為左追到女神我要成為全級第一！: 第一章：

主要角色：林小欣(女神)，李日俊(學渣)
我一早已經厭倦呢個朝八晚四既返學生活，如果唔係啊媽係都要迫我完成呢個中學課程，我諗我已經退左學係屋企做廢青啦...

返到課室，我一黎訓左係張臺到，我日日返到黎就係訓覺同墊人底。我諗呢兩個都係我而家既生存意義。

不過今日係開學第一日，所以訓左一陣就要去聽早會。中五乙班李日俊同學請盡快排好隊，有個老師好大聲咁講。無錯我本身係升中六，但你知啦我係全級所謂既「第一」，我要留返係中五啦，莫講話讀大學啦，我連畢唔畢到業都成問題啊...

平時我同之前個班已經唔係好熟，不過作為學渣都會有老死，而啊明就係我老死啦，但佢成績並唔差，而且佢仲名列前矛添，你會係咁諗點解啊明會係我老死，因為佢係我鄰居囉，我地由細挽到大。我啊媽成日都要我好似啊明咁好學啊，但大佬啊我個陣真係對讀書完全無興趣囉...

雖然阿明都有勸過我，我都有堅持左一陣，但之後就放棄左...今年啊明就中六畢業，佢同我講話如果有心讀書就去搵佢啦，佢會幫到我！





聽完開學早會就入返課室坐係到，由於新開學，所以我簡左窗口位坐，因為我好中意睇住風景，而睇睇下我就會訓著左...

班主任入到課室，我一睇佢係新黎既老師，但我冇理到佢照訓左係到，由於佢新黎唔識大家，所以佢自我介紹完之後，就想我地自我介紹返比佢知，去到我個陣我仲訓左係到，佢就走過黎，輕輕拍我個頭，我起身問佢做咩事，佢話要我自我介紹...於是我就同佢講...

我：小姓李，名日俊，全名李日俊，可以叫我啊俊，完！
班主任：啊俊同學啊，唔好再訓啦，要上堂啦！
我：知啦老師...

之後佢臨走前同我班講話聽日會調位，我個陣淨係唔想老師調我走，如果唔係我諗我會同佢死過...