[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 一，嘉誠人力資源有限公司（中）
兩日之後，風和日麗的日子。我懷著小學生去旅行興致勃勃的心情，從元朗坐上巴士前往觀塘。
接近34度的高溫，完全無礙我興奮的心情，選項A或者選項B都正合我意。一想到電話中的溫柔女聲，我便興奮莫名，今早還特意自慰三次了才出門，便得待會失禮人前。
「咁鬼難搵...」我汗流浹背的自言自語。
花了大半小時，我才在觀塘工業區找到福壽大廈。我從來也沒有來過這裏，對於工業區的認識，除了小學四年級學過工廠北移的原因之外，就是Dear Jane 《哪裏只得我共你》三部曲的MV。
我進入貨用升降機內，按下13樓，升降機轟隆轟隆的運著我和身旁的送貨工人上去。我記得娘親在我小時候曾經說過，「細時唔讀書，大個做運輸」，又說進了大學就是大學生，從此飛黃騰達，不用再擔心。
我一直將這兩句說話銘記於心，因此很努力考DSE，28分進了中大，然後開始沒有再學過任何書本上的東西。大概上一代人長大之後有95%都沒有讀大學，所以他們不知道上了大學也要繼續努力讀書，而我當然也不知道。事實是，大學不讀書，運輸也不會輪到你做。
說起娘親，最近她進了醫院，白血病第三期。醫生說要用先進的療法去美國醫治，才有機會可以痊愈。想到這裏我就想要跳樓，除非可以進HSBC的Management Trainee Program，不然我怎麼可能可以在一年之內儲到足夠的錢。自幼與娘親相依為命，少了她，我也不想活了。
到了12樓，升降機稍為停下，送貨工人推著一大堆大牛龜舊式電視出去。這個年代，誰他媽的買這種電視，還要買這麼多部，肯定是在住了一群50年代的瘋子，又或者用來佈置「密室逃脫」的房間，營造氣氛。待會可以去走走看，如果真的有「密室逃脫」的話，應該會貼出招聘廣告。
13樓，升降機門打開。
「H室，H室，H室...」我逐個房間檢查着。
「冇嘅喂？」
「A, B, C, D, E, F, G...真係冇H喎大佬。」
我致電給航。
「玩嘢咩屌你，大熱天時攞啲咁嘅嘢來玩。」
「乜鳩呀？」
「十三邊有H室啊？」
「都唔知你講乜鳩。」他掛掉電話。
啊，原來不是他們，有點失望。看來我的生日驚喜還要推遲一點。不過現在確定是HR姐姐想要約炮，那當然不可以不赴約。
眼看時間快要來到三時，約炮怎可以遲到？第一次見面就留下壞印象，又如何要求別人嫁給自己？我燃點起內心的小宇宙...13h...十三h...對了！她指的是十樓的3h室。
我想也不想，沖下十樓，千鈞一髮的在三時前一分鐘，按下3H的門鈴。
「Dee...咔嚓。」幾層的電子鎖逐漸打開，我看見電子門的四周佈滿了監視器，心中有一種不祥的預感。
我戰戰兢兢的走進門內，是一間裝修非常現代化的公司，Pantry是那種Google式開放式管理，有很多糕點、飲品讓人隨便拿走，只是公司內並沒有太多人。不，應該說是完全沒有人。
「Hello？有冇人啊？」我大叫，隨手拿起幾件Cup Cake吃了起來。
突然，公司內傳來一把聲音，有點像以前在中學訓導主任中央咪的廣播。
「hello， Peter。」是那把在電話內的溫柔女聲。
「搞咩啊，Jigsaw啊？恐懼斗室啊？Do you want to play a game?」我裝着Jigsaw的聲音。
「你係被挑選中嘅人。恭喜你啱啱已經通過左第一個測試。」女聲說。
「而家玩數碼暴龍？快啲出嚟啦！」我有點不滿。
「我叫Avgle。」女孩說。
「乜鬼嘢名嚟㗎，我叫Thisav啊。」我笑著回應。
「為咗保障自己，我係唔會係你面前顯露真身。當然都係為咗保障你，見到我個樣嘅話，唔會有好結果。」她說。
「...」這樣就代表我約炮的夢想破滅了。
「咁我哋開始入正題。」
「哦。」我沒精打采的聽她說。
「我哋係跨國毒品集團。依家只係起始嘅階段，你可以叫我地係一間Start-up，幕後老細投資左好多錢，希望我哋可以取代舊有嗰一堆毒品集團，成為新嘅行業龍頭。」
「哦...但你哋憑咩？」我出奇地冷靜，大概是因為早上自慰了三次，所以有點精神恍惚，沒有太大反應。
「所以我哋想招攬唔同嘅人才。」
「我係人才？我GPA 得1.4...」
「我哋對你做過background check。無錯，你大學時期既成績分數係好低，不過你DSE嘅成績其實唔算差，如果唔係都入唔到中大。」
「你嘅分析有道理，的確係咁...」我想不到有人竟然會體諒我這一點，我有點感動，即使對方是恐怖的毒品集團都好。
「而且你呢種人肯定入唔到大公司做嘢，搵份工又淨係得雞碎咁多。所以先會有誘因會加入我哋，你諗下，如果你本身已經係國際投資銀行嘅培訓對象，點解你要加入毒品集團？所以我哋只可以Target你呢種高不成低不就嘅人人。」她說。
「...」我頓時收回我所有的感動，「你言下之意，即係你地出手嘅人工好高？」
「$35,000一個月，兩年嘅培訓時間，兩年後$60000一個月再加performance bonus。」她直截了當，「我就算當你搵到工，你至少都要捱返六七年先會有$35000呢個咁嘅價錢。」
「你有你嘅道理，但係呢份係高風險嘅工作，一坐監人生就玩完。你可唔可以講解下工作內容？」我從來沒有想過要加入毒品集團，但說到底，錢亦是一個很重要的因素。
「你覺得毒品集團主要有咩業務？」她考我。
「應該不外乎製毒、運毒同埋散貨？」我沒有信心的反問。
「最基本係咁樣，但係其實當中有好多細節嘅工作。種植、採購、物流、生產加工、品質鑒定、保安、買賣，環環相扣，缺一不可，成個過程牽涉嘅人其實好多。至於我哋公司，除咗種植同埋品質鑒定會外判之外，其他都會一手包辦。當然，所謂一手包辦其實都係會牽涉集團以外嘅人。」她一口氣說了很多東西。
「仲有，除咗傳統毒品集團有嘅嘢，我哋仲有行政部、財政部、法律部、宣傳部、執行部，當然仲有我隸屬嘅人事部，根據職責，由唔同嘅部門負責管理啱啱所講嘅幾個工序。當然如果你決定加入我哋，」她說。
「宣傳部？唔係啩，販毒都可以賣廣告？例如叫啲人食毒品？」我問。
「正好相反。例如我哋會派人混入政黨，利用群眾壓力，要求政府立法禁止市民吸毒，將吸毒呢個行為非法化。」
「我明啦。咁樣到時吸過毒嘅人就唔敢去戒毒所，降低美沙酮嘅需求，再增加毒品嘅需求。因為兩者係替代品。」
「果然有慧根。」她稱讚我，我有點得意洋洋。
「如果我做咗呢份工，我會係負責咩職位？」
「你會係我哋今年嘅Management Trainee，我諗係你夢寐以求嘅工作。」
一聽到MT這個職位，我雙眼發光。看到那些在大學內又笨又悶的人，都可以覓得好好的工作，我這種絕頂聰明的人，竟然淪落得要求那些八婆HR可憐一下我，給我一份工作，想起來就覺得生氣。這個跨國集團，雖然不是什麼能夠見得光的事，但至少他們在某種意義上欣賞我這個人。
不過，確實是一個很重要的決定...