[校園][純愛]《幸運星下的預言》: 第二十章
過幾日之後

學生會嗰邊好撚忙成日都話要開會

本來忙都唔關我事嘅,
各位都知我係hea架啦

不過今次終於避唔開

要燒埋我嗰疊

點解咁講

話說嚟緊要做好撚多活動

咁都未算,
重要寫份report俾校長

我唔知有做過學生會嘅巴打絲打以前係點架啦,
我嗰間就好衰嘅

每逢三四個月就要寫一份report俾校長,
報告呢樣報告嗰樣

有啲咩要求都可以寫落去

當然佢接唔接納就係另一回事

同埋要講埋幾時舉行咩活動,
例如三月班足,四月班籃,五月班排咁樣

重要提出原因點解你要咁樣安排

其實重有幾樣野嘅,
不過唔詳細講喇

原本我就梗係卸晒俾筱瑜

我就返屋企打機

不過今日唔得喎,
因為佢竟然主動叫我幫手

筱瑜:「我地本身有個project要做

今次可唔可以幫我打出嚟

我:「簡單你想我點樣幫你先

筱瑜:「咁樣啦今晚我返屋企list晒啲野出嚟先

不過應該都係簡短咁樣mark低,
因為project嗰邊重有唔少野未執好

但係總之我會幫你list晒你要點樣寫

到時你照住打就得

我:「咁咋話簡單啦

筱瑜:「我知你會覺得我喺度吹水

根本就冇project做,
你可以問下映彤

我同佢同一組

唔係喎你條友肯定會話我同佢同流合污

咁你可以問埋miss嘅

我:「痴線講到我咁衰

我信你冇話唔信你

平時你都冇叫我幫手,
今次先係第一次啫我唔會背後講你

唔使諗到咁衰

筱瑜:「唔該晒咁我聽日俾啲野你啦

一日你夠唔夠時間打晒

我:「咁撚趕

筱瑜:「其實我都唔想我都係前日先知

如果早啲知會輕鬆好多

我:「係咪打幾百字

筱瑜:「佢冇講你打幾多字

不過主席話最好越多越好

我:「屌佢老母啦越多越好

筱瑜:「唔好咁衰啦俾人聽到呀

不過如果我話係我要求越多越好,
你會唔會好似頭先咁講

我:「梗係唔會啦錫你都錫唔切

筱瑜:「咁大聲

俾人聽到就咩呀

我:「咩呀

筱瑜:「唔知呀

總之要麻煩你一次啦

我:「千零字都唔係咩啫

得啦

去到第二日,
小息佢過咗嚟班房

俾咗隻手指我

筱瑜:「聽日之前搞掂晒就得喇

唔該你

我:「使乜聽日我今日就搞掂佢

筱瑜:「唔係呀話你講真

我:「放學我去電腦室輕輕鬆鬆搞掂

筱瑜:「唔使咁急喎

我:「今晚返去跟住打機啦重做咩

不過你放心真係唔得嘅話我唔會打嘅,
幫你搞掂先啦

不過以免做落去原來發覺好長繼而唔夠時間

所以陣間放學做咗先

筱瑜:「嘩你真係好型呀

我:「梗係啦屌重使你講

筱瑜:「即係話今日食飯你會去學生會室啦

我:「梗係要啦抄功課丫嘛

筱瑜:「點解你日日都要抄架

我:「我有個同學好撚快做完功課

佢條撚樣鍾意上堂偷做聽日交嗰啲

所以其實每次我抄嘅都係聽日先至要交

筱瑜:「唔怪得啦

我都覺得奇怪

點解你每日都要抄但係你每日都唔使留堂

我:「多得條撚樣唔爆我大鑊

筱瑜:「點解佢會成日俾你抄架

我:「梗係我靚仔啦重使講

筱瑜:「哦原來你地係

我:「唔該唔好乜都加個『地』字

佢啫唔係我

筱瑜:「假咗啲喎傑仔

我:「傻嘅

傑仔你叫嘅咩

傑哥傑爺丫嘛

跟住佢可以即刻板起個樣

筱瑜:「點呀張偉傑

重係咪我叫呀

我:「瞬間變面好犀利

你鍾意點叫就點叫啦

筱瑜:「叻仔

同佢越嚟越熟,
其實咁樣撩佢真係幾好玩

人多佢會扮冇野,
人少佢就好似頭先咁樣

講野間唔中會吞吞吐吐

有時更加會俾返feedback我添

所謂嘅冰美人,
其實都唔係咁冰啫。