[高中][少甜]《如陽光伴我》: 三十三，尋陽冒險記（中）

遊客有點太多了，令人有點煩瑣的感覺，動畫內的言葉之庭旁邊為何都沒有人。離開御苑，我走到對面的一間充滿西方懷舊氣息的咖啡室，點了一個小份量的日式扁意粉，隨便吃過，又坐了一會，咖啡室的人不多，人都只是在閒聊或各自低頭低著電腦工作，也幾乎沒有遊客。大概沒有太多人去日本旅行時會去西式咖啡室坐吧。在這寧靜的環境，我讀了一會兒村上的《尋羊冒險記》。大概要像男主角一樣找到羊男，才可以找到象徵生命的那件事。
 
離開後咖啡室都沒其他事好做，我走進了一間世嘉，兌換了幾千日圓，找了一部灣岸機，就開始瘋狂的玩了起來。對大部分男生而言，走進遊戲內總是可以暫時放開生活的種種煩惱。我自從畢業後就沒有再玩過LOL了，像灣岸、頭D、街霸這種街機卻怎樣也玩不厭。沒有人暴戾的在互相攻擊、指罵，只有自己一個走進那個比現實更現實的世界。
 
不知過了幾個小時，晴致電給我，我走出世嘉外接聽。
 
「喂！大蠢材，你到咗未啊？」她興奮的問。
「大約三點嘅時候到埗。你呢兩日過成點？」

「好精彩呀，今日去咗一間日本高中交流，嗰啲着黑色恤衫西褲嘅日本高中生呢，見到幾個超級靚仔，靚仔過你啊！佢地仲對住我笑，一定係覺得我好吸引！」她說。



「哦。」
「『哦。』，就咁咋？冇架啦？」

「啊，咁唔係點？」

「『詩晴啊，你唔好離開我呀，雖然我唔靚仔，又乞人憎，不過我會對你好好㗎，同埋我識講廣東話，啲日本仔唔識㗎！』」她說。

「...」我沉默。



「你快啲跟住講一次！快啲啊！」她說。
「我好靚仔。」我說。
「衰人！咁靚仔你依家喺邊啊？」

「新宿。」
「你嚟搵我呀？但係我今日唔出得街。」
「我其實咁啱經過。喺世嘉打緊機。」

「我住喺XOO酒店，都係喺附近，你快啲過嚟啦打聲招呼啦！」她半命令的說。



「啊，我唔識路。」
「我教你行啦...」
「你知世嘉喺邊？」

「頭先我地返酒店既時候有經過到嫁！一早估到你一定會忍唔住入去嫁啦！」
「點會？」我說。

「你呢個人，自己一個一定唔會話要去咩景點咩景點嫁啦，但留喺酒店又好悶好無聊，咁仲唔係去左機鋪！」
「啊，好強大既推理能力。」我佩服。

「少少勁啦，唔多！我比你想像中了解你嫁。」
「真係？」
「嗯嗯！你快啲過嚟啦仲講！」

我跟着她的指示，真的去到她遊學團住的酒店，準確的提示讓我不知道她是不是對着地圖說。是一間低棟式酒店，只有幾層高。當然，日本高棟大廈本身就很少，聽說都是為了地震時減低傷亡而建，想起311大地震時我還只是一個高中生，現在已經大學畢業了…這幾天大概不會地震吧。