[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 六，你知道巴黎為甚麼是浪漫之都嗎？（中）

「南亞幫你地見過㗎啦。」
「點止見過...係呢，你係咪幫我隊冧左道友明同埋南亞幫？」
 
「白癡，有乜可能。我同阿軒兩個要喺一大班人面前救你本來已經好勉強。你真係以為我哋係戰爭武器凶？」她說。
 
「死南亞人。」
 
「佢哋係比較獨特，有自己嘅毒品供應市場，唔會問公司攞貨。相反，天地會同埋福頭幫就係公司主要嘅生意partner。福頭幫就係夏娃老竇揸fit。上次幫我地過關嘅就係天地會。」小孟說。
 
「點解你會知道咁多野？」我問。


「呢啲只不過係毒品市場嘅Common sense。你哋入得嚟做嘢，連呢啲基本野都唔知道，你地三個未死已經算好彩。」她說。
 
「好叻咩...」我不滿地說，「你一早知道呢啲嘢你上次又唔講？如果你講咗我哋使鬼咁樣？」
 
「我有講。我話咗道友係唔可信。我話咗我有相熟嘅社團。但係你就自以為是一意孤行。」她說。
 
對，她說得沒錯，我太過不謹慎。
 
「對唔住。」我真心真意的道歉。
「一世人三兄弟，唔好講呢啲啦。」軒說。


 
「咪就係囉，你依家都『罪有應得』啦！」航大力打向我受傷的地方。
「啊！痛啊屌你！」
 
「咁我係咩？」小孟問。
軍妓，我想開玩笑的說，想起如果說出來肯定被她斬死，還是算了。
 
「四兄弟啦咁。」
「四兄弟同心！其利斷金！」
 


「既然今次要打大鱷，一定要做好萬全嘅準備，我唔會再咁大意同埋自以為是。」
 
我說，「你哋快啲話俾我聽今次嘅試煉到底係做啲乜嘢？」
 
「...唔話你知。」小孟拋下冷冷的一句。
「下？」
「呢個係我哋三個係你昏迷嘅時候嘅共識。」航說。
 
「你要足夠嘅休息。等我哋搭飛機去巴黎嘅時候，我再話俾你知啊。」軒說。
「下？巴黎？」
「屌，你講漏咗口啊！」航連忙掩着軒的口。
 
巴黎。
我大概猜到了。
 


「仲有幾耐先到下一輪？」
「兩個星期左右，應該唔夠你完全康復。不過至少會比而家嘅狀態好。」小孟說。
 
「我諗我暫時都行唔到...你地可唔可以幫我去醫院探下我呀嗎？」
「我哋有啊，前日先去完。Antie好好，我仲hi左佢幾次，佢好似好精神、好滿意。」軒說。
 
「呢段時間真係麻煩晒你地啦。」我感激不盡。
 
現在我的腦內有幾件我必須做的事。
 
第一件事，我必須完成第三試煉。之後只要我不死的話，就可以有充足的資金提供給我，去醫好娘親的病。然後可以用剩下來的錢，帶她環遊世界，遠離香港這個煩囂之地。
 
第二件事，我必須報仇。當然不是現在這個樣子，但在巴黎回來之後，我不可能放過南亞幫以及道友明。我一定要讓他們受到比我更大的打擊、傷害以及侮辱。君子報仇，以眼還眼。
 
第三件事，我必須報答他們幾個。我的性命是由他們三個救回來的，我當然會感恩，就算對小孟這個黑口黑面的人。老實說，她真的長得非常美麗動人，就像在冰川裏封印了幾百年的冰雪美人一樣，冷艷而且高貴。算了，這筆債我大概可以花幾十年去還，不用擔心。


 
想着這幾件事，我倒頭大睡。
 
不知過了幾天，我開始可以下床活動。我致電了久未聯絡的母親，她的身體還可以，我告訴她幾天之後我必須去公幹一下，叫她要小心。
 
「你要保重自己，醫生叫你食藥你就食，早啲休息呀。」
 
「知啦死乖仔，你都係呀，唔好咁夜瞓，阿媽係醫院好食好住，有咩頭暈身㷫醫生又即刻喺度，唔使擔心。」
 
「咁就好啦。」
「你返工都好，唔好捱壞自己，阿媽知你搏殺，想醫好阿媽，唔使㗎啦，你顧掂自己阿媽就好開心，我去得都安樂啲。」
 
「喂，唔好講呢啲嘢啦，好快冇事，你等多一段時間。」
「好啦，阿媽唔阻你啦乖仔，你做嘢要緊。」
「嗯，我過兩日再打俾你。」


 
聽到母親的聲音精神了不少，我安心的掛線了。
 
雖然雙腳還沒有可以靈活郁動，但第三隻腳已經完全康復。我打了電話給Miko，約她到富豪酒店。