係咁我同小欣已經相處左三個幾月，對小欣由陌生慢慢變成無所不談。

係某一日返學日到老師向我地全班推薦三項義工活動，並且要求我地要參加其中一項以獲取證書方便日後整理其他學習經歷，呢三項分別係動物義工、賣旗同埋探訪長者。於是我去問小欣你想參加邊個，小欣佢諗都冇諗就答我咁係動物義工啦！

等到張報名表傳到黎，諗住報名個時動物義工個一欄已經有三分二人報左名，咁又係既動物義工點都會受歡迎多啲，但是我地都想參加，所以都照報名。

話咁快又上晒所有課堂，去到最尾既班主任課節，張老師話太多人都報名參加動物義工，冇咩人去參加其餘個兩個活動，所以為左平均返個人數，我地班有成30人咁多，所以每個都分到10個人，張老師話要用抽籤黎決定。

平時唔信上帝既我，頓時間係心中開始祈禱希望我同小欣都可以參加動物義工，張老師一個一個既抽籤，令到我愈黎愈緊張，去到小欣個名，張老師話抽到動物義工，之後小欣就勁開心係咁笑。





再等多一陣終於到我個名，我心入面一直都係咁祈禱，張老師開口講：抽到動物義工！頓時個下既緊張心情瞬間消失。而小欣都立刻替我開心，小欣仲話我又可以同你一組啦！係呢幾個月入面只要係要分組既話，小欣都係第一個話要同我一組既人。

抽晒籖之後，放學又剛剛好響起左，小欣因為有屋企人今日生日，所以同我講左聲再見就急急腳咁返屋企。而我見咁耐都冇上過天台坐下，我收到消息話今日訓導老師請左病假，所以今日坐到學校閂門都可以。

於是我係小賣部買左包薯片同檸檬茶上去坐，上到去同個校工叔叔單左一眼就入左去，一打開門啲海風就迎面吹埋過黎，好舒服。我搞左個鬧鐘就係上面訓左陣。

兩星期後就去到做動物義工個一日。