風之軌跡（校園，戀愛，籃球）: 冬菊

距離對上金州中學個場比賽已經過左1個星期，宜今日正式開始放聖誕假。

我望一望手機，見到詩雅send訊息比我話佢就出門口。

我見到咁嘅情況我都換衫攞埋個行李箱落樓下。

「細佬，記得買手信呀」我家姐同我講

「有錢先算」我hea覆佢





「要記得戴套呀，我唔想咁後生就做姑媽呀」我家姐笑住講

「....」我都唔知點覆佢好唯有直接無視佢行出門口。

我落到樓下，但係詩雅重未落黎，終於有一次係我等佢。

「唔好意思遲左」詩雅一落左黎就同我講。

「終於有一次係我等你啦，唔好再話我成日遲到啦」我望向佢對佢講





「行啦」我拉住行李箱走過去拖住佢行出去等車。

「唔知佢地出左門口未呢」我邊行邊講。

「你估個個都似我地咩」詩雅講

坐地鐵好快就到機場，我地約好左機場一號客運大樓門口等。

「好慢呀，一定又係阿健遲啦」阿晴叉住腰講





「唔關我事呀」我望左望詩雅

「黎左就算啦，我地行入去啦」小雪講

「啱呀啱呀」傻韋附和小雪佢

「重講，行啦」講完之後brian拖住佢女朋友阿玲行入去。

嘉豪由於好快要考dse所以無黎，替補球員又無黎，所以籃球隊裹面只有我、傻韋、brian、阿傑同阿晴黎左。而小雪佢聽到我地去旅行佢又話想一齊去。結果我地4男4女8個人就開始一星期嘅台灣之旅。

我地幾個去左check in 放埋行李寄倉之後，見重有好多時間就走左去登機閘口果面間m 記坐。

「阿健，過黎睇下」brian講

我過到去睇完來係台灣果面有3打3籃球比賽舉行緊，冠軍重可以同nba球星打番場。





「不如參加下」brian講

「我無所謂呀，休息左咁耐都想打番場波」我講

「三日後嘅行程就一於去果到啦」brian講

「你地都痴線㗎，去旅行都要打波」佢女朋友阿玲講

「咩呀」佢地兩個又開始鬧交。

我已經習慣左，所以廢事理佢地，我走番去詩雅果面坐。

「食唔食野呀，我買比你啦」傻韋對小雪講





「唔洗啦，唔該」小雪好似怕左傻韋所以走過黎同阿晴坐

傻韋見到咁嘅情況就走過黎細細聲問我同詩雅點解會咁。

「你真係太狗公啦，係人都比你嚇死，咁都唔明所以你先無女」詩雅對佢講

「我總有一日會打動到佢嘅，你放長雙眼睇啦」傻韋講

「你咁都成功到，我做咩都得」詩雅講

「你記住呀，到其時我要你起我婚禮上面大大聲道歉」傻韋講

「咁快諗結婚，真係唔好ff太多」我講

「你地兩個放長雙眼啦」講完佢就行開左





「佢真係傻㗎」詩雅對我講

我笑左笑，無覆佢。

過左一陣就正式上機，我見一個鐘多少少就會到，咁唯有訓下教等落機。

好快我就進入夢鄉，但係訓左無幾耐已經落機。

「落機啦，重訓」詩雅用手輕輕推我

「咁快」我刷一刷眼精望望周圍嘅景色，睇黎真係過左黎台中

我地一行人好快攞完行李排完隊出關，順利離開機場。





我地買左電話卡，換完之後就睇下今晚住邊，過去果邊check in同放低野先。

我地坐上公車往台中火車站進發，我間酒店起台中車站附近。

「今日有邊到好去呀」阿傑問

「唔知呢，我無諗過呀，阿晴plan㗎」我講

「宜家係冬天，緊係睇d冬天限定野啦」阿晴講

「姐係咩呀」我同阿傑一齊問

「等等咪知囉」阿晴笑住講

我地無諗咁多，繼續吹水，吹左個幾鐘水坐左咁耐車終於到左酒店果邊。

我地行入去酒店攞房卡，我地book左4間雙人房，分別係阿晴同小雪、brian同阿玲、傻韋同阿傑最後係我同詩雅一間房。由於我地唔同房間，所以就約左30分鐘酒店門口等。

我同詩雅走入房，望落間房幾大，以平價酒店黎講算幾好啦。但係望清楚間房發現原本係book左兩張單人床嘅，但知酒店比錯左一張雙人床嘅房我地。

詩雅佢完全無理到比錯房，佢直接放低行李，唔知係行李箱搵咩。

「阿健，我沖個涼先」佢講完就攞左條毛巾同衫入去沖涼

我等佢果陣唔知做咩好，所以就挽下手機同睇下台中有咩好去。

啱啱阿晴話過等等去嘅地方係冬天季節限定嘅，所以我就上網用關鍵字搵下，好快就比我搵到一個叫中科落羽松既地方，算係一個樹海花海之類既地方。


「睇咩睇得咁入神呀」詩雅從廁所出黎用毛巾邊刷乾頭邊同我講

「睇下等等去邊姐」我放低手機對佢講

我望住詩雅佢坐起梳妝枱前面攞起風筒吹頭。

「做咩望住我呀，係咪啱啱偷睇我沖涼」佢笑住講

「無呀，邊有呀」我馬上澄清

「講笑姐，咁大反應」佢放低個風筒準備出門口

「......」我一臉無奈

「行啦，夠鐘啦」詩雅同我講

我地一齊行左去大堂，一行到落去已經見到佢地黎齊曬。

「好啦，最後兩個都黎埋，咁就出發啦」阿晴講

我地成班人一齊行過去酒店對面個車站等車，阿晴一直都無講等等係去邊。直到落車我終於發現自己無錯到，真係去中科落羽松果到。

「到啦」阿晴急不及待行過去

「咩黎㗎，全部都係花草樹木黎嘅」brian講

「算啦，今日由得佢啦」阿傑講完之後就自己行開左

「聽日開始分頭行啦」brian一講完就比阿玲拉走去影相

我同詩雅比阿晴拉左過去一齊行，淨番傻韋同小雪起原地。我見小雪想行過黎一齊行，我就馬上wts傻韋同佢講比曬機會佢，叫佢同小雪行。

我離遠見到傻韋睇到我個訊息之後馬上過去同小雪講野。但係離太遠聽唔到，好快我就比阿晴拉走，拉到去見唔到傻韋佢地嘅地方。

「黎旅行重挽手機」阿晴用鄙視嘅眼神望住我

「比緊機會傻韋呀，我叫佢約小雪」我講

「傻韋鐘意小雪咩」阿晴用驚訝嘅表情講

「咁都睇唔出，都唔知話你遲鈍定天真好呀」詩雅對阿晴講

「小雅你好衰呀」阿晴鼓埋泡腮對住詩雅

「好啦好啦，你最聰明呀」詩雅笑住講

「起小雅你把口講好無說服力」阿晴用無奈嘅眼神望住詩雅

「睇花啦，乖」詩雅摸住阿晴果頭講

「我好似唔好阻住你地兩個好d」我講

詩雅同阿晴聽完之後一齊笑左出黎。

「好啦個景咁靚影下相先」阿晴講完之後就攞手機周圍影，我同詩雅就跟住佢


行下行下我見到上次我起醫院果陣阿晴攞上黎果種白色嘅花，我記得詩雅話呢種花叫做風信子。

阿晴佢地見到我咁入神就走過黎睇。

「果d白色嘅花咪之前我攞去醫院果種花」阿晴指住d花講

「係風信子呀，呢種花係冬天早春會開花，所以宜家見到唔出奇」詩雅講

「小雅你咩都識嘅，花你都識」阿晴講

「識少少啦，唔同既花唔同顏色都有唔同嘅意思」詩雅講

佢繼續講「傳說西風神和太陽神阿波羅同時愛上了同一個人，佢選擇左阿波羅。西風神因愛成恨用計令阿波羅錯手殺左佢愛人。佢嘅血染上大地，開出一朵朵嘅花，阿波羅為左紀念佢，所以命名為風信子。」詩雅講

「佢好衰呀，點解要咁做」阿晴講

「神話黎姐，唔洗認真思考」我笑住講

「阿健你好無趣呀」詩雅同阿晴一齊講

「我錯囉」我一臉無奈講

我地邊行邊傾，都好快日落西山。行到去盡頭見到一大片黃色嘅花海。

「用冬菊做結尾幾適合我地...」詩雅好細聲講

阿晴見到一大片花海馬上拉我地過去影相，我當時無深究佢講嘅野。

「影得唔錯」阿晴望住手機講

「好啦，返去啦」我講