[校園][純愛]《幸運星下的預言》: 第二十八章
中學生活個個都差唔多架啦

間間學校搞嘅活動都係雷同

唔會有好大分別,
我嗰間都係唔例外

不過今年嘅秋季旅行就被取消咗

點解

咪就係因為天氣囉

好落唔落嗰個禮拜先嚟落雨

明明早兩三個禮拜都係天晴

真係唔到你唔信

各位做過中學生都知啦,
冇得去旅行,
成班同學就屌晒鬼

最慘都唔係冇得去,
而係原本嘅旅行日變咗做上學日

呢樣先係屌鬼嘅原因

我嗰日一去到學生會室

全場都議論紛紛,
一坐低就見到隔離嗰個俾包朱古力奶我

筱瑜:「你嘅

我:「俾返四個半你先

大家睇開呢個故一段日子,
都知呢啲係我同佢嘅互動啦

好死唔死俾人見到

映彤:「唔怪得頭先筱瑜你咁快落去啦

原來

我:「冇得飲啦你

一睇就知買俾我

收皮啦

映彤:「有人幫係串啲嘅

筱瑜:「唔好嬲啦映彤

聽日買俾你丫

映彤:「我似咁小器咩

我:「似

映彤:「收聲唔係問你

筱瑜:「你兩個真係呢

好friend

我:「ok啦

映彤:「唔係好熟咋喎

肯定係佢呢條友叫你買俾佢架啦

筱瑜:「得閒咪買囉

唔會專登落去嘅

映彤:「係咪真係呀

頭先見住你咁快落去

筱瑜:「我要搵miss呀

順便啫

我:「聽到未呀

你叫Felix買啦

映彤:「唔使喇我依家落去

筱瑜飲咩呀

筱瑜:「朱古力奶唔該

映彤:「你兩個使唔使呀又係朱古力奶

筱瑜:「飲落其實幾好飲

映彤:「好啦

我:「屌你唔問我嘅

映彤:「你咪飲緊囉重飲

糖尿呀因住

我:「尋日食完飯今日你又食

映彤:「你錯喇尋日我食米粉

我:「屌小學雞

唔同你玩呀走啦

映彤:「你就梗係想我走啦

阻住你兩個丫嘛

我:「知你就好啦

佢走咗梗係同筱瑜玩啦

筱瑜:「好驚你喎唔知你做咩添

我:「梗係做啲兩個人獨處先可以做嘅野

筱瑜:「咁即係咩呀

我:「梗係做功課啦戇鳩

好多未做呀

筱瑜:「今日得一本嘅

平時你唔係帶兩本嚟抄嘅咩

我:「唔好提

嗰條戇鳩仔冇返學

抄條撚呀抄

筱瑜:「咁你俾心機喇喎

我:「嘩即刻充滿動力

筱瑜:「假到死

我:「我都係學你啫

做啦

筱瑜:「嗯

咁我都睇書啦

冇幾耐映彤就上返嚟俾咗包朱古力奶筱瑜

我就話q知佢兩個

搏命喺度做,
冇得抄進度真係慢咗好多

真係俾個戇鳩仔累死無啦啦唔返學

跟住有一條我諗咗好耐,
係咁睇書都唔知點樣入手

跟住醒起係喎,
我隔離嗰個朱古力奶提供者都係讀理科

一於問佢先

我:「朱古力奶人

筱瑜:「其實呢

呢個名好難聽

你個腦裝乜野架點會諗到啲咁難聽嘅名

我:「似唔似日本妹啲名

筱瑜:「唔似

我:「真係唔似

筱瑜:「唔似呀

問幾多次我都係咁講

我:「唔好笑咩

筱瑜:「唔好笑喎

我:「真係唔好笑

筱瑜:「喂呀你出茅招嘅

無啦啦喺度引人笑

我:「你知唔知你嘅笑容有石破天驚嘅威力

可以令我茅塞頓開

筱瑜:「傑哥你啲幻想力好豐富

講咁多咁誇張咁無聊又唔好笑嘅野

其實想問咩呀

我:「俾下面我啦唔好一嚟踢爆

筱瑜:「想點啫

講啦

我:「其實係想問你點做啫

跟住佢無啦啦「嗤」笑咗一下,
好少見佢呢個樣

好特別

筱瑜:「原來咁咋話

俾我睇下咩嚟呀,
哦

講真我真係唔記得當日我問邊一科嘅功課

淨係知phy chem bi是但一科,
筱瑜無論教邊個都好,
都係好詳細嗰啲人

唔明講到你明

最好都唔係呢樣,
而係佢從來唔會主動問人

你知啦有啲人鍾意恃才傲物

明明都冇問佢就喺度指指點點

呢啲人叻得嚟好乞人憎

筱瑜從來都唔會咁樣

你問佢佢先同你講

正當我掛住聽嘅時候,
我就拎咗包朱古力奶飲,
飲嘅時候佢望住我

我:「做咩呀

筱瑜:「喺度搏懵飮人地嗰包朱古力奶

我:「下真係唔知sorry

我都知你地會問點解會拎錯

事關佢係右撇,
佢包朱古力奶就擺喺佢左手邊

我個人坐喺佢左邊

嗰下真係好自然見到以為係我自己嗰包

於是就攞嚟飲

跟住我望返自己張枱,
係喎

呢包先係我

筱瑜:「估唔到你係咁

一兩啖都唔放過

我:「我錯我錯唔好意思

筱瑜:「你依家飲咗口水尾就要聽我講喇喎

知唔知

我:「你講乜撚都得啦

筱瑜:「唔准飲朱古力奶

我:「痴線你都傻嘅

筱瑜:「講笑咋你睇下你

同你玩下就咁緊張

我:「咁你想點呀

筱瑜:「一陣一齊去文具鋪買野

買完返嚟幫手整好個壁報

我:「咁嘅野你搵第二個啦

筱瑜:「第二個冇飲錯我包朱古力奶喎

我:「得知道

唔緊要我會做

咁我放學過嚟搵你

喺你門口等

筱瑜:「好呀

叻仔

我:「屌我懷疑你特登擺咁出引我落疊

筱瑜:「唔知呢
