[校園][純愛]《幸運星下的預言》: 第三十一章

差唔多落車嗰陣

筱瑜無啦啦講野

筱瑜:「多謝你呀

傑仔」

好細聲



語氣好溫柔

印象中佢唔係成日用咁嘅語調講野

我:「做咩無啦啦講多謝」

筱瑜:「呢程車入面，

借咗成個膊頭俾我」



我:「痴線啦使乜講多謝

你平時都唔會咁樣嘅

今日出到聲可能真係好攰啦

你知小弟我不嬲都好撚好人

你又唔重



都係幾個字啫

輕鬆啦」

筱瑜:「唔係呀

其實我唔係好攰咋」

我:「唔緊要啦我都慣咗俾你搵笨

如果你係Mary(我地級嘅肥婆)

真係睬你都傻」

筱瑜:「好耐冇挨過膊頭喇



挨人膊頭，

真係好舒服呀」

我:「想講咩呀

我不嬲口密嘅

有咩你就講啦」

嗰陣我直覺筱瑜一定有啲野想講

可能佢覺得唔好意思所以欲言又止



於是我直接同佢講，

想講乜就講乜

佢好少會咁

再加上我又八卦呢哈哈

筱瑜:「對上一次挨應該係小學嘅事

好耐冇挨過，

一挨返諗起唔少野啫」

係喎我記得司徒講過



佢好鍾意佢老豆

好可惜因病早逝，

不過佢唔知我知架嘛

一於扮冇聽過先

我:「諗到咩呀

想講就講啦

應承你喇唔講出去喇」



筱瑜:「好記得以前呢

我好論盡成日跌，

每次跌完之後就會扮好痛

跟住daddy就會行過嚟孭我

我好鍾意咁樣望住佢

因為嗰陣我好矮，

我要望佢就一定要抬高頭，

不過佢每一次孭我，

我同佢就變到差唔多高

我好鍾意唔使岳高頭就望到佢嗰種感覺」

我:「細細個你就咁奸」

筱瑜:「點解你硬係鍾意講到咁衰架

對住至親撒嬌，

都係好正常嘅事啫

嗰陣重要係細細個」

我:「你又唔好話喎

我記得細細個唔係好鍾意撒嬌

嗰陣都係鍾意喺屋企玩埋啲戇鳩玩具

你知啦嗰陣邊有電腦

我又唔鍾意落街

老豆老母話我細個好靜

只要有一個角落俾我自己玩就得，

我又唔鍾意買玩具嘅

佢買乜我就玩乜」

筱瑜:「估唔到喎

以為你細個好嘈添」

我:「你就好嘈」

筱瑜:「唔知呀

細個都係同家姐玩

依家都係嘻嘻」

我:「係咩

落車啦一路行一路講」

筱瑜:「嗯

多謝你」

我:「夠喇你講咗好多次喇」

筱瑜:「嗯」


跟住我地就求其去咗間餐廳食飯

聽朝返頭先嘅話題，

我:「你係孻女梗係萬千寵愛啦」

筱瑜:「都係嘅

我知佢地都好錫我」

佢一日唔主動講佢老豆啲野，

我都唔會突然去問

有啲野知道唔一定要講出口，

要學識喺適當嘅時候沉默

我:「你知我就冇兄弟姊妹嘅

我唔呃你我真係同過老母講，

好彩你生一個

生多個我就大鑊」

筱瑜:「哈哈你真係咁講呀

auntie冇鬧你咩」

我:「佢無啦啦做乜鬧我」

筱瑜:「你講到咁誇張喎

佢地真係要生你控制到咩」

我:「咁又係喎屌

但你問我我覺得獨生真係唔錯

食盡屋企資源又唔會有人同你爭野玩

爽皮」

點解我有呢個諗法

咁梗係關我個friend呀澤事

好耐冇提佢要俾佢出一出場

話說呀澤有個家姐，

中學時期佢兩個係同房

佢成日同我講夜晚唔可以打J

因為家姐喺下格床，

佢驚俾人發現

睇鹹片又係

只要佢家姐返到嚟佢就唔可以睇

都係嗰句驚俾人發現

同埋夜晚打機有時講野唔可以咁大聲驚嘈到佢

自此我就覺得

獨生真係唔錯

起碼自由自在，

唔使話打個J都要驚俾人發現

當然我冇同筱瑜講啦

費事佢又話我鹹濕仔

呢啲野唔俾人知得

係要同男仔傾先爽

筱瑜:「哈哈我有個friend都係咁講

佢話如果獨生就好

你問我就覺得各有各好啦

呢啲野冇一定嘅」

我:「咁梗係啦

有啲人好撚鳩屎

一傾呢啲冇對與錯嘅話題

係都要講到人地服佢嗰套為止」

筱瑜:「係呀係呀真係好多呢啲人

根本有時有啲野只係觀點角度問題

唔知點解係都要拗贏為止」

我:「同呢啲人討論簡直係嘥鳩氣

討條撚呀」

跟住佢無啦啦笑

筱瑜:「呢方便你有興趣啲

我就唔講喇」

我:「屌戇鳩

食野啦」