[校園][純愛]《幸運星下的預言》: 第一百零四章
晏晝去邊度,食啲乜野

全部都唔係重點

可以講下一單特別野嘅

就係我地去咗影貼紙相

都影咗一堆

搞笑又有認真又有

筱瑜:「正

今晚攝入相簿先

我:「相簿

筱瑜:「係呀

我有個相簿係特登擺低你同我啲合照架

我:「當真

筱瑜:「呃你做咩呀

唔係做乜要影相

未拍拖嗰啲都有

我:「鬼馬喇你

未拍拖嗰啲都有save低

筱瑜:「諗多咗喇師傅

不嬲慣咗save低啲相

同邊個影都係

我:「係咩

我冇呢個習慣

你知我啦好少影相

筱瑜:「知丫

次次影相都係我叫你先影嘅

我:「咁了解我好得人驚喎

筱瑜:「唔了解你重得人驚

我:「係係係

你話點就點啦

筱瑜:「唔知你會唔會啦

其實我好鍾意透過相去記錄生活嘅片段架

你知啦記性真係有限

萬一第日想回顧返,
都有材料喺手嘛

我:「我又冇你呢個動作喎

你知我個腦全部都係擺住你

其他野已經裝唔落

筱瑜:「咁又唔得喎

我:「點解呀又

筱瑜:「就嚟A-Level呀

唔記內容點得呀

我:「記住你咪得

筱瑜:「又玩

我:「兩邊都記晒

再唔係咪好似你咁囉

用文字又或者相片記錄低

啱唔啱心水

筱瑜:「你鍾意就得啦

真架,
我依家都係,
望返以前啲相真係會記返好多野

我:「咁啦我就真係唔係好鍾意影相

總之我同你一樣

都會搵野去記低我同你嘅野啦

咩方法就未知住

筱瑜:「冇迫你呀

純粹我自己做法啫

唔知你信唔信啦,
總之呢次我絕對冇信口開河

唔係我自吹自擂,
而係好多年之後嘅張偉傑講返出嚟

人證物證都有。
影完相食完飯就搭巴士返屋企

因為依家先開始入戲肉

筱瑜:「情侶身分過聖誕真係唔錯

我:「真定假唔好扮野

筱瑜:「搞錯呀成日咁諗人

明明真心又要話我扮野

我:「咁易就滿足

筱瑜:「同自己最鍾意嘅人一齊過

咁重唔滿意呀

年少無知時,
成日都將鍾意呢兩個字掛喺嘴邊

大家都年青過

我:「如果我話重有節目呢

筱瑜:「下

係咩呀

我:「唔知呢

有個咁靚嘅女仔坐我隔離

唔使講都知啦

筱瑜:「死變態佬你想點呀

我:「嗌救命都冇用呀

唔會有人聽到

筱瑜:「講

究竟想做乜

我:「講笑咋錫你都嚟唔切啦

買咗野俾你食呀

筱瑜:「咩嚟呀

我:「藍莓cheese cake

你鍾意食啲乜我記得嘅

筱瑜:「正呀

今次真係抵錫

跟住即刻錫我一啖

藍莓cheese cake咁就一個助攻

我:「唔好話我唔識做啦

你陣間食多啲呀

筱瑜:「夜媽媽食咁多驚肥呀

我:「你都痴線咁都叫肥

俾啲肥婆聽到真係行埋嚟打柒你

筱瑜:「唔驚呀

因為有你喺度

你一定會反應好快

跟住又好大力咁推開佢地

我:「梗係啦

男人嚟架嘛大佬

女朋友都保護唔到學咩人做男朋友

總之你負責食就得啦

筱瑜:「好啦見你盛意拳拳

我就勉為其難同你一齊食啦

你都要食呀

我:「得啦

一個蛋糕你就咁開心

我都幾期待一陣送埋條鏈會點樣。