[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 三，香港不夜城的暴走（下）

「如果我哋有呼喚警察嘅能力，換言之即係喺緝毒組入面有我地嘅人。如果係咁嘅話，我哋要安全咁樣避開警察進行重磅交易，根本就係易如反掌。何必浪費人力物力？」
 
的確如此。
 
「我哋並唔係有任何重磅嘅交易。今晚，對我地執行部來講最重要嘅任務，的確就係你哋200個人。」
 
「發放消息，令呢班警察傾巢而出，最主要嘅目的係要大量咁樣削減進入下一輪訓練嘅MT人數，我哋冇時間以及人力物力可以訓練咁多人。」
 
「捱唔過今晚，冇辦法進入到下輪訓練嘅選手，可以證明到兩點。一，佢哋係垃圾。二，佢哋並唔係警察派入嚟嘅臥底。但即使佢哋唔係臥底，因為佢哋係垃圾，所以亦都冇保留嘅必要。」
 


「相反，就好似你地三個咁，成功避開警察嘅耳目，又或者用接近犯規嘅方法完成今日嘅任務，代表你哋一係絕頂聰明，係我哋想要嘅人才，但係同時代表你哋有作為臥底嘅嫌疑。」
 
「無論係兩者邊種情況都好，都值得我哋執行部多多關照。請你體諒我哋必須小心。如果你覺得呢種篩選嘅方式有所冒犯嘅話，我向你道歉。」灰鷺說。
 
「當然，如果你仲有疑問嘅話...歡迎你繼續提出。」
 
「...冇問題。」我說。
「喂，Peter你係咪傻撚咗呀？」航擔心地說，「快啲講對唔住啦，唔好累死我哋。」
 
「對唔住大佬，我哋會好好睇住我哋隊友㗎啦。」他們兩個同聲同氣。


 
我們靜靜的在現場等待，大約再過多幾個小時，已經是凌晨五時多，現場大約有40多人。
 
「已經接近半個小時冇人返嚟。辛苦晒咁多位漫長嘅等待。」灰鷺說。
 
「總共有43位嘅選手返到嚟，好可惜嘅係，當中只有32人喺販賣毒品嘅過程冇犯規。有九位選手搵唔到買家，就隨便將可卡因掉走，然後拎錢敷衍我。因為過程無用其他任何人達成協議，我哋會將呢種行為當為『賣比自己』。」
 
好可怕，明明我們散落在不同的地方做交易，但他們居然可以對於所有參賽者的一舉一動瞭如指掌，這個組織完全不可以輕視。大概各個區域都有他們的線人...實力很驚人，比起以前宿舍的舍堂比賽內的所有對手更難纏。
 
「唔好意思，我哋冇辦法接受唔遵守守則嘅員工，唯有請你地離開。」灰鷺呼喚身後的其他執行部幹部。


 
他們四、五個人用迅雷不及掩耳的速度，走到我們當中其中九個人面前，然後在1秒間，九個人全部倒下。
 
我完全看不見他們的動作，只見九個活生生的人變為屍體，屍體的頸部瘋狂的爆出血液，甚至沒有隨着他們心臟停止跳動而減慢。
 
「其他嘅人，你哋而家會分為九組。四人一組，剛才五個最先返到嚟嘅選手為 燒山、奇哥、夏娃、波波仔，仲有... 杜Peter。」
 
「你哋可以隨便揀選你哋嘅組員。剩低嘅人會由我地分配。」
 
自由分組...糟糕了，讀書這18年間，我最討厭的活動。分組的時候總是會剩下我一個，不，這是不同，這是我終於有權選擇我的隊友。
 
「啊...軒啊...都識咗咁多年啦。」
「所以呢，大佬？」
「咁不如...」



「下？」
「咁不如我哋一組？」
「你咪玩啦...你本身唔諗住同我一組嘅咩？」
 
很好，有了第一個隊友！
 
「喂... Peter... 其實我都...」航低着頭說，看來他跟我一樣都有分組困難症。
「係...點啊Leo，啊...你...」
「不如我哋...」

「嗯...」
「咁...」
「下？...」

「你可唔可以同我...一組？不過如果你介意嘅話，都可以唔使...」他幾經辛苦，終於開了口！


 
「...好啊。哈，好高興同你一組，希望你唔係free rider。」
 
幾經辛苦，終於有第二位組員了！還差一位！
 
我望向遠處，與一個黑頭髮的女孩四目交投，她拖着輕輕的身體走過來。她扎了一條辮，帶有一種冷艷的眼神，化了淡妝，但皮膚本來就沒有一絲瑕疵，看得出來是即使素顏都會很漂亮的女孩。
 
「啊...你...」我...
「一組？」她爽快地問。
 
「好，我叫杜Peter，或者你叫我做Peter都可以，佢地分別係Leo 同John。希望我哋可以成為愉快嘅組合，咁樣present嘅時候，灰鷺可能會比高嘅分數我哋。爆4！Yeah！」
 
「小孟。」她只拋下兩隻字，整天晚上就再沒有說過話。
 
灰鷺叫我們留下個人資料、銀行帳戶等，他說很快便會安排我們工資有關的事宜，叫我們不要着急。


 
一個月後再見。他冷冷的說。
 
幾天後，我收到了一封信，是「長江建材有限公司」的錄用通知信，月薪35000。我想起在他們公司的不愉快經歷。
 
「仆你個街，死八婆HR。而家未又係要請我，人工仲高咁多添。故事教訓你唔好睇小我啊！下次見到你，我就喺你Office屙屎。」我在家中自言自語。
 
這個月我沒有怠慢自己，從軒口中得知，原來《掃毒》以及《毒戰》也有涉獵有關毒品的題材，我專心研究了這些電影好幾遍。後來發現有點浪費時間，因為這些是合拍電影，為了通過中國大陸的檢測，毒品幾乎沒有出現在這兩套電影當中，而且警察必勝。作為未來大毒梟，怎麼可能長他人志氣滅自己威風？
 
因此最終我還是把精力放在《Breaking Bad》上，不知道公司的業務有沒有涉獵冰毒？看起來有點可怕，還是大麻比較好，我在網上討論區知道，大麻原來是沒有害的！
 
除此之外，我每天都花一點時間，去醫院探望病倒的娘親。
 
「娘親，我今日煲咗湯俾你飲。鱷魚肉煲豬肺，血氣運行會好啲㗎。」我摸著她冰冷的手說。
 


「傻仔，有錢留返比自己洗啦，鱷魚肉都係貴野，下次唔使咁破費啦。」
 
「我啲錢唔俾你洗比邊個？你放心啦阿媽，我依家畢業搵錢㗎啦，好快就有錢俾你去美國睇醫生。」
 
「叻仔，你咁快...咳咳，搵到工啦？」
「都唔叻，就快三個月啦。不過呢份工前景好似唔錯，人工好高，有$35,000一個月。」
 
「衰仔，係唔係啲犯法野嚟㗎，人工有咁高嘅咩？阿媽，咳咳，咳咳...聽講大學生畢業得萬幾蚊嘅咋喎...」
 
「唔係呀，呢啲係MT program，剩係得天之驕子可以入，我就係其中一個。所以你放心啦，好快會冇事。娘親，你快啲飲啖水啦...」
 
我拿着暖水壺，給娘親倒了一杯暖水。她一邊咳著，一邊的用顫抖的雙手拿著水杯。
 
「阿媽，你等我呀。捱多一陣就得㗎啦。」
 
無論面對任何困難，我都會在職場上努力面對，我一定會得到上司的青睞，沒錯，我可以扶搖直上。娘親，這20年來辛苦你了。我們兩母子的未來就交給我來打併吧！