[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 一，嘉誠人力資源有限公司（上）

畢業了，在紅葉落下的季節。就這樣渾渾噩噩的過了四年，其他同學都老早拿到了Offer，去什麼大公司磨拳擦掌、躍躍欲試，相較起來，我完全沒有任何準備。
 
一覺醒來的那天是5月20日。我考完最後的Final，雖然整份卷基本上有一半也是亂寫的，但要在香港的大學內有學分不合格，比起想要進大學更加難。那些教畜怎可能會為你這個小畜生寫報告？
 
從試場走出來的一刻，我馬上想著要怎麼好好浪費掉四個月的暑假，跟在旁邊的兩個大學好友軒和航研究着要去那裡旅行，在ig填滿「#流浪」、「#出走」的Hashtag。
 
「去泰國尋找自我，展開一段驚世駭俗嘅尋根之旅。你兩個點睇？」我興奮地說。
 
「根你老母，Grad啦，瞓撚醒未？」軒說。
「係喎...冇暑假啦喎。」一言驚醒夢中人。


 
「睇你兩個都未搵到工㗎啦，我搵到啦。」航笑着說，「保險公司琴日請咗我，佢話覺得我一表人才，如果唔做sales，簡直係保險界嘅損失，一見完工，我都未行到出門口，個HR就打電話俾我話請我做，睇怕佢真係好驚冇左我...」
 
「係呢，你兩個覺唔覺得人生無常，最好買返份...」航搭著我和軒的肩膀說。
 
「屌，死開啦！！！」我們兩個馬上彈開九丈遠。
 
由那天起的兩個月，我一直不停Send出自己的CV，報了至少兩百間公司，只有一成有回音，更只有一成中的一成有給予我面試的機會。而當中，大部分只都是想要見見我，甚至奚落我。
 
「啊...Peter 係咪啊？」戴眼鏡、穿黑絲，正值狼虎之年的HR問。


 
「係啊，你好。咁我呢就係中大BBA今年嘅畢業生...自細嘅夢想都係要從事金融業，中學嘅時候已經經常考察倫敦方面金屬買賣嘅業務...大學亦都曾經試過短線投資賺咗20倍。唔講遠嘅，就講上個星期利物浦對巴塞隆拿嗰場比賽...」
 
「得啦，唔使講。」八婆輕托眼鏡，說：「請得Management Trainee，至少都要Second Up畢業啦，你GPA得1.4...如果唔係我個下屬睇錯咗係4.1，你連行入我地公司都唔使。」
 
「知唔知點解佢會睇錯？因為我諗10年都唔會有一個得1.4嘅人Apply我地公司...」她繼續說。
 
「收爹啦八婆，你哋叫『長江建材有限公司』，賣木頭嘅咋，你以為『長江實業』賣磚頭啊，你老母嘥鳩我時間！」
 
當然我沒有這樣說。


 
「係嘅係嘅，唔好意思呀。但係我真係好有才能㗎...例如我可以...」
 
「明㗎啦，睇你嘅成績都知你喺宿舍學咗好多嘢。循例問吓啦，你Expected Salary幾多？」她說。
 
「我諗15000蚊啦...因為我見依家平均大學畢業生起薪點都係差唔多。不過我唔介意咁低，我好勤力咩都可以做，由低做起都可以，我相信好快有人會賞識我加我人工！」
 
「15000蚊？你講笑下話。正常畢業生15000蚊我都覺得有少少多，請你？成績扣兩千，冇工作經驗扣兩千，樣衰扣多兩千，太有自信扣你一千啦。8000蚊啦。」
 
「成績都算啦，間間公司都話要有工作經驗，冇人請點樣有工作經驗啊？」我懊惱的問。
 
「關我咩事呀？我係你老母呀？仲有呀，你望夠我對黑絲未啊？」HR說完之後，便打電話叫保安拉我走。
 
「我邊有呀八婆！你侮辱我都算，唔准侮辱我嘅口味！！！」我一邊大叫，一邊被保安拖走。
 


然後就這樣到了七月，盛夏的日子。我又收到另一間公司的電話。
 
「喂，你好？」
「你好，請問係咪Peter To，杜Peter？」對方是一把很溫柔的女聲，年紀大概不會比我大。
 
「係啊，請問邊位？」
「我哋係『嘉誠人力資源有限公司』，想約你interview。」
「下，我GPA 1.4啊，你sure你對我有興趣？我唔想再俾人侮辱啦...」我已經開始變得有點自暴自棄。
 
「係呀，歡迎你。請問你後日嘅晏晝3點有冇時間，我哋會安排一次面試，基本上係單對單嘅HR interview，大約需時兩個小時，有冇問題？」她細心的問。
 
「好好好，冇問題。」既然她都這樣說了，我當然也不可能推搪，反正我除了在PS4上玩Witcher3之外，也沒事可以做。
 
「地點係觀塘福壽大廈，十三H室。到時見！」
「後日見。」


「咔嚓。」她迅速掛線，通訊時間不超過一分鐘。
 
短短的一分鐘，有兩件事令我覺得很奇怪。
 
第一，這個並不是普通的撥號來電，她是用WhatsApp上的通話功能致電給我的，這種情況在招聘上並不常見，不，應該是說完全沒有試過有這種情況。
 
因為如果要在WhatsApp上通話，就一定要先把我的電話號碼加進聯絡人，然後才可以致電給我，但這種方法非常費時亦不合乎常理。
 
正常的一份工應徵者動輒數十人，要全部加進聯絡人，本來就不合乎成本效益，而且正常HR要通知候選人來面試的話，應該是要用公司電話的，而用WhatsApp就必須用個人電話號碼，因此這個做法非常罕見。
 
第二，她說的話簡短而且缺乏周詳，甚至完全沒有通知和簡介我應徵工作的內容，只是單純告訴我面試的地點和時間。
 
我馬上上網查了一下這間『嘉誠人力資源有限公司』的底細，發現除了幾個招聘網站上有他們的廣告外，近乎完全沒有有關他們的資訊。他們請的是「Management Trainee」，但有沒有說明實質的工作內容。
 
由於我大部份時間在招聘網站上都是亂按Apply，所以我沒有印象自己到底有沒有申請過他們的職位。


 
至於福壽大廈就更加奇怪，這棟大廈是普通的觀塘舊式工廈，但根本沒有有關13樓H室的資料。
 
由以上兩個疑點推斷，我得出兩個最可能和合理的結論：
 
A. 「HR姐姐」大概是在甚麼場合見過我，我想最有可能應該是在我去其他公司面試的時候看中我，大概是想跟我約炮，性交轉運。而福壽大廈13樓H室就是出租炮房，因此網上沒有寫明。從WhatsApp上的照片看來，她是一個性感尤物，火辣非常，肯定是說話冷酷，但內裏熱情如火的類型。嗚啊。
 
B. 對了！之前過生日沒有人跟我慶祝，一定是軒和航兩個混球想要給我生日驚喜。他們想要在工廈Party Room舉辦一個盛大的宴會，肯定請了不少以前的朋友和美女，嘿嘿。雖然我的生日已經過了兩個月，我勉為其難接受吧。
 
到底是哪一個？沒所謂，反正都是開心快樂的事。隨便吧，反正這個「面試」我去定了！