[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 六，你知道巴黎為甚麼是浪漫之都嗎？（上）
不知過了多久，我從睡夢中醒過來。
「啊...」一陣陣劇痛傳入我的心坎，我身上沒有穿衣服，但卻被繃帶圍著，我馬上檢查一下屁眼，沒有特別比其他部位更加痛，看來我的處子之身應該安全。
「終於醒啦Peter？」軒在我的身旁。
「係呀...」我的頭痛欲裂，稍為又過了一會兒，我問：「航呢？佢走唔走得甩？」
「梗係走得甩啦，唔係你以為邊個叫救兵！」
「救兵？」
「我同小孟，如果唔係我哋兩個及時出現，你死撚左啦。」
「多謝晒...」
「唔使多謝我，其實主要係小孟打。」
「佢哋呢？」
「落左去買嘢食。」
我望向四周，除了我的一張病床以外，還有很多張病床，但住院率不是很高，基本上只有我的這張床有人。
「呢間咩醫院？」我問。
「黑市醫院。」
「下？」
「我哋而家販毒架，唔通去排急症咩？仲有啊，當時如果去排急症你死撚左啦，你全身冇一個地方唔骨折。」軒說得頭頭是道。
反而這間醫院一個人都冇，如果平常的市民都可以送過來這邊的話，肯定可以救活很多因為醫療疏忽而死的病人。
「我瞓咗幾耐？」
「半個月啦...」
「你地三個一直喺度？」我大受感動。
「你都痴撚線，送完你過嚟醫院我哋走左啦。醫生啱啱打俾我哋，話你似乎有蘇醒嘅跡象，我哋先過嚟睇吓你咋。」沒事了，我收回感動。
「個比賽呢？我哋係咪出咗局？」我突然驚醒，想起自己為什麼會躺在這裏。
「Nonono，小孟識一啲社團嘅朋友，叫佢哋幫手賣晒剩低嗰啲可卡因，我哋勉強排尾二，唔使輸。」軒說。
「一早咁樣駛乜搞咁煩...」
「嗰啲所謂社團嘅朋友，唔係小孟真係好熟嘅朋友，佢又求人又拜人，對方先肯幫我地接收嗰啲貨，而且利潤只係得好少。」軒說，「如果一開始佢提出嘅話，你一定唔肯。」
「喂，你而家使唔使句句幫住晒佢？同人上咗床？」我說。
「冇啊！！！不過佢係好人嚟㗎，好人嘅意思，即係對我地好。」他面紅耳赤。
「細佬你唔好咁單純，小心俾人利用。」
「佢都有份救你嫁，唔係你以為我真係一個打100個南亞人？」他說。
「350克嘅可卡因，如果利潤少嘅話，我哋有咩可能唔輸比賽？」我不明白。
「我哋當然唔係咁笨柒，仲唔吸收到教訓咩？我哋喺啲可卡因入面，又溝玻璃碎、又溝辣椒粉，仲有少少老鼠藥，班道友食得仲開心啦。佢哋傻㗎。」
「你哋有道理...」
「就係咁， 350克，我哋整到變返1公斤。透過社團平價咁樣拎去賣，班道友不知幾開心。」
「的確係。」
我之前用得太過理性的方法去推敲道友的行為，但需知道人類也不一定有邏輯可以，就算正常人也是喜歡淘寶貨多過正版東西，更何況是眼中只有毒品的窮道友？
就在我陷入思考之際，小孟和航拿着飯盒回來了。
「好肚餓呀！！！」我興奮地說，「係咪我最鍾意食嘅燒肉雞飯？」
「你冇得食呀。」小孟冷冷的拋出一句。
「你全身都係繃帶，你唔係覺得你唔使戒口呀？」航落井下石。
「食粥。」小孟把粥放到我的跟前。
「皮蛋瘦肉粥都唔錯...」我一打開，白粥。
「你哋泯滅人性...」我心灰意冷的吃着白粥。
「你執返條命呀。」航說。
「喂。」我用筷子篤一篤坐在旁邊的小孟。
她一邊吃着炒麵，一邊望過來。
「聽講你救左我...多謝晒。」
「...」
她選擇保持沉默，繼續吃她的炒麵。
「死八...」
算，我忍你。我用強大的自制力阻止了一場命案。我才22歲，不想這麼快命喪黃泉。
「係啦，灰鷺有冇講啲咩？」
「有，下一個回合係隊際淘汰賽。」航說。
「依家我哋得返八隊，佢想下一回合之後，會得返四隊16個人，所以下一個回合係1 on 1，一team打一team。輸咗就冇得留低。」軒接力。
「灰鷺話下一個回合係最後嘅淘汰賽，剩低落嚟嘅16個人，就可以永遠咁樣留喺公司，正式了解公司嘅運作。就好似通過考試咁樣。」航說。
「我哋嘅對手係？」
「我哋上次係以最後一名第八名通關，所以今次嘅對手係第一名，亦即係蘭桂坊嗰一晚俾你提早衝線嘅嗰四位參賽者。」
「燒山、奇哥、夏娃，仲有波波仔...」
他們四個在第一場試煉當中取得頭四位衝線的成績，他們本來是有自行挑選隊友的機會，但為了之後可以順利贏出比賽，他們四個選擇自行組成一隊。
看來在第二場試煉當中，他們也取得佳績，是非常強大的對手。
「知唔知佢哋今次係點贏？」我問。
「夏娃係社團大佬嘅女，基本上佢哋唔需要做任何野，就獲得150萬嘅收入。」小孟說。
150萬...比市值120萬還要多出25%。
「好棘手。」我說。
「相當棘手。」小孟說。
「阿軒話，我哋上次啲貨都係搵社團搞掂。就係夏娃嗰個社團？」
「當然唔係，佢哋點會幫我地。」小孟開始解釋着，我們三兄弟細心的聽眼前的這個女人說。
「香港本來主要劃分為五大社團。西九龍南亞幫、東九龍十四太保，新界西和果子、新界東天地會，港島區就係福頭幫。」
太複雜了，如果香港有五大社團，那麼這本小說的世界觀一定很複雜，大概花100萬字也不可能完全解釋。這樣的話，故事一定會爛尾，又或者有些角色只提了名字，但是完全沒有解釋背後的故事。
小孟好像有讀心術一樣，說：「南亞幫早兩年吞併左十四太保，天地會又吞併左和果子。」
「所以而家香港基本上淨係得返三大社團：天地會、南亞幫、福頭幫。基本上香港嘅毒品分銷市場就係依靠佢哋。」