[校園][純愛]《幸運星下的預言》: 第四十章
跟住我同佢決定去買米線

因為唔係好肚餓唔想食飯

同埋我冇記錯筱瑜佢都鍾意食米線

唔知有冇喺度提過,
總之嗰陣佢有同我講過

買完之後就拎返去運動場嗰度食啦

喺途中,
映彤佢無啦啦同我講

映彤:「喂

其實你呢對筱瑜佢有冇feel架

我:「咁我諗冇一個男仔會唔鍾意靚嘅女仔嘅

天性嚟架嘛老友

映彤:「答完即係冇答

有冇feel先

我:「唔會係唔鍾意先囉

映彤:「你條友最叻就係答完好似冇答咁

我:「做咩無啦啦咁問呀

映彤:「你知唔知呀

我識咗筱瑜咁耐呢,
好少見佢笑同埋見佢講咁多野架

平時喺班房真係好cool

唯獨你喺度嘅時候,
佢完全唔同樣

多咗好多野講同埋笑多咗

我:「係真唔係呀

係咪你掛住同Felix拍拖冇望筱瑜咋

映彤:「梗係唔係啦

一直以嚟,
我都覺得筱瑜係極度保護自己嗰種人

即係喺人群面前絕少會提及關於自己嘅事

喜怒不形於色

我:「正常丫呢啲野,
唔係個個嘅性格都咁外露架嘛

有啲人選擇內斂啲係好正常嘅事

映彤:「不過對住你唔係喎

有傾有講重成日笑

我覺得呢一面先至係最真嘅筱瑜

睇得出完全冇拘謹,
個表情好自在

其實我覺得佢冇講錯

不過我費事講咁多啦,
依家好似特登喺佢背後講佢咁樣

我又唔肯定映彤了唔了解筱瑜曾經發生過嘅事

以免講多錯多,
所以我都係決定慎言

我:「咁撚勁依家識讀心

映彤:「我覺得啫

你知唔知呀,
一個女仔敢喺一個人面前展露最真實嗰面,
佢對呢個人一定有好感

係愛情定係友情都好

總之係有安全感先至會咁做啦

我:「我唔係女仔梗係唔知啦

呢啲你清楚啲

映彤:「總之我覺得佢對你有野啦

況且佢成日買朱古力奶俾你飲

你估真係好得閒咩

我:「我會考慮你嘅意見架喇

係咪好似官腔先

映彤:「低能仔

我:「點呀你好似想做媒人咁樣

映彤:「俾你發現咗添

我最近睇緊套劇,
劇入面有個媒人做得好好

跟住我就想扮佢喇哈哈

我:「原來依家玩啲咁嘅野

映彤:「你留意下啦

我覺得你兩個有啲機

真心唔係呃你

我:「係你啱你啱

好快就返到去

我地三個決定喺醫療室出面張空枱食

筱瑜:「唔該你兩個

映彤:「唔該我得喇

傑哥懶到出汁完全冇幫你拎過

我:「攰呀老友

都已經買返嚟俾你啦

筱瑜:「唔懶就唔係傑哥啦

映彤:「都係你熟啲

筱瑜:「咩呀你識佢耐啲架

我都係聽你講咋

我:「頂你肯定喺度唱衰我啦

筱瑜:「唔係喎佢成日讚你架

映彤:「好似你咁黑心咩成日喺度作故仔屈人

好彩映彤條友冇喺佢面前唱衰我啫

我:「係喎咁你陣間點呀

早退呀

筱瑜:「係呀

頭先話咗俾媽咪知,
佢以為我係好嚴重嗰啲

嚇到即刻話要嚟

跟住慢慢同佢講返叫佢唔使急,
不過佢都堅持早退

陪我睇醫生

映彤:「auntie咁擔心

筱瑜:「係囉其實唔係好大問題

不過算啦,
傑仔陣間交俾你喇

我:「輕鬆啦戇鳩

依家重行唔行到呀

筱瑜:「ok嘅

好過頭先

我:「你就好啦

咁就可以早走

筱瑜:「你好似講到呢我係特登扮野咁喎

我:「你諗多咗啫

諗到咁複雜做咩呢

筱瑜:「你知你架啦

句句都有潛台詞喺入面

一陣喺後面放我毒針點算呀

我:「你都痴線

不嬲都唔做啲咁嘅野

哎呀屌好撚痛呀。」
筱瑜:「做咩呀

映彤:「係囉咩事呀

我:「咬到個口好撚痛

筱瑜:「講錯野喇你

我:「痴線

筱瑜:「慢慢食啦唔好咁急啦

我:「依家梗係要慢啦

映彤:「睇嚟我下次唔可以同你地食飯

我:「做咩呀

映彤:「好明顯做咗電燈膽啦

筱瑜:「sorry呀

我:「你明知我要同筱瑜醞釀感情你就識做啦

映彤:「下次梗係識

筱瑜:「唔使理佢佢都係得把口
