【穿越】【三國】 流離者(不定期更新): 46

「小南？」我錯愕的問道。

「我唔......嗄......嗄......係......」看她依然氣踹吁吁，我亦不敢追根究底。

我扶她到一旁休息，她亦不時掙扎，幸好她現在力氣不大。

待她休息她一會，氣息亦逐漸好轉。

「好啲啦嘛。」我靠近輕聲問道。





「死開！我一直都冇事，你唔好亂咁掂我！」她聲線依舊氣虛力弱，與凌厲的言辭形成強烈對比。

「咁小南你可以話我發生咩事未，我都只係想要個答案。」

「要我講幾時多次，我唔係小南！咳咳........」她激動的說。

「到哩個時候你唔洗再呃我，你哩個樣我望咗咁耐我點會認錯。」我亦變得激動起來。

「唉......我叫小夏，小南係我妹妹，其實係佢唔忍心你比人打，先叫我救你，所以你唔好再煩我！」她不耐煩道。





「咁小南都係道？你比我見佢一面我就唔煩你！」我抓著小夏拼命搖晃。

被我這一搖晃，小夏亦無力掙扎

「小南！你喺邊？」我抓狂了的四處張望。

「小南......唔好喺....哩個時候......」小南話還未說完兩眼突然反白。

我亦無暇理會，繼續尋找那不存在的身影。





「憂......哥哥？」一把期待以久的聲音傳入耳中。

但我環視四周，依然看不到半個身影。

「係咪憂哥哥？」聲音再一次傳出。

我終於發現是由小夏口中傳出。

我頓了一下，還來不及反應，她已經墜入我的懷中。

「我仲以為......見唔返你.....」小南一頭埋進我的胸膛，泣不成聲。

「小南？」我一臉疑惑。

「小南冇呃你，係小夏扯我走，我都好想一直留喺憂哥哥身邊！」小南強忍淚水說道。





「痛唔....痛？」小南輕撫我身傷痕問道。

「只要你翻嚟就咩都唔痛。」我抱緊小南，默默流淚。

係我熟悉嘅小南，我唔知發生咩事，我只係默默咁享受失而復得嘅一刻。

不知不覺，小南又哭累了睡著，我亦沒有多想，只顧享受這份失而復得的幸福。

未幾，小南緩緩從我懷中爬起。

「起身嗱？」我用那一貫親切語氣說道。

「死開啦！你個樣好猥瑣呀！」小南用力把我推開。





「吓！小南你做咩？」我一臉錯諤。

「我係小夏呀！講幾次你先知！況且你都見到小南啦，心息啦！」她又端起那不耐煩的嘴臉。

我還是一頭霧水。

「小南喺瞓緊，你唔好再搞錯我哋，同埋再亂掂我就斬咗你隻手。」她一面拔出勾劍舞動，一面裝兇作勢的說著。

吓！

人格分裂？搵啲咁嘅嘢搞，咁點呀，即係我攬攬下小南你唔鍾意就會出嚟一刀劈我呀？仲有就算你哋唔同人，你一嘢出嚟打亂人哋重聚又咩意思呀，咁我以後點分你邊個呀！

不過

其實知道小南仲係我識嘅小南已經好夠。





「好啦好啦！小...夏吓話，你既然自稱係小南姐姐，你都唔想佢跟住個淫棍，而且我睇24個billy都係話其他人格只係想保護主人格，而且你咁耐都知我對小南係點，最多我應承你話你出嚟我就唔理你，再唔係你唔中意未出嚟斬我囉，咁你可以比番小南跟我走未？」我陳之以理。

「我又點會想小南畀人傷害！但係我哋走唔甩㗎.....」小夏的怒吼之中，滲漏一絲淡淡的無力感。

「點會走唔甩！我哋好似之前咁匿埋未得！」我反駁未得。

「你以為真係匿埋到咩！你匿埋嘅第十日趙大人已經搵到我哋！花道旁枝，無所不知，我哋走唔甩......，而且只要趙大人一命令，我就......，我冇可能反抗到...我好驚.......」話說到一半，小夏突然哭了起來。

我亦不知所措的坐着。

「不過我係姐姐.....，痛苦我一個人受就夠，你都快啲走，我唔想小南為咗你被殺又傷心！」小夏不消半刻就收起淚水，起身離去。

我半爬半走的追趕，但根本徒勞，不消半刻，小南就消失在我的眼前。





身心俱疲的我在悲痛之中進入夢鄉。









「終於搵到你！」