[校園][純愛]《幸運星下的預言》: 第五十六章
食糖水冇乜特別
咁就唔使講得咁詳細啦
都係兩條友喺度食
最多淨係知佢原來好鍾意食蕃薯糖水加湯圓
重要係花生餡
芝麻唔係唔鍾意食不過有得揀一定係花生
食完啲熱野之後,
真係成個人暖返晒
出到去就唔使兩個人攬住一條頸巾
講真唔係話乜,
頭先嗰一刻真係冇乜特別感覺
我都知你地會問,
兩個人用一條頸巾喎
距離咁近乜野都冇咩
咁就真係唔好意思
我可以答你乜都冇
事關實在係太凍
真係鼻翼紅到不得了嗰隻
我淨係覺得兩個人攬住一條頸巾有返啲暖意啫
同埋覺得佢好好人
冇獨食嗰條頸巾
係咁多冇其他喇
食完之後梗係返屋企啦
嗰陣都點幾兩點,
眼瞓呀大佬
作為一個君子,
護送女性歸家係正常不過嘅事
我:「送你返去啦」
筱瑜:「咁夜喎你唔眼瞓咩」
我:「眼瞓架
不過送你返去
幾大都係第一位啦」
筱瑜:「講
之前有冇拍拖」
我:「冇呀
遇見唔到啱嘅人咪冇囉
似你咩條件咁好」
筱瑜:「唔信呀
識講埋啲咁嘅野竟然冇拍拖」
我:「痴線呃你做乜」
筱瑜:「咁有冇鍾意嘅女仔丫」
我:「冇喎
我呢啲毒撚一世毒死佢就算」
筱瑜:「真定假呀
依家先十幾歲」
我:「我似呃你咩」
筱瑜:「可能遲啲你會遇到啱嘅人呢」
哈哈唔使遲啲,
事後睇依家已經遇到
我:「講埋啲野咁感性嘅」
筱瑜:「哈哈冇野講咪搵野講下囉」
我:「我知喇
你想窺探我感情生活」
筱瑜:「係呀係呀我真係好想知呀
你都係想我咁講啫」
我:「叻豬」
筱瑜:「唔係講笑
有少少打冷震」
我:「原本我諗住疊字架
不過真係有啲核突,
所以都係算啦」
筱瑜:「哈哈我都feel到呀
原來到喇喎」
我:「好啦拜拜」
筱瑜:「咁好啦拜拜
唔該晒你呀大俠」
我:「下
我唔係護衛同埋武士咩」
筱瑜:「一樣啫」
我:「我發覺其實你都幾撚鍾意鳩噏
好啦拜拜」
筱瑜:「學你啫
拜拜」
唔知大家重記唔記得司徒呢條友
我咪話有個friend嘅,
佢係筱瑜個表弟
大家原本係讀同一間中學
點知上年佢會考肥佬,
就去咗第二度讀
即使係咁,
每個禮拜我同佢都會約出嚟見面
喺聖誕過後第一個禮拜六
我地如常約出嚟
其實我地出嚟真係冇乜特別
唔係話要買啲乜,
都冇話睇啲乜,
食嗰方面亦係好求其
純粹出嚟鳩噏傾下計
突然間佢講講下,
無啦啦提起筱瑜
司徒:「你知唔知尋日我細表姐提起你」
我:「仆佢個街係咪講我壞話」
司徒:「你條友真係冇野諗得好
佢話同你幾好玩喎」
我:「下
佢點講呀」
司徒:「佢問我依家點樣
我答完之後問返佢啦,
跟住佢話依家佢誤打誤撞入咗學生會
同你做拍檔
佢話同你相處幾過癮
一路講一路笑」
女仔用過癮形容男仔
真係唔知係好定唔好
我:「咁又係喎
之前我咪講過同你細表姐拍檔有啲驚嘅
我話屌條友野都唔講嗰多句
一齊做落去就大鑊啦
一日都唔知有冇一兩句
識落去原來唔係喎
佢都幾撚多野講」
司徒:「我都覺得佢呢排開朗活潑咗
尋晚傾咗幾耐計,
對上一次都唔知係幾時
講真,
我細表姐就好少提起邊個邊個嘅
講得你都應該有啲野架喇」
我:「頂你啦講真定講假呀」
司徒:「你自己知自己事啦
係咪曖昧緊我撚知咩
你就最清楚」
跟住我真係喺度諗,
究竟算唔算曖昧呢
各位屌細力啲
當然啦,
我冇將佢幫我做嗰啲野同司徒講返
因為其實真係好難同外人講
整早餐又好買朱古力奶都好,
都係自己知算
我:「咁暫時冇乜feel丫嘛」
司徒:「冇乜即係有啦」
我:「最多叫有好感囉
未去到真係好鍾意
咁就無謂害人啦」
司徒:「未放低映彤咩
重拍緊拖喎老友」
我:「一定唔關佢事啦
揼低咗九世,
不過未去到真係好鍾意
我就唔想無啦啦害一個女仔」
司徒:「你諗你啦
依家都係隨便噏啫」
我:「我都知」
喺當時,
我淨係知我對佢嘅感覺未去到鍾意
真係叫做有好感啫,
我都知有人話感情可以培養,
亦都唔否認呢啲
不過有啲野未到就係未到架啦
我以前又唔係未試過鍾意人,
自己當然知道個尺度喺邊
我會咁樣去睇,
如果佢唔鍾意我,
我貿然同佢表白,
我就柒到搵窿捐啦
調返轉原來佢鍾意我,
我為咗想拍拖而去同佢拍拖
根本就唔係打從心底鍾意佢
一日,兩日就得啫,
不過對住幾個月又係咪真係可以呃到咁耐呢
如果要用個呃字去形容又係咪真係鍾意呢
以前嘅我真係咁樣諗,
唔係好鍾意就唔好拍拖
純粹唔好害人咁解嘅啫。