[校園][純愛]《幸運星下的預言》: 第九十四章

講句老實說話

冇咗呢個學生會室，

如果我話完全冇影響

咁就肯定係呃你啦

始終以上年計，



我同佢喺呢個地方個共處時間係最長

嗰陣都未正式拍拖

再者又冇咗一個地方俾我小息同埋lunch time去用

當然人係生嘅，

既然已經卸任



再喺度怨都係於事無補

講啲乜都幫唔到件事

人到絕境，

自然就逢生

冇咗個地方咪唯有去第二度囉



圖書館就一定少不了

第一嗰度唔係好多人去

第二句夠靜可以隨便做功課

點解唔係抄

我唔問筱瑜佢功課一早抄晒的話

咁又點可以調情呢

真係冇乜人咪拖下手一齊做功課

軟綿綿滑捋捋



拖極都唔厭

筱瑜:「做咩今日係咁拖住呀」

我:「乜唔係每日都拖嘅咩」

筱瑜:「um

今日好似拖得耐啲」

我:「你點樣計出嚟嘅呢」

筱瑜:「直覺」



我:「你啲女人最鍾意直覺架啦」

其實我估唔到筱瑜會有呢一日

第一眼見佢又點會估到佢可以咁嬌滴滴呢

果然愛情係可以改變一個人

經歷過就知

係呀，

嗰陣我係衷心希望，

上面所講嘅愛情，



當中係包括我喺度架哈哈

一直都係咁樣諗，

或者可能真係太武斷啦

筱瑜:「係就係啦」

我:「點呀唔鍾意呀」

筱瑜:「冇講過喎

警告你今日去到屋企門口之前唔准放手」



嗰陣放學喺圖書館溫緊書

我:「要屙尿咁點呀

同你一齊入去」

筱瑜:「去廁所唔計」

我:「好啦好啦」

地方變咗又有咩所謂，

人冇變就得啦。


跟住落嚟都冇乜特別，

每日嘅生活都係差唔多

咁就唔多講

係去到某一日，

主席條撚樣無啦啦搵我

原來想叫我打波

主席:「預埋你呀」

我:「痴線無啦啦行埋嚟同我講預埋我

都唔知你講乜」

主席:「係喎屌

我地玩自組籃球丫嘛」

喺度講下先

我地學校唔係硬性玩班際嘅

通常啲運動比賽呢，

係容許同學自己組隊

當然啦，

好多人都係自己班嗰啲組一隊

但係就唔係正式班際比賽咁樣

硬性規定同班先可以組隊，

我:「咪搞啦大佬

你見我喺度咁耐幾時玩過運動」

主席:「寫咗你名喎」

我:「屌你啦」

主席:「唔係呀其實我地夠人

不過佢規定要寫多一個後備

咁就唔使諗肯定係你啦」

我:「好彩打後備啫」

主席:「以防萬一你都要帶衫喎

真係咁唔好彩有人整親

你就要上去頂」

我:「係咁嘅話點解得一個後備

成隊傷晒咪食屎」

主席:「佢又冇講喎

淨係話寫低一個後備」

我:「講明先呀你地邊個攰我唔會出嚟

有人整到先出呀」

主席:「似你咩日日打飛機咁易攰」

我心諗屌你丫

無啦啦俾你拉我落水重要潤鳩我

跟住筱瑜同埋映彤唔知喺邊度走出嚟

筱瑜:「係囉一齊打波啦」

映彤:「差你一個咋」

主席:「放心喎都係保險啲寫定後備啫

可能唔使你出呢」

我:「唔寫都寫咗落去

重可以點啫」