【穿越】【三國】 流離者(不定期更新): 51

痛苦的抽搐持續，我只是忍受已經耗光我所有力氣。

痛苦伴隨著時間遞減，但我知道痛苦的終結，亦會伴隨著我生命終結。

但根本就沒有解決的方法，終結也是沒辦法。

亦沒甚麼牽掛…倒不如說牽掛都一個個如鳥獸般飛散，彷彿只想我了無牽掛。

對現在的我來說，這不就只是死亡，沒什麼大不了。





早點解脫比活着受苦輕鬆吧。

「唔好瞓住！瞓咗就咩都冇！」

「唔好死呀……嗚嗚」

只感到有人吧一些粉狀物質倒進我嘴裡。

就算不願，亦由不得我反抗。





吞進去不久，心口便有一股暖流緩緩驅走抽搐感。

雖然抽搐感漸漸散去，但由於已掙扎了好一斷時間，我亦不勝倦意睡著了

不知昏睡了多久，我慢慢醒來。

「小白！」

甫一張眼，一遍藍天白雲…..，得一遍白色嘅？





「終於醒？幾好嘛李兄弟？」一個面孔闖進我的眼框。

細看之下，竟是呂布。

我立刻跳了起來，架起準備戰鬥的姿勢。

「你又想點呀！」我不耐煩的說。

「冷靜啲，我今次又冇扎起你，上次係我太嬲先對你咁粗暴，我今次並無惡意。」呂布換回丁家少爺那溫柔的臉。

「你真係當我傻㗎喎，你無惡意帶的我嚟托呀！」我恐防有詐，十分警惕。

「我對你的確無惡意，但冇話對其他人冇喎。」呂布平淡的說道。

「吓…」我一頭無緒。





「其實上次我捉你都只係為咗引劉備出嚟，而我由此至終都只係想殺咗佢，只不過而家又多咗個人要搵啫。」呂布娓娓道來。

「咁你地啲恩怨都唔關我事格！」我依舊沒有放鬆警惕。

「睇你哩一身嘅傷勢，睇嚟都受過唔少苦，佢肯家到而家仲追殺緊你，如果我哋能夠殺咗佢，咁你未安全囉。」呂布陳述利害。

「安全而家對我嚟講根本唔係最重要，我而家要搵趙文報仇！」我咬牙切齒，恨不得要將趙文碎屍萬段。

奇怪的是，呂布聽到趙文二字，瞬即目露兇光。

「哈哈哈哈…咁就啱哂，我都有事搵佢，一個你仇人，一個當你係仇人既係，又喺同一個地方，殺哂佢地對你百利而無一害。」呂布的怒顏一閃即逝，又換回溫柔笑臉續道。

「就算係我幫得你啲咩，你放我番去報仇啦！」我語氣慚重。





「報仇？你打得過到佢啲護衞咩？你咁衝去獻頭有意義咩？」呂布訓斥道。

我頓時無言以對。

「不過你一個人報唔到啫，我幫你就可以，你只係需要話少少嘢我知……」呂布續道。

「我哋搵到你嘅地方係一片密林之外幾里，而密林對面正正係盟軍地區，你究竟係僥倖逃出哩個大樹林立嘅密林，定係有一條小路走出嚟？」呂布這一問，我頓時想起那門一樣的雙樹。

「的確有，但係我要親自帶你哋去，而且你哋要保證去到會放我走！」我把握談判機會，雖然亦沒有多少籌碼就是，不過為咗報仇就冇咩好驚。

「好當然好，況且我其實由始至終都冇諗過要捉你，你隨時可以走，當時我只係以為你哋係同伙先咁對你，我呂布一向只會對敵人動武，隨非你話你想成為我敵人。」呂布臉色一沉。

「我…我而家淨係諗住搵趙文報仇，我知你都想報仇，所以各行各路。」我被呂布氣勢只是稍微震懾了一下。

「似乎哩一趟旅程你又知多咗啲嘢，不過唔緊要，我本身就冇理由阻你。」呂布平淡的說。





我一直被憤怒沖昏了頭腦，仔細想一下，的確有人製造混亂先係最好嘅方法。

「的確，咁我帶你哋去，但係嗰到條好窄，最多五個人併排，你咁多人都冇用。」我想起那小路。

「咁我哋可以以小隊突襲，高順點八百擅步戰精兵候命。」呂布轉頭向高順下令。

「等等……有時急都未必好，要混亂就要再大啲，嘅然有陳倉…」

「哩度唔係陳倉喎。」高順疑惑道。

「明修棧道」