[校園][純愛]《幸運星下的預言》: 第四十四章

唔係講笑

第二朝我知自己要去筱瑜嗰邊，

特登早啲起身

平時都係計到準一準先至醒

今日豪俾佢啦



其實我唔係呃佢，

早餐嚟講真係可有可無

食又得唔食又得

不過既然佢今日主動講到整三文治

咁就梗係打死都食啦



佢有話整埋俾佢家姐，

斷估佢家姐都唔係傻

如果係唔食得點會叫佢整

所以喺品質方面我絕對放心

除非兩姊妹夾埋跣我



咁就冇得講啦

突然間我收到sms

筱瑜:「起咗身未呀」

我:「未呀」

筱瑜:「咁呀

我唔使整嚕原來有人未醒」

我:「唔係喎突然間醒咗喇喎」

筱瑜:「低b」



我:「你整喎

我打死都食呀話你聽」

筱瑜:「哈哈

唔好食唔好鬧我喎

你知啦好瘀架嘛」

我:「你放心唔好食我都話好食」

筱瑜:「唓咁咪即係呃我」



我:「筱瑜女神整嘅野喎

有冇可能唔好食先得」

筱瑜:「你真係越吹越大」

我:「我依家真係冇食野

等住食你個三文治」

筱瑜:「腿蛋治好唔好呀」

我:「好呀好呀，

你整乜撚我都食」



筱瑜:「唔係呀你唔鍾意我可以整第二樣」

我:「唔係呃你

我本身好鍾意食腿蛋治」

筱瑜:「多謝俾面啦咁樣

其實呢我以為你冇咁早醒，

所以特登sms你

如果你冇覆我就唔整



你知啦如果整咗出嚟你唔鍾意好尷尬架嘛

所以特登問多你一次，

點知你咁快覆咗我

整定依家我要整」

我:「多謝定你先」

筱瑜:「出門未呀」

我:「差唔多喇」

筱瑜:「咁呀，

七點九喺我樓下等丫」

我:「冇問題」


同平時一樣

我都係早幾分鐘到

冇幾耐就見到佢落嚟，

以前未試過同女仔返學

我都知我係毒撚

未試過自然唔知咩感覺啦

今日係第一次試

原來離遠見到個女仔嘅時候，

真係好似電視咁樣

嘴角含春

以前會問都係返學啫

使唔使笑到咁猥瑣

當你真係試過，

就知好多野唔能夠完全用理性去判斷

呢一刻已經係一個例子

一樣咁普通嘅野，

都會不斷去美化

筱瑜:「做乜笑到咁呀」

我:「同靚女返學喎

爽到震」

筱瑜:「你個笑容

究竟諗緊乜野

講」

我:「咁你都知我諗野」

筱瑜:「因為實在太奸

有咩陰謀呀」

我同電視劇最大分別

就係一個靚仔一個唔靚仔

佢就笑得燦爛

我就笑得狡猾

我:「肚餓呀

腿蛋治腿蛋治」

筱瑜:「唔好食得咁急呀

唔係又咬到

係喎你粒痱滋好返未」

我:「真係唔係鳩吹

尋日用咗你嗰支野，

真係好咗好多

好返晒就係呃你

不過起碼可以食到野先」

筱瑜:「唔好食唔好周圍同人講呀」

我:「你煮嘅我打死都話好食」

跟住一試，

講真真係唔錯，

起碼真係熱先

我就唔識形容食物嘅

咁多年都係咁架喇

用情況去講出嚟會好啲，

如果我樓下有間舖頭賣呢個腿蛋治，

我會keep住落去買囉

我:「好食喎

就係鍾意佢夠鹹」

筱瑜:「係咪好醒呢

記得你鍾意食鹹啲」

我:「大鑊我有講過都唔知

唔使借啲咦話我鹹喇」

筱瑜:「痴線我乜都冇講

知唔知呀，

整完出嚟聽到人地話好食呢，

真係好開心架

就算你係呃我都好啦」

我:「冇呃你呀

講真，

如果我屋企樓下間茶記係呢個水準，

三十蚊我都食

咁你明咩水準啦」

筱瑜:「多謝喎傑哥

你知你幾奄尖

我不嬲就好好人

從來唔會收你三十蚊」

我:「你以後整埋俾我，

十蚊殺你」

筱瑜:「痴線唔使錢呀

反正我都要同自己重有家姐整早餐」

我:「你講架咋，

我想俾架」

筱瑜:「得喇長氣，

整埋俾你等我有藉口每朝都整

原本係我家姐同我每個禮拜輪流整

有時我都唔好意思因為佢都真係好多野做

依家有你呢個藉口我可以個個禮拜都搞掂」

我:「佩服

咁早起身重要整咁多野」

筱瑜:「整開就好易架咋」

我:「冇整開就好撚難

咁就多謝晒慳返一筆，

唔使煩你喇以後淨係腿蛋治就得」

筱瑜:「唔怕悶咩」

我:「唔怕喎

話說我夜晚就好撚鍾意食生菜

我老母煮咗咁多年，

每晚都一定係生菜

好明顯我就係專一嘅男人」

筱瑜:「兜咁大個圈原來想講呢樣」

我:「梗係要讚自己啦戇鳩」

筱瑜:「睇住呀唔好食咁急呀」

我:「係喇係喇」