《無啦啦多左幾個家姐同細妹Season 3》: 頭腦

我：「其實你真係可以唔洗陪我黎架…同Sarah佢地去行下街買下野咪仲好…我呢邊全部都係男仔，怕會悶親你呀…」
 
Ellie：「唔緊要啊，我見家姐話你呢班朋友好得意，我都想見下佢地睇下係咪真係咁得意，放心啦我唔會阻到你地傾野架。」
 
Eh…我諗Ellen口中既得意唔會係你諗個回事囉…怕你失望咋…
 
不過佢咁堅持，我都無辦法再阻止佢啦，帶埋佢去囉。
 
之後我地兩個準時去到約好既地方，發現佢地幾個一早已經到左，檯上既薯條都幾乎食哂。
 




明明係約左一點半架，呢班友做乜鬼咁早到？
 
佢地好快都見到我地，仲擺出一個錯愕既表情，想必因為見到我身邊既Ellie，認錯佢係Ellen啦。
 
我地埋到去，成檯人即刻唔出聲，全部頭dup dup，肯定係因為上次Ellen對佢地既衝擊太大，而家驚左啦。
 
我：「你地個個都咁早既，搞到我以為自己遲到添。」
 
浩銘：「無呀，係阿Ray叫我地早少少出黎諗下計，因為無理由咩都要依靠哂阿明你架嘛，我地身為其中一份子都應該要出力先係。」
 




依靠哂我…？有咩？明明就係阿Ray同阿輝Carry我地…我呢d廢柴咩都無做喎…
 
Ray：「咁係吖嘛，成日都要麻煩阿明，開頭報名又係佢，又幫份計劃書執頭執尾，基本上有七成野都係阿明做，今次你地都應該做返多D野先係啦。」
 
我做左好多野？真係咩？？
 
我聽到都不禁懷疑自己雙耳，唯一識做既就只係望下身邊既Ellie。
 
佢既回應就只係一個簡單既微笑同一句說話。
 




「果然你既朋友都好有趣呀吓~」
 
呃…我都唔知應該點講好了，佢地平時無咁生性的。
 
浩銘：「唉不過呢條友就係識訓訓訓，完全無參與過討論，渣ga。」
 
訓覺指既仲可以有邊個？當然就只有阿嵐啦，佢到而家都仲訓緊，係多得浩銘狂打佢，佢先慢慢訓醒，但好似咩都唔知咁，就連自己係邊都唔知道。
 
但佢同其他人一樣，一見到我身邊既Ellie就嚇左一大跳，甚至仲起立敬禮。
 
阿嵐：「阿嫂你好！我只係尋日返夜攰得濟先唔小心訓著架，你千奇唔好勞氣！」
 
今次嚇親既變成係Ellie啦，佢o哂嘴咁望住我，我都唔知應該可以點幫佢，唯有叫佢介紹下自己先。
 
Ellie：「呃…大家好呀第一次見面，我係阿明女朋友我叫Ellie，之前我有聽我家姐提起過你地，果然大家都好有個性呢~」




 
Ellie講完之後大家靜左一陣，好似IE咁沒有回應。
 
但IE終有一日會有反應，過後大家突然一齊比反應，就連一直沉默睇電腦既阿輝都唔例外。
 
「家姐！？」

我：「屌，咁大聲做乜呀，嚇親其他人啦。」
 
無錯，其他食客都望哂過黎，幾撚尷尬。
 
係我提醒之下，大家終於發現四周既環境氣氛好似有D唔同左，即刻全部頭dup dup，我同Ellie都即刻拉凳坐低。
 
浩銘：「喂！呢位阿嫂唔係上次好串嘴，好潑辣個個黎架？？」
 




我：「唔係呀，人地咪話左第一次見面囉，你有無聽書架食屎狗！」
 
浩銘：「但係兩個人咁似樣既！？」
 
Ellie：「因為我地係孖生姊妹啊。」
 
Ellie既秒覆令浩銘唔知應該點應對好，淨係識哦哦兩聲之後就無下文了，唯獨阿Ray繼續追訪。
 
阿Ray：「喂唔係wor，我聽到呢位小姐話係你女朋友喎？咁上次個個又係咩一回事？」
 
啊啊，果然會走向呢個方向呢，我地今日唔係黎傾正經野架咩？
 
唔？點解好似有種似曾相識既感覺既？
 
之後既事我都唔想多講，就係佢地知道我有一對孖生姐妹既女朋友，差D就比佢地殺左咁濟。




 
不過之後討論正經野既進度異常良好，大家頭腦入面想法不斷碰撞，大家都好認真研究D細節，試下搵出最有力既對策。
 
首先大家都知道有五個金幣係一定會無，因為租金係一定要俾，但呢點對所有組黎講都係一樣。
 
剩低既五個金幣要點用？拎哂去買幸運券？阿輝指出咁唔可行，風險太高。
 
賣曬所有食物券？唔得，會餓死，五日無可能捱到。
 
最後，比我搵出一個巧妙位。
 
我：「喂你地睇下，只有食物券同幸運券係有記認，但作為貨幣既金幣係無記認架喎？」
 
阿輝：「嗯，咁又點？」
 




我：「咁會唔會代表住，我地可以係其他組手上賺到錢？」