[校園][純愛]《幸運星下的預言》: 第六十七章
唔知點解,
人越大,
會同「鍾意」呢兩個字距離越遠
![](https://lihkg.com/assets/faces/fs/bye.gif)
以前好簡單,
鍾意就做唔鍾意就唔做
![](https://lihkg.com/assets/faces/fs/angel.gif)
俾人鬧幾句當食菜,
![](https://lihkg.com/assets/faces/dog/haha.gif)
鍾意嘅就乜都唔去諗
![](https://lihkg.com/assets/faces/normal/wink.gif)
只係掛住呢一刻想要啲乜
![](https://lihkg.com/assets/faces/normal/angel.gif)
總之隨心而行
![](https://lihkg.com/assets/faces/normal/hoho.gif)
隨著年紀漸增,
呢份勇氣顯得越嚟越卑微
![](https://lihkg.com/assets/faces/fs/chicken.gif)
做緊嘅唔一定係自己想做
![](https://lihkg.com/assets/faces/fs/angel.gif)
唔鍾意做嘅未必唔會做
![](https://lihkg.com/assets/faces/fs/bye.gif)
甚至乎所謂鍾意緊嘅,
對比以往都唔係真係咁鍾意
![](https://lihkg.com/assets/faces/fs/angel.gif)
可能係我自己嘅毛病啦
![](https://lihkg.com/assets/faces/dog/haha.gif)
凡事都慣性去比較,
人同事都係用呢種態度
![](https://lihkg.com/assets/faces/fs/angel.gif)
即使條件唔係完全恰當都好,
都會夾硬去比
![](https://lihkg.com/assets/faces/fs/angel.gif)
當然啦純粹係我自己心底裏面比啫,
就唔會將結果公開講出嚟
![](https://lihkg.com/assets/faces/fs/hoho.gif)
得罪邊個都唔係好啦,
講出嚟對件事冇幫助倒不如選擇隱藏
![](https://lihkg.com/assets/faces/fs/angel.gif)
隱藏得多自然駕輕就熟,
唔會再好似以前咁生硬
![](https://lihkg.com/assets/faces/fs/angel.gif)
一望就望到你有所隱瞞,
我喺度講咁多廢話,
其實都係想回憶返當年嗰個自己啫
![](https://lihkg.com/assets/faces/dog/smile.gif)
隨心所欲原來係好奢侈
![](https://lihkg.com/assets/faces/normal/oh.gif)
依家嘅我真係冇本事
![](https://lihkg.com/assets/faces/normal/frown.gif)
唔同以前嘅自己,
嗰陣會覺得感情呢回事要好認真
![](https://lihkg.com/assets/faces/fs/angel.gif)
唔可以亂咁鍾意人
![](https://lihkg.com/assets/faces/fs/bye.gif)
一旦鍾意當然想得到啦
![](https://lihkg.com/assets/faces/normal/tongue.gif)
因為咁樣可以理所當然對佢好
![](https://lihkg.com/assets/faces/normal/angel.gif)
理所當然係好重要架
![](https://lihkg.com/assets/faces/normal/wink.gif)
唔係鍾意人就唔好玩人,
只會浪費大家時間
![](https://lihkg.com/assets/faces/normal/bye.gif)
就當我自己冇浪費
![](https://lihkg.com/assets/faces/normal/tongue.gif)
搞著人都唔係好啦
![](https://lihkg.com/assets/faces/normal/bye.gif)
十年人事幾番新,
今日的我打倒昨日的我亦都係好正常嘅事
![](https://lihkg.com/assets/faces/fs/angel.gif)
始終歷練多咗,
思想有變化絕對唔出奇
![](https://lihkg.com/assets/faces/fs/angel.gif)
你可以話合理化自己嘅,
我都唔會否認
![](https://lihkg.com/assets/faces/fs/sosad.gif)
其實唔一定鍾意先一齊,
鍾意亦都唔一定要一齊,
以前嘅自己實在係諗得太簡單
![](https://lihkg.com/assets/faces/fs/angel.gif)
果然係對愛情一竅不通。
冇記錯,
喺筱瑜幫我整走粒釘嗰晚
![](https://lihkg.com/assets/faces/normal/oh.gif)
瞇埋眼嘅時候,
全部都係關於佢
![](https://lihkg.com/assets/faces/normal/tongue.gif)
特別係今日我望住佢幫我整走嗰一刻
![](https://lihkg.com/assets/faces/normal/wink.gif)
好似影相咁樣記低咗落嚟
![](https://lihkg.com/assets/faces/normal/oh.gif)
話說我都真係好耐冇試過咁樣
![](https://lihkg.com/assets/faces/fs/angel.gif)
自從擺脫咗映彤之後
![](https://lihkg.com/assets/faces/fs/angel.gif)
冇鍾意人呢真係唔會咁得閒諗咁多野
![](https://lihkg.com/assets/faces/fs/angel.gif)
好似部電腦咁咋嘛,
自己容量都唔係多,
何必要理―啲事不關己嘅野
![](https://lihkg.com/assets/faces/fs/hoho.gif)
近幾年都真係咁樣諗
![](https://lihkg.com/assets/faces/fs/bye.gif)
唯獨今晚終於去返幾年前嗰種思緒
![](https://lihkg.com/assets/faces/fs/angel.gif)
好想見到佢,
好想聽到佢把聲,
總之一切同佢有關嘅野,
好想會接觸
![](https://lihkg.com/assets/faces/fs/angel.gif)
嗰啲野可能冇乜特別,
平時都已經有做開
![](https://lihkg.com/assets/faces/fs/angel.gif)
不過心態唔同睇嘅野自然唔同啦
![](https://lihkg.com/assets/faces/normal/wink.gif)
之前從來都唔覺得有咩特別,
經過今日之後,
就會變得珍而重之
![](https://lihkg.com/assets/faces/normal/flowerface.gif)
所以你話人幾麻煩
![](https://lihkg.com/assets/faces/dog/haha.gif)
未去到瞓唔著嘅,
不過真係有諗佢囉
![](https://lihkg.com/assets/faces/normal/wink.gif)
發咩夢就唔記得喇,
不過應該都冇
![](https://lihkg.com/assets/faces/dog/smile.gif)
因為我冇咁犀利可以控制夢境
![](https://lihkg.com/assets/faces/dog/haha.gif)
哈哈有就好啦
![](https://lihkg.com/assets/faces/fs/hoho.gif)
第二朝同以往一樣,
朝早都係喺佢嗰度等
![](https://lihkg.com/assets/faces/fs/angel.gif)
然之後佢就會自動送上一塊腿蛋治
![](https://lihkg.com/assets/faces/normal/tongue.gif)
以前從來唔會覺得有幾溫馨,
今日就好似發春咁樣,
一路食一路手震
![](https://lihkg.com/assets/faces/dog/smile.gif)
唔可以明爽喎
![](https://lihkg.com/assets/faces/dog/haha.gif)
佢咁醒目一定會估到
![](https://lihkg.com/assets/faces/dog/math.gif)
同埋暫時唔知佢點諗,
所以都係決定保守啲先
![](https://lihkg.com/assets/faces/normal/sosad.gif)
中學雞愛情,
有時真係好似一場角力戰
![](https://lihkg.com/assets/faces/normal/sosad.gif)
諗好多野從而去加強自己本錢
![](https://lihkg.com/assets/faces/normal/kill.gif)
敵不動我不動,
幻想晒有可能發生嘅情況
![](https://lihkg.com/assets/faces/dog/smile.gif)
然之後再根據狀況去調整
![](https://lihkg.com/assets/faces/dog/haha.gif)
呢個位點做嗰個位講乜,
真係得以前先咁好心機
![](https://lihkg.com/assets/faces/dog/haha.gif)
諗埋咁多無謂野,
依家?
唔好玩啦
![](https://lihkg.com/assets/faces/fs/angel.gif)