《無啦啦多左幾個家姐同細妹Season 3》: 偽裝

「點解你會係度？？？」
 
我連思考既時間都無，把口已經幫我講左出黎。
 
Sarah：「因為…我想見你囉~我偷偷地黎架，其他人都唔知~」
 
死啦…個腦而家一片空白，點解會咁架呢？係咪因為見到佢？
 
只要見到佢個樣，好多時我就會諗唔到野，特別係見到佢既笑容個陣。
 




做乜我塊臉會熱熱地既？唔通我…唔係掛…
 
Sarah：「唉呀傻豬黎既，幾日無見到我啫唔洗喊喎~」
 
喊…？我喊緊？
 
我摸摸自己塊臉，又真係俾我抹起一滴眼淚。
 
洗唔洗呀陳煒明…幾日無見啫又唔係幾年無見，做乜要喊喎，係自己條女面前喊好瘀架…
 




正當我仲沉溺係自己既世界既時候，佢伸出左佢既雙臂將我拉去另一個世界。
 
佢懷內既世界。
 
呢一下令我一瞬間咩都講唔到，好似一個啱啱失去聲帶既人咁只可以啊啊啊咁叫。
 
我真係好想見到佢。
 
佢可以而家出現係呢度，我真係好開心，應該話開心都唔足以形容我而家既感覺先岩。
 




用咩先可以形容到呢？我唔知道，但邊個仲會理呢D細節？愛人就係自己眼前，仲諗咁多做乜？
 
無錯，我的確無再糾結於尋找一個合適既形容詞，而係回應Sarah既行動，我亦緊緊抱住佢。
 
我感覺到係我抱住佢個下佢都震左一下，相信佢同我都一樣，有所觸動。
 
但世事往往都超出我既預期，佢居然推開左我，仲望住我望到實一實。
 
喂呀…唔好咁望住人啦，人地會怕醜架…
 
咪住先，佢情深款款咁望住我，唔通佢想錫我？？唔係幾好掛？如果一陣佢哋返黎見到咪死？
 
理性係咁諗，但本能卻唔係咁諗啵。
 
我不知幾撚想佢而家即刻咀落黎，即刻做！唔做正契弟！




 
可惜既係，佢並無咁做，佢選擇左輕撫我既臉龐。
 
嗯？點解Sarah好似有D奇怪…？
 
「無諗過同一招你居然會中兩次。」
 
做乜Sarah把聲突然之間…咪住先…呢把聲我記得係…！！
 
察覺到唔妥既我馬上撥開眼前呢個「Sarah」既手，仲馬上向後退左幾步，打算拉開一個安全既距離。
 
而佢見到我有咁既反應亦心領神會，收起屬於Sarah溫柔既微笑，甚至係Sarah既樣貌。
 
無錯，佢「收起」左Sarah既樣貌，就好似除Mask咁撕下一薄薄既臉，之後又除低左假髮，露出自己既真面目。
 




眼前呢個人，正正就係我既惡夢，Ashley。
 
我居然攬住佢，仲對住佢喊…
 
我到底做左D乜…
 
Ashley：「科技好犀利啊可？而家一塊Mask既size就已經可以變成另一個人，連頭套都唔洗。不過如果我無記錯既，你係幾年前都中過同樣既計，無諗過你咁容易就再上檔。」
 
「定係因為我用既係你班女朋友既樣所以先至咁易中招呢？」
 
我：「你到底想點…點解要扮成Sarah既樣…」
 
Ashley：「為左徹徹底底摧毀你。」
 
 「將所有金幣交出黎。」