風之軌跡（校園，戀愛，籃球）: 約會與蛋糕 下

我第一次過呢邊，對呢到唔熟，估唔到呢間甜品店d蛋糕睇落真係唔錯，對於一個少食蛋糕嘅我都比佢吸引到。

阿晴見到我睇到咁入神就由我格離走到我面前舉起雙手試圖干擾我嘅視線。

「睇咩咁入神，係咪睇緊收銀果個靚女呀，我識得佢㗎，洗唔洗介紹比你呀」

聽到佢講之後我下意識望左去收銀處，見到一個黑色長髮，目測1米7左右，身穿我學校嘅校服，身材雖然無阿晴咁好，但係不論身材同外表都係模特兒嘅級數。

我望番阿晴同佢講「無呀，我睇甜品炸，睇落去真係幾好食」





阿晴用半信半疑嘅目光望住我。

點知brian 佢又叉一腳落黎同我地講「阿健你好假呀，點睇你都係睇緊女啦」

我用眼神仇視brian，心諗你唔好亂講呀。

Brian個女朋友阿玲見到勢色唔對，就同我地講「brian 講野信3成好啦，信佢都傻」

阿晴聽到佢咁講就好似如夢初醒咁講左句「係喎！我居然差d信左佢」






終於排到我地買，排左半個鐘終於到。

「阿晴又係你呀，個個星期都上黎買，已經留定左一個草莓蛋糕比你啦」收銀果個女仔對阿晴佢

「小雅我今日唔係買一個，係兩個呀」阿晴叉住腰神氣自若咁對佢講

收銀個女仔用奇怪嘅目光望住阿晴對佢「兩個？一個人只可以買一個你唔會唔知呀」

「我當然知啦，所以我有備而黎」阿晴講完呢句就用手拉住我衫尾拉我過去。





收銀個女仔又用奇怪嘅目光望住我同阿晴對我地講「估唔到用埋男朋友呢招，無辦法啦」

佢邊講邊攞左兩件草莓蛋糕放落盒，攞比阿晴。

阿晴聽到佢咁講臉都紅曬馬上同番佢講「佢唔係我男朋友呀，佢欠左我㗎，上黎還債炸」

阿晴攞左盒蛋糕就馬上拉走我。

我同佢行到去商場出面嘅露天food court 位坐低。

我見佢攞左件蛋糕出黎，開始佢嘅甜品之旅。

見到佢邊食邊露出心滿意足嘅表情，就算唔食甜品我嘅心都甜曬。





佢見到我望住佢食都唔係太好意思。

「好啦，見你同我排隊買，我就破例比件你食啦，但係下次要還㗎」阿晴對我講。

佢邊講邊攞件草莓蛋糕放到我面前。

我攞起隻叉張蛋糕一匙一匙咁放入口。

「估唔到真係幾好食喎，排左咁耐都係值嘅」我講到

「當然啦，我地嘅草莓蛋糕係最出名嘅，賣曬就收工無得買㗎」一把女仔聲起我後面傳黎。

「收工嗱，今日好早收喎」阿晴同佢講。

「見到阿晴帶男朋友上黎喎，唔早d收點得呀」個女仔一講完就坐低左同我地同枱。





「都話唔係男朋友囉，佢鐘意小雅你呀，佢起甜品店望左你好耐」

「吓？又拉埋我落水，我都話我係望甜品」我反駁阿晴

「你地好好感情呀，好羨慕你地呀」果女仔同我地講

「好啦唔好玩啦，阿健我向你介紹佢係格離5B班嘅陸詩雅，我地學校校花黎，無男朋友㗎，你可以追佢㗎」阿晴對我講

「平時d人都係叫我詩雅，多多指教呀，阿健」詩雅同我講

坐左半個鐘，傾左半個鐘計，都差唔多日落西山。

「好啦，夠鐘番屋企啦，我走先啦，bye bye 」阿晴對我地兩個講





我個心當然想送佢番屋企，但係無奈地佢屋企就起呢個商場格離，送都唔洗送。

「我都要坐車番屋企啦，bye bye 」詩雅講完都轉身離開得番我一個人起原地。

我行到去小巴站見到詩雅企左起到等車。

「估唔到我地坐同一駕車喎」我企起詩雅後面同佢講

「原來你都係住西環㗎」佢回覆我

啱啱好車到左站，宜駕小巴上面都有好多空位。

我見到詩雅一個人坐左起雙人位上。身為毒撚我當然坐單人位啦。

「咩我好差咩，做咩唔一齊坐」佢好認真咁同我講





車上其他乘客聽到都望左我一望以為我地情侶鬧交。

我見咁嘅情況都坐番過去，坐過去果陣佢重要笑我比乘客望。

成程車我都因為太尷尬所以無咩講野，佢同阿晴唔一樣。對住阿晴我可以暢所欲言，但係對住詩雅我就欲言又止。

好快咁，又到站落車。

佢同我同一個站出，宜佢行嘅路又同我一樣，唔通佢同我住同一棟樓.....

「原來你同我住同一棟樓㗎，不如聽朝一齊番學啦」佢笑住同我講

我都未黎得切回佢，佢又繼續講「聽日7點20留下等啦」

我又未黎得切拒絕佢，佢就衝左入升降機，睇黎聽日要早起身啦。