[校園][純愛]《幸運星下的預言》: 第四章

我同映彤最接近嘅一次

大約要數到去中三嘅時候

記得嗰陣係考完學期尾個試

放緊假嘅日子嚟嘅，

有日我就膽粗粗打俾佢



問佢出唔出嚟睇戲呀

唔係呃你原本真係冇諗過得

可能由細到大我都被灌輸一個概念，

冇期望就冇失望

所以凡事都係睇得所謂客觀啲



萬一結果真係唔如意嘅時候，

都唔會咁唔開心丫嘛

可能我真係好怕願望落空嗰個感覺

調返轉講又有邊個唔怕，

跟住佢好快就覆我冇問題，



咁就正啦係咪先

原本重諗緊點樣包裝得好啲

依家唔使煩一野就搞掂，

輕鬆快捷咪好囉

去到第二朝，

唔係講笑真係冇乜點樣大執

唔通我著件西裝去睇戲咩戇鳩

實俾人笑到面都黃



我就冇咁嘅自信，

所以都係求求其其啦

牛仔褸黑色扯布褲

應該唔係好毒啫(我估)

我記得係睇愛情片不過唔記得講乜，

因為我覺得好悶

淨係記低邊啲邊啲位出到嚟有得講下，



假如佢真係問都可以鳩噏下

噏唔出咁就大鑊，

好彩最後佢冇問我

淨係話結果好sad

咁我咪話係呀係呀係呀咁樣囉

應該察覺唔到嘅

跟住落嚟都冇乜特別，

都係食飯行商場最後返屋企咁樣啦，



直至送到佢返去佢屋企樓下嗰陣

佢無啦啦問咗我一條問題。

映彤:「做乜今日無啦啦約我出嚟呀」

我:「又唔係第一次約

好出奇咩」

映彤:「平時都係去附近咋嘛

今日出到旺角睇戲喎



梗係有唔同啦」

我:「咁我想睇戲呀嘛」

映彤:「唔約你啲friend

呀澤，司徒都可以陪你睇嘅啫」

我:「約佢兩個不如自己去睇

你諗下

兩個男人去睇一套愛情片，

幾核突呀」

映彤:「可以睇第二套嘅啫」

我:「唔係喎

我淨係想睇呢套咋喎」

其實梗係唔係啦

係之前聽佢講過話鍾意睇嗰套愛情片先至睇啫

記得嗰陣問得好婉轉

點樣問唔係重點啦，

總之就問到，

映彤:「你大把女都可以約其他女啫」

我:「唔好玩啦映彤姐

電車男邊有女

得你肯出嚟咋」

映彤:「係咩原來我做咗好人呀」

我:「梗係啦

得你一個肯應承我陪我睇咋

其他人識我老鼠」

映彤:「咁我都就嚟唔做好人喇」

我:「唔係呀話你講真架」

映彤:「真呀」

跟住佢就擰轉頭走咗

其實單野都發生喺幾年前

不過以同佢嘅經歷嚟講，

呢一單係最深刻，

跟住唔知點解我覺得佢有意無意想避開我

未去到野都唔講嗰種只不過真係少咗交流，

再過多年幾兩年之後就知道佢同咗Felix拍拖

跟住開始喺走廊見到都會有計傾，

見佢喺廁所出嚟就問佢係咪口渴所以要喺入面飲水

定係肚餓所以要食屎

之前真係冇架

我有同過呀澤同埋司徒兩個講過呢件事，

佢兩個都不約而同話我係戇鳩仔

人地講到咁出面，

點知我喺度拉拉扯扯唔得老實

佢兩個覺得映彤之後點解佢要避開我

就係以為我對佢冇意思

所以就索性花少啲時間喺我身上喎

自此我就決定，

再有一次機會嘅時候，

唔可以好似今次咁吊兒郎當

每個人衰過，

之後嗰一刻梗係會雄心壯志架啦，

口出狂言都係無法避免

好明顯我就係呢種戇鳩仔。