[校園][純愛]《幸運星下的預言》: 第二十六章

之前咪提過有個歌唱比賽嘅

我就冇去玩，

不過以我所知映彤同埋Felix有參加

佢兩個玩合唱組

初賽我就冇睇



都係筱瑜有一日同我講返初賽啲內容

筱瑜:「估唔到肥仔唱歌好好聽」

肥仔係我地級嘅同學

顧名思義係一個肥仔啦

其實佢唔係好肥啫，



絕對未去到秦煌，韜韜嗰種

不過望落去都係得一個字，

就係肥

所以都係叫佢做肥仔啦

呢個肥仔算玩得



喺我地級個形象係戇鳩仔

不過戇鳩得嚟又幾好笑

你知啦有時有啲人想搞笑但搞得唔好

都唔係有時直情係經常，

幽默感真係勉強唔嚟

唔係食嗰行飯千祈唔好掂

一陣出嚟個效果唔好更加差

但係呢個肥仔平時處理得唔錯，



唔會做多咗

所以都算係一個得人鍾意嘅肥仔

所以當嗰日筱瑜講起，

肥仔唱歌唱得唔錯簡直係o晒嘴

我:「你講笑咋話

文科嗰個肥仔喎」

筱瑜:「乜我地級有好多肥仔咩」



我:「係咪成日搞笑嗰個丫」

筱瑜:「係呀咪就係佢囉」

我:「佢唱歌好聽

唱乜野咁把炮」

筱瑜:「上次佢唱永久保存好好聽呀」

我:「下

成件事好唔夾喎」

筱瑜:「你真係衰



唱歌關個樣事咩」

我:「我唔會覺得完全冇關係囉」

筱瑜:「咁

你都有道理嘅」

我:「屌」

筱瑜:「不過佢真係唱得好好聽呀

聽講佢鍾意邊個邊個」



邊個邊個係其中一個女仔

唔係好重要費事俾個名佢

我:「嗰條女咪好冧」

筱瑜:「唔知佢呀」

我:「係喎唔記得你唔收風嘅添」

筱瑜:「唔使收都知

成日坐喺度都偷聽咗好多返嚟」

我:「唔係掛佢地唔避忌嘅咩」

筱瑜:「唔知呀可能以為我唔聽掛」

我:「其實你條友都好撚奸

收收埋埋其實八卦到死」

筱瑜:「點解你硬係講得咁衰

好奇心旺盛又或者求知慾強得唔得嘅啫」

我:「咁一定得啦

搞到我都興趣聽歌添」

筱瑜:「你好彩

有一行淨係俾學生會坐

唔使喺後面企」

我:「好喎

幫手買包朱古力奶」

筱瑜:「有邊日冇幫你買丫」

我:「真係越嚟越叻」



歌唱比賽係喺放學之後搞

冇記錯地點應該係禮堂

嗰日放完學之後就拿拿臨去咗禮堂

一去到就見到學生會嗰班人

主席:「少有喎唔係唔聽咩」

我:「佢地話肥仔唱歌好撚勁丫嘛

咪睇下囉

重有咩焦點」

主席:「你唔知映彤，Felix兩個有玩咩」

我:「我知呀佢兩個重未輸咩」

主席:「你條友真係冇句好

入咗決賽呀」

我:「係喎聽講主席你好似有份玩

點解坐喺度嘅呢」

主席:「仆街啦

你咁勁又唔撚玩」

我:「我知個醜字點寫」

跟住就坐返個位

費事串佢咁多

一句起兩句止就算，

雖然都唔止一兩句哈哈

一陣嬲鳩咗我就大鑊

坐我隔離嘅，

當然係買朱古力奶嗰個人啦

我:「唔該晒你呀

真係記得買朱古力奶」

筱瑜:「一日一包丫嘛

點會唔記得呀

重以為你特登嚟睇映彤佢兩個添」

唔知點解，

我硬係覺得佢知道我以前鍾意佢

週不時喺度抽水

不過我都係唔會認

一於咋傻

我:「佢兩個有咩好睇唔驚閃死咩

估唔到咁勁入到決賽」

筱瑜:「你都得架

唔玩啫」

我:「唔好玩啦筱瑜姐

我上咗去邊個坐喺度陪你呀」

筱瑜:「你真係好細心呀

就連呢方面都幫我諗埋

多謝你丫」

我:「頭兩句都扮得好似

喺最尾嗰句『多謝你丫』語氣落重咗少少」

筱瑜:「你識乜野丫女仔野」

明知係假都好，

聽起上嚟始終會有一種無形嘅滿足感

有時男仔真係好易呃，

我就係呢一種戇鳩仔，

無論最後係點都好，

永遠都係俾人呃嗰個。