Ashley Madison 一個婚後偷腥男人的自白 (有甜): （四）
每個人生命中總會有一、兩個比所有人都先知先覺的朋友。Henry就是這麼一個朋友，最少在溝女上他是。他是我中學的同學。當我們一班男生還在怕怕羞羞心大心細想約女同學去睇戲時，Henry已經拖著比他大一屆的校花出街。當我們終於破處時，他已經完成了「百人斬」的壯舉。英文中有一句說話：A man who sleeps around is a legend，a woman who sleeps around is a slut。Henry 就是這麼的一個傳說，而他身邊也從不缺乏那種很嫵媚的浪女，有新識的，也有和他掟煲唔掟蓋的。不幸的是，Henry也早一步比我們步入愛情的墳墓。他好像是大學畢業前已經訂了婚，沒多久便當爸爸了。當他把小孩相片放上臉書時，我們其中一個舊同學comment道：「太好了！我們終於不用再妒忌Henry了！」
我從良後不久便在辦公室附近碰見Henry並相約吃午飯。午飯時，他一邊和我有一句沒一句說着同學之間的八卦，一面陰陰笑的玩弄着手機。我眼見及此便問他在玩什麼，沒想到我從良的日子便因此完結。
「玩乜玩到笑淫淫咁嘅衰樣呀？」
「AM。」
「AM？？」
「Ashley Madison 呀。」
「咩係Ashley Madison 呀？」
「你細聲d得唔得！AM係一個專俾已婚或者拍緊拖既男女出來偷情既app。」
「點work㗎？」
「男男女女都可以上去開個account，然後寫幾隻字同post張相去個profile就得架啦。」
「咁佢地點賺錢呀？」
「男仔第一次message一條新女要俾五個credit，啫係大約五蚊美金。女仔message男仔唔駛credit，但係男仔要睇每一個女仔嘅第一個message都要俾五個credit。」
「說好的男女平等呢？」
「你如果有其他辦法可以搵到其他女人同你一齊偷情你咪唔好用佢囉。」
「啫係無論邊方面想開始對話，個男嘅都要俾錢，但係之後你地兩點傾都得？」
「無錯。」
「咁如果個女仔唔覆你呢？」
「sorry，錢照收。」
「嘩！成四十蚊send個message。咁如果你send十個都冇人show你你咪成四百蚊掉咗落鹹水海？」
「如果你想一定搞掂你去叫雞會簡單d。」
「點解你會玩依d既？」
「因為我想搵番舊時細個追女仔追到個種成功感。其實追女仔最過癮嘅地方係你好似追到但又未追到手個個stage，大家仲好曖昧而又好全程投入玩緊個遊戲。就好似捉緊一盤好close嘅棋一樣，一子錯滿盤皆落索，但係你搞得掂個份成功感係做其他野搵唔到既。」
「吓！乜依個app唔係淨係約出來搞野架咩？」
「如果你以為send幾個message問吓d女仔 "喂今個禮拜出嚟開房屌屌好唔好啊？" 就會得米，我勸你就慳返啲錢。d女仔上AM除咗想解決生理需要之外，佢哋更多係想得到心靈上既慰藉。我同AM d女仔都係先飲吓野食餐飯傾吓計，睇吓大家有冇feel先再算。就算有都唔係每次見都上床。我追求既係靈慾一致既性愛。如果淨係為扑嘢，落老蘭就得啦，駛乜咁麻煩？」
「果然係𠝹女聖手！我地依d凡夫俗子絕對講唔出咁高深嘅道理。」
「屌！講依d。」
果然是聞君一席話勝讀十年書。我扑了十多年野才明白到扑野的最高境界是不想為扑野而扑野。有見及此，在走回公司時，我的腦袋已經不其然地計劃著怎樣能神不知鬼不覺地親身體驗一下這個神奇的app會否令我明白到這般深奧的人生道理。