【穿越】【三國】 流離者(不定期更新): 47
「終於搵到你！」
「唔好嘈啦！畀我瞓多陣....」我朦朧間聽到一把熟識的聲音。
？？？
仆街！我做咩瞓著咗，唔通佢地搵到嚟？
「點.....點錯相呀！我咩都唔知！」我竭力睜開那沉重的眼簾，撐起那滿是疼痛的身軀。
「都唔知你講乜，哇！點解憂仔你咁傷！係咪好痛......」那把聲線溫柔的說道。
我揉一揉眼睛，視野逐漸清晰起來。
只見董白四處翻找，查看我身上傷勢。
「小白？」
「喺道，你冇事吖嘛...，點解會搞成咁.....」小白神情哀傷，眼眶泛淚的說道。
「唔緊要，快啲走！可能會追上嚟，扶一扶我唔該！」我回想起恐怖的回憶，加重語氣說道。
「邊個追你？係咪追你嘅人打成你咁？」小白一如既往的溫柔。
「唔好嘈啦！走呀！」我再加重語氣。
「知道......」小白被嚇得抖了一下，接著輕聲回答。
我們沿著典韋的指向一拐一拐的走著，隱約看到遠處有一顆小黑點。
再走近才看見是一匹黑馬一動不動的站著。
「墨犬。。。...」我一時興奮大叫起來，及後又生怕追兵聽見收起聲來。
但墨犬耳朶靈敏，一下子就聽到我的聲音。
一個勁的跑過來。
我張開雙臂，正想給牠一個大大的擁抱。
牠卻用頭一下頂開了我，彷彿在指責我讓牠久候了。
看到旁邊的小白，墨犬走過去嗅了一下她，然後便舔了起來。
「哈哈哈......」小白亦和墨犬玩得不亦樂乎。
「你隻淫馬.....」我暗暗罵道。
墨犬隨即怒目而視。
一番打鬧之後，我們就一同騎上墨犬，瞬速遠離軍營。
他們還在墨犬上掛上更換衣物，口糧水壺，還有為數不少的銅幣。
係喎！三國時代嘅貨幣，我竟然而家先第一次見，我呢段時間究竟過緊啲咩生活。
「話說你個公主點會，走出嚟，你見過鬼都唔怕黑咩？」我問道。
「爺爺明明話會放你，但係又比呂布帶你走，我唔放心未偷偷哋跟住佢哋嚟，點知又唔小心蕩失路，兜咗幾日終於到條似樣嘅路，點知就見到你，我話咗會救你走就一定會，但係華叔叔......」話未說完，小白就開始哭起來。
「sor…對唔住，我唔係專登想提起…..，你睇下周圍啲樹密不透風，就好似秘密通道咁幾得意。」我連忙轉移話題，指向路旁密密麻麻的樹林。
「哈…係..喎..好…..意」小白又哭又笑，弄得我捧腹大笑。
「哈哈哈哈…我哋諗吓之後去邊好？」我續道。
「去…..去」小白邊哭邊想說話，卻又說不出來，十分可愛。
過了一會，小白心情平服了下來，抹乾眼淚便開始說。
「去荊州吖，聽講嗰邊好靚㗎，我好想去但係又冇機會！」小白顯然十分雀躍，左右搖晃，差點晃了下馬。
「知啦知啦！你冷靜啲，去未去囉，反正哩啲錢應該夠用一排掛。」我沒好氣的說。
「好嘢！」小白更加雀躍，弄得墨犬低嚎了一聲，但還是放緩了步伐，免得小白真的墜於馬下。
雖然咁講，但我識鬼去咩，睇小白十下十下都唔慌識去，見步行步。
我們亦沒有怠慢，隨即出發，剛出發時過於匆忙，根本沒空留意四周環境，仔細一看，我們正在行的一條小路大概只能五人並排行走，旁邊盡是樹海，又高又密，所以既陰暗且清靜，看來是典韋是悉心選出來讓我們避開追捕。
走了好一段時間，亦聽不到追兵的聲音，看來這裡比想像中隱蔽
在森林小路中直走了數日，終於離開那山間小道，這條道路雖然隱蔽，但出口處旁邊卻有兩棵更大的大樹，彷彿大門一樣。
再走了數天依然走不出樹林，四周境色又乏味，弄得小白不停喊悶。
「憂仔，你望下嗰邊有棵好似手掌嘅樹好得意呀。」小白指向有五枝散開樹枝，酷似手掌的大樹說。
「係喎……」我敷衍了她一下。
「我哋玩猜拳呀？」小白又問。
「是但啦…..」我無奈的答應。
我們再走了好幾天時間，糧食都吃得七七八八之時，終於看到大路。
「好啦！唔好玩啦，幫下眼睇下搵唔搵到個鎮仔休息下定點。」我借故制止了那無止境又沉悶的猜拳
她每次都只會出剪我怎麼輸，不過藉此我卻能令她好好聽我的話。
「好呀！順便問下人點去荊州。」小白興奮的回應。
「哦......好啦...」看到小白興奮的神情，我亦不便潑她一盤冷水。
我之後點都未諗掂就諗去旅行，有得搭飛機來回未即刻去囉。
沿大路走着走着，只見一行人圍着馬車打轉，看來甚是苦惱。
「係咪要幫手呀！」哩句緊係唔係我講，邊有人會咁多管閒事。
「唔好咁多......」話還未說完，小白就一躍下馬。
好人幫你嗰時就好，要你幫人嗰時就煩。
我只好也下馬跟隨。
「小姑娘小兄弟，過嚟幫下手，唔知主人發生咩事！」其中一人招手道。
小白一臉緊張的衝了過去。
「憂仔，佢好辛苦，點算！」小白焦急的說。
真心，你明明就幫唔到咩手，硬係要落馬做咩呢又？
只見車中躺着一個男人，表情痛苦的掙扎着。
細看之下，那人呼吸困難。
「你哋行開先，我盡幫啦！」雖然我懂的不多，只好硬着頭皮上。
我先鬆開男人上衣，在男人胸口上有節奏的按壓，時而把氣吹進他口中。
而上事情反覆做了幾遍，男人面色平靜下來，呼吸亦暢順起來。
估唔到睇電視上網教嘅嘢work wo,不往我多年不務學業，喺網上寒窗苦讀。
不一會，那男人就坐了起來。
「咳.....咳，小兄弟，多得你我先冇事！」那老年男人說道。
「咁我哋走先！」我轉身道別。
「小兄弟，唔好走著！都要畀我報答下你。」那男人拉著我的手說道。
「唔洗啦！我哋只係想快啲走。」我淡淡回應。
「憂仔不如我哋問下佢點去荊州！」小白搶着說。
「是但啦......」我一臉無奈。
「小兄弟你哋又想去荊州，咁啱我哋又去荊州行商，咁不如我哋先同行去荊州，再請你食餐飯以表感謝。」
「好啊！」小白又搶着回應。
「咁在下許攸路上就冇咁孤單啦，哈哈哈哈！」