《無啦啦多左幾個家姐同細妹Season 3》: 援手

係個日之後，我地既團隊就開始埋頭苦幹，透過discord去討論應該點做先好之類。
 
好快已經完成左初步既框架，例如選址，做乜生意同原因之類。
 
但問題而家先黎料，我地上網睇過，一個好既計劃書應該要有埋D數據先得，好似d預計回報率，預計盈利等等。
 
呢D野對我地呢D社科仔真係一個天大既難題，雖然有讀過下Econ，但係呢D已經可以話係Business既範疇，我地實在係門外漢。
 
但係又無可能skip左呢part…唉點算好呀…搵學校D讀business既frd幫幫手？咦咪住先…？
 




Ellen咪讀Business架囉！！點解我諗唔起架！！
 
一諗起呢點，我就即刻衝出我既山洞，個間我已經匿埋入面已經兩日既房。
 
衝出去既第一時間我就周圍搵Ellen，睇下佢會唔會咁岩係度。
 
唔知我今日既幸運值係咪爆左燈，一行到去大廳前條樓梯口，就俾我見到Ellen同Ellie仲有Sarah係度玩緊最近領養返黎既貓。
 
我當然一馬當先衝埋去，打算快得一秒得一秒去請Ellen幫手，豈料重演左當年「鐵娘子」既失態，係大家面前摔了一跤。
 




屌你仲要係樓梯黎，痛撚到仆街…
 
Ellie：「阿明你無事吖嘛？」
 
我：「無…無事，咦Ellie我地好似好耐無見喇喎哈哈。」
 
屌點會無事，但點好意思係自己女朋友面前話仆街仆到好痛吖，唯有以笑遮醜同轉移話題啦。
 
不過真係傷心，三個人睇住我仆街，得Ellie會主動過黎關心我扶我，其餘兩個好似當睇唔到，繼續撚貓。
 




Ellie：「對唔住啊我呢排成日匿係lab入面，少左搵你地，我會注意下時間分配架啦。」
 
我：「傻啦我唔係怪你，有自己既目標係一件好事，全神貫注入去係岩架。」
 
Ellie：「嗯…多謝你。不過講起全神貫注，聽家姐講你呢兩日一直都匿係房做個份計劃書喎，做成點？」
 
我：「eh…其實而家有少少阻滯，有part business既野我地無從入手…咁岩我又醒起…」
 
Ellie：「醒起我家姐讀business，所以想請佢幫幫手？」
 
我：「無錯喇，Ellie你真係永遠都咁聰明。」
 
Ellie：「既然你咁欣賞小女子既聰明，不如等小女子為你出一分力？」
 
我：「你意思係…你幫我手做呢part？但係business野黎wor…」




 
Ellie：「其實家姐周不時都會叫我代佢去上堂，加上我自己又有d興趣，所以我諗我應該幫到你手既。」
 
我：「咁你又有無試過幫Ellen考試…」
 
Ellie：「咁又無，我地都識分寸架嘛，不過真係好得意，幾年來都無人分到我地，一直都以為係同一個人。」
 
我：「咁你兩個係雙胞胎，咁似樣人地分唔到都好正常啫，係我咁眼利先分到你地咋。」
 
Ellie：「嗯，所以你咪係我地男朋友囉。好啦，唔好浪費時間啦，拎你部電腦同D資料落黎比我睇下。」
 
係喎，差D又唔記得左。
 
我匆匆忙忙跑左上房，將所有資料整理好就連同電腦一齊拎落去比Ellie睇。
 




但無諗到返到落去個陣，Ellie居然戴起左眼鏡。
 
我：「咦Ellie你係幾時開始…」
 
Ellie：「啊你話呢副眼鏡呀，都係最近先配架咋，因為成日都要睇好多資料同對住電腦，近視深左D，所以就配左副眼鏡，唔好睇咩？」
 
我：「唔係呀，紅色框好好睇，顯得你好可愛。只係我都覺得自己最近好似都無乜點留意你地，有D過意唔去啫。」
 
Ellie：「哈哈，又係你話有自己既目標係一件好事，全神貫注入去係岩既，我都一樣無怪你架。」
 
「而且，之後再用時間陪返咪得囉，你話係咪先？」
 
嗚嗚嗚，Ellie真係好體貼…從來都唔會向我要求d乜，仲好幫我…
 
差d就感動到喊左出黎，好彩我忍得住，壓低自己聲線講左句「我會架啦」就算。




 
之後Ellie開始細心睇我既資料同計劃書，一邊睇一邊點頭之餘仲講左句同Ellen好似既說話。
 
「阿明你個團隊既成員真係各有千秋喎。」
 
果然係雙胞胎呢…
 
Ellie：「唔…呢個地段…同埋預算清單入面既項目，阿明你地想搞既生意係…」
 
哎…好似比佢發現左添…死啦有D尷尬…
 
唉遲早都比佢地知，不如乾脆認左佢把啦。
 
我：「係呀，我地打算搞一間模型工作室。」