為左追到女神我要成為全級第一！: 第二章：

話咁快又到第二朝啦，琴日掛住同班戰友大戰峽谷，所以我而家好鬼眼訓。本身諗住叫阿媽幫我請假，比我訓個覺...點知我一開門，阿媽就已經一早已經煮好左早餐同埋已經幫我熨好晒校服，佢見到我出左黎，就叫我食完早餐就好換衫返學啦。

佢咁樣講即係代表我個訓覺大計挽完...咁唯有死死氣咁食個早餐之後換衫返學啦。我約左阿明係樓下等我之後一齊返學。我一落到樓，一睇阿明個狀態同我一樣，大大既黑眼圈，仲有幾條鬚根呀！

我行過去拍佢問佢琴晚做咩黎，點知佢同我講：
阿明：琴晚我阿媽要我操卷呀！操完五份先肯比我訓呀！
我個時冇講野...
阿明：咁你琴日又做咩黎呀？
我：冇呀，琴晚通宵打機啫。





阿明聽完我講之後，都冇咩反應，可能我同佢太熟，所以佢都估到我會係咁。
距離遲到時間仲有十分鐘，我同阿明就慢慢咁行返去，因為我地學校唔洗五分鐘就到，係路程中我同阿明都傾左好多趣事。

返到學校之後，我就同阿明講聲放晏見就入左班房，唉好掛住同阿明同班個啲日子，只可惜我唔生性搞到要留班，如果唔係我都可以同阿明一齊畢業呀...

入到課室之後，黑板貼左一張座位表，大獲唔知有冇比人調走，我好細心咁望我坐係邊，好彩我依舊坐係窗口位...而我隔離竟然冇坐人喎，咁都好既，唔會有人阻住我訓覺。

班主任過左一陣就返返黎班房，但佢身後面有一個女仔跟住佢，呢個女仔係我印象中從未見過佢，唔通係今年轉入黎？

佢有一種難以形容既仙氣係佢身邊散發出黎，一瞬間所有人都係到討論咁佢，不論男定女都對佢外貌感到感嘆！





雖然我想訓覺，但見到靚女黎左，都難免會關注下佢。老師叫我地安靜後，就叫佢開始自我介紹一下自己。

小欣：大家好啊，我叫林小欣，好高興認識大家，大家可以叫我小欣，我岩岩搬完屋企冇耐，就轉左黎呢到同大家一齊上堂，請大家多多指教！

大家聽完佢自我介紹之後，大家都好熱烈歡迎佢。相反我聽完佢自我介紹就好快訓著左，因為真係太攰...但我隱約中好似聽到老師好似叫佢坐下我隔離個空位。

叮噹叮噹...上堂鐘聲終於響起啦！我突然感受到好似有人拍緊我，仲叫我快啲起身上堂啦！最終我被迫從我既電競選手美夢中回到現實。