[校園][純愛]《幸運星下的預言》: 第三十三章

講真我都係扮下啫

點會唔幫佢地拎野

想就一定唔想

大家都知我唔係積極份子

不過見到原來真係好撚多野要拎



咁冇所謂啦都係幫一次啫

喺陸運會前一日，

我同佢就討論點樣分配

我:「講真啦睇你個樣又唔係大隻

你拎輕擎啲嗰啲得喇



龜背同埋個哨冇咁重

你拎嗰啲啦」

筱瑜:「你好大隻咩傑哥」

我:「大隻過你囉

你睇下你得個高挑



得啦嗰啲俾我啦」

筱瑜:「你一個人點拎得晒咁多呀

分多啲俾我啦」

我:「真係咁好人」

筱瑜:「係不嬲都咁好人

嗱，

你拎呢啲我拎嗰啲

搞掂」



我:「你真係得先好喎

我真係驚你話重唔係講笑」

筱瑜:「真係唔重呀傑仔

我係瘦啫，

不至於冇力丫」

我:「咁好啦

你話掂呀



到時唔好扮蟹話我蝦你」

筱瑜:「你個腦真係唔會諗好啲

乜都諗到咁衰」

我:「係喎聽日食唔食早餐呀」

筱瑜:「哈哈我都想問你個場點樣去」

睇到呢度你地可能會問點解會唔識去

唔係年年都去嘅咩

事關今年學校就屎忽痕



無啦啦轉運動場，

就唔係去上年嗰個

我:「得啦好易去

食完早餐一齊行過去咪得囉」

筱瑜:「好呀

到時啲野交晒俾你拎」

我:「賤到咁樣」



筱瑜:「講笑咋

我又點會咁做呢」

我:「食咩就」

我未講完佢就已經講

筱瑜:「我諗丫嘛係咪呀」

我:「屌咁撚醒

未講完就知我想講乜」

筱瑜:「知你啦

我都未諗到

今晚話你知丫」

我:「好」


去到夜晚我就醒水

特登唔打機知道筱瑜會搵我

依家諗返起，

嗰陣都唔知點解會為咗佢特登唔打機

目的係咩呢，

依家我就梗係知啦

相信大家都明白，

傾計嘅趣味真係可以好大

搵啱人之餘亦都要善用時間，

隔住隔住咁傾，

就算話題再吸引，

氣氛都唔會因此而炒熱

以前自己真係好搞笑，

只係為咗可以你一言我一語咁樣傾計嘅時刻，

就喺度大費周章

好似捉棋咁諗咗好多可能性出嚟，

再作相應部署去達到我預期嘅效果

以前我真係唔明點解會咁做，

傾個計，

都有好大學問

正當我喺度諗緊嘅時候，

筱瑜佢就搵我

筱瑜:「七點喺m記好唔好」

我:「咁撚早」

筱瑜:「er

其實我呢不嬲都要早啲醒

因為如果唔夠時間等個腦熱身

我會傻下傻下咁架哈哈

都唔止傻直情會呆」

我:「都ok嘅

七點出嚟咁你咪六點幾醒」

筱瑜:「平時都係咁上下」

我:「你講笑咋話

住得咁近都要六點幾起身」

筱瑜:「呃你做乜

我試過七點幾先醒

跟住嗰日全日都唔自然

同埋好懶哈哈」

我:「佩服佩服

咁好啦七點呀話，

係咪邊度邊度嗰間m記」

筱瑜:「係呀

我都想問你其實你聽日有冇玩」

我:「不如我問返你有冇玩丫」

筱瑜:「冇呀」

其實我都覺得佢唔會玩陸運會

一望就知佢唔係運動型女仔

雖然佢高挑(女仔嚟講)，

不過咁單薄重要咁白淨

好難幻想佢係運動健將

筱瑜:「咁你呢」

我:「一望就知冇啦

平時我追巴士先至跑

屌嗰班田徑狗一年有三百日都喺度練

落到去咪做炮灰

當然啦重有第二個原因」

筱瑜:「係咩原因呀

重諗住可以同你打氣添」

我:「蠱惑呀你同我打氣」

筱瑜:「咩呀唔可以打氣嘅咩

咁我同你熟啲咪同你打氣囉

就係咁多喇」

我:「早知我就跑啦

咁咪可以得到你嘅鼓勵

跑贏晒班田徑狗」

筱瑜:「痴線

係喎頭先你又話有第二個原因嘅

講嚟聽下」

我:「簡單到不得了

如果我去跑咁邊個坐你隔離陪你」

筱瑜:「痴線

你實坐我隔離嘅咩」

我:「有邊次我唔係坐你隔離架」

筱瑜:「哈哈又好似係喎

咁你去跑囉

我留住個位俾你咪得囉」

我:「信唔信我」

筱瑜:「信唔信咩呀」

我:「你一定會悶

只要我唔係坐你隔離」

筱瑜:「唔信」

我:「唔好信囉

總之聽日我打死都唔走

就知我使命感幾大

為咗陪你連獎牌都唔要」

筱瑜:「明明頭先先話唔夠跑」

我:「一樣啦」

原來好多年前已經預言

真係好想，

一直坐喺你隔離，

直至依家都係。