風之軌跡（校園，戀愛，籃球）: 捉緊希望的一剎
「就遲到啦」我望下手機嘅時間馬上換衫落街。
由於今日唔洗上場，我就叫詩雅去番工，我自己一個去睇波。結果無左佢嘅人肉鬧鐘我就無起到身。
我行落街果陣有人打電話比我，我就邊扶住拐杖行路邊聽電話。
「邊個？」我問
「阿健你起邊呀，我搵唔到你地打波個運動場起邊」一把好溫柔嘅女仔聲對我講
「小雪！我唔係叫左你問傻韋咩，我以為你已經去左果面。」我講
「我唔係太熟佢所以唔係太夠膽問佢，我同你熟d問你好d」佢講
「好啦...反正我遲緊到，你坐車過黎同你去啦。」我講
「唔該你呀」佢講
講完之後我就收左線。
過左一陣，我終於坐到去果面，佢起一間書店等我，所以我一落車就衝過去。
我起書店望左一望，見到一個戴住白色畫家帽白色衫藍色水手裙嘅女仔企左起到睇書。
我走過去講「唔好意思呀，係咪等左好耐呀」
「唔係呀，睇左一陣書你就到左，都睇左無幾頁。」小雪放番低本書對我講
講完之後，我地兩個就行去運動場，由於路程有d遠所以同佢傾計行。
「你好似真係好鍾意睇書喎，等人都去書店」我笑住講
「就好似你鍾意打籃球咁。我鍾意書裹面嘅世界，真實嘅人生太平淡啦」佢對我講
「啱嘅，但係我一睇到咁多字我就頭痛」我講笑咁講
「比起睇書我鍾意睇戲多d」我講
「睇戲我都鍾意呀，前排先睇完你的名字」佢講
「我都有睇喎，估唔到你都鍾意睇動畫類嘅電影」我講
「沒話限死睇咩類型嘅，好睇就會去睇」佢講
講下講下就去到場館，行緊入去個陣已經聽到其他人不斷叫囂，個個都係支持金洲中學嘅。行到去我地學校個休息區我比個分吓左一吓。
啱啱好中場休息，比數12比40，我地差唔多輸30分。
「完全打唔贏呀」阿傑坐左過黎講
「咁辛苦去到16強要止步」brian講
「大家做咩呀，灰曬咁，重點打落去呀」我對佢地講
「其實佢地都唔想㗎，可惜真係差太多，對面d戰術太好...」阿晴低下頭講
「大家打到呢到已經好好啦，我身為隊長都要讚你地」嘉豪講
傻韋見到小雪起到馬上鬥志燃燒咁講「重未完場㗎，重有機會㗎，宜家放棄會唔會太早」
「啱呀！」我行過去講
「隊長！比我出場啦」我講
「你痴左線呀，一定唔得」嘉豪講
「阿晴同我睇住佢呀，我地知道你想出一分力，我地會出埋你果份力㗎」嘉豪講
中場休息完畢，下半場開始。
對面下半場連首發都唔出直接上替補打，完全睇小我地。
「你黎左喎，頭先唔見你重以為你驚輸」校隊選拔賽打輸過比我嘅anson走過黎同我講
我無理佢，佢又講「咁快換左個女朋友嗱，個陣就唔好同我搶詩雅啦。不過算啦依學我大把女，比我都唔要佢呀」
「不過你宜家個女朋友又幾靚喎，你睇下佢腳都廢埋，唔好同呢個廢人一齊啦同我一齊啦。」佢望住小雪講
我用自己個身擋住小雪之後對anson講「你呢d咁嘅人一世都唔會有人真心鍾意你㗎，之前我打敗過你，以後都會」
「死剩把口，你睇下我地屠緊你地呀，重咁多野講。不過算啦，都係得番把口姐，腳都廢左」佢講完之後行番去自己嘅休息區果面
「唔好意思，我唔咁講佢一定會煩住你㗎」我對小雪講
「真㗎，以前已經試過啦」阿晴講
「唔緊要呀，啱啱阿健你好型呀，十足十愛情小說嘅男主角咁呀，可以之後寫落本書到」佢講
「你真係咩都可以拉落去書到」我笑住講
「咩你寫書㗎，我都好想睇下呀，等比賽完左一定會去睇」阿晴講
啱啱比anson打斷左我睇波，我睇黎分數，我地打對面d替補拉返好多分。可能係傻韋見到小雪起到所以要扮型掛，開啟左得分mode。
打到第三節尾我地叫左個timeout休個息。比數去到28比50，打左一波16比10嘅攻勢，但係d隊友都無咩氣。
阿晴攞毛巾同水比佢地，小雪見自己坐起到唔係太好意思所以幫阿晴手攞。
「唔該呀」傻韋由小雪手中攞左條毛巾
小雪佢笑左下笑就行開左攞野比其他人。
「你見唔見呀」傻韋好興奮咁對我講
「咩呀」我問
「佢對我笑呀，佢一定係鍾意左我呀」傻韋講
我笑講同佢講「唔好ff咁多啦，你同佢講過幾次野呀」
「咩呀，我估佢一定鍾意我嘅，等有機會一定會同佢傾下計」佢講
「比心機啦....」都唔知話佢樂天定傻好
Timeout完左，佢都又出番去繼續打。
傻韋timeout完之後真係著曬火咁，不斷得分。
「果個人好怪呀」小雪對我講
「你話傻韋佢？佢有名比你叫傻韋，唔怪邊到叫傻韋」阿晴笑住講
「個人係怪左d,但係你識落佢份人就知佢係好人黎嘅，絕對識得過㗎個朋友」我馬上幫佢講說話
我講完之後聽到球場好似有d意外，我馬上望過去見到替補我嘅控衛受左傷要換人，但係我地其他人控波同組織唔係太好。雖然今場唔係太樂觀但係都會有機會，宜家少左個人真係無咩機會。
我望左下分數35比52分再望下自己，我同阿晴講不如比我出去打啦
「唔得呀，你受左傷㗎。雖然你睇落無咩野，萬一再傷有機會唔止韌帶拉傷咁簡單」阿晴講
「我最多唔跑齋傳波啦」我講
隊長見有人受傷又叫左個timeout，啱啱好行過黎聽到我講野。
「阿健，你真係想落場？」嘉豪講
「安西教練！唔係！隊長，我想打籃球呀」我對嘉豪講
「就算你有機會又傷都要打？」嘉豪問
我點頭回應。
「阿晴，有無帶13號球衣呀」嘉豪問
「有....但係真係要比阿健佢打？」阿晴問
我咩都無講直接穿起球衣。
「阿健.....我都知你會去打......你攞去啦」阿晴攞左個護膝比我
「唔該曬」我穿起左腳單邊長護膝上場
明知輸都要盡力一戰，受傷阻唔到我前進。