風之軌跡（校園，戀愛，籃球）: 約會與蛋糕 中

第一日番學，對呢邊唔多熟，基本上我都係跟著佢行。

由學校後門出面條樓梯好快就上到去商場，一入到去商場轉個彎就見到條人龍。

「個到就係啦，睇黎今日唔係太多人排隊」佢對我講。

我望一望條人龍就同佢講「咁都叫唔多人排隊，我連龍頭都見唔到呀，睇黎我見到污糟野。」

「算少人啦，平時排到商場門口㗎，你唔想排嘅可以唔排㗎」佢講完之後鼓起泡腮表示不滿。





我相信係男人見到佢鼓起泡腮果樣好難唔心軟，唯有聽曬佢講啦。

「好啦好啦，我講過負責㗎，就算天上嘅星星你話要我都摘比你啦」我對佢講。

佢笑著同我講「你話㗎，天上嘅星星我就唔要啦，學界比賽嘅獎盃我就想揸一次。」

「點至學界，我以後嘅所有奬盃都比曬你呀，咩NBA MVP呀 FMVP呀 季後賽冠軍呀都比曬你」我講笑咁同佢講。

「你話㗎，唔準反口」佢同我講。





「一言為定」我覆佢。

「聽你地兩個講野骨都痺埋啦，比d尊重好唔好」

我地望向後面竟然係brian 企起我地後面，佢格離重有個女仔。

個女仔對brian講「你學下佢啦，成日都唔對我講d咁嘅野」

Brian覆番佢「d咁肉麻嘅野我先唔講，你同我拍拖咁耐你都唔知咩」





佢地兩個佢一言佢一語咁都唔知會唔會講講下分手

「佢地兩個係咁㗎啦，識左咁耐都係咁，呢d係佢地嘅相處方式黎」阿晴同我講。

前面條長龍一直咁行，終於見到間甜品店嘅門口。