[高中][少甜]《如陽光伴我》: 二十五，三個願望（下）

回來幾天，我開始恢復了工作，橙也開始變得像未出走前一樣活躍起來。她比以前乖了一點，也沒有再離開過家中半步，甚至比以前更親近我，只是她喵聲叫的方法好像有點不同了。
 
「你係唔係有野隱瞞我？」我問。她坐在我的大脾上看著電視，沒有回應。當然，她就是橙沒有錯，她身上的每片花紋，顏色、分布我都可以記起來，只是單純的變乖了。
 
電話響了起來，已經過了辦公時間，起初我不打算理會。但過了幾秒後，我認得這種響聲應該是詩晴的來電。
「喂？」她說。
「我喺到。」我說。
「我收到你既信。」她續說。

「嗯…」


「151字既道歉信，你都幾懶嫁喎。」她有點生氣的說。
我唔係道歉，我想說，然後又話話放回肚中。

「你試下講埋嗰啲令人想打死你既說話，我收線嫁！」她說：「我就快要考試啦，唔想衰俾人睇。你仲想唔想幫我補習？」
「想。」我肯定的說。
「不過有條件。」她認真的說。

「條件？」我不解的問道。
「我俾你幫我補番習，不過有條件！」她孩子氣的說：「你要滿足我三個願望，就算係咩都要應承。」



「就算係打劫銀行都要應承？」
「就算係打劫銀行都要應承！呢個係對你唔珍惜好朋友既懲罰。」

「…睇怕我只可以say yes。」事實上我也不知道為甚麼我要答應。
「第一個願望係，從聽日開始，每日你都要同我分享一樣有關你既事。」她說。

「例如？」
「例如你鐘意食既野、你討厭既人、你過去經歷既有趣事、你既屋企人朋友情人。唔准講大話！」
「…我覺得同其他人講呢啲野好奇怪…」我有點難為的說。



「咁算啦，我惟有當無左你呢個朋友啦…唉…」
「喂！」我有點緊張的說。

「拿你決定啦，我唔逼你啦」她笑著說：「如果你應承既話，咁照舊星期六兩點喺錦上路站等？」她問我。
「呢個係第二個願望？」

「你就想啊衰人！」
「啊，好難。」

「咁你意下如何？」她笑著說。
「嗯，我會努力...」

「我悉目以待！記住啦，每日都要講啊！好啦，星期六見啦。Bye-Bye 大哥哥！」
「喂...」她說完便掛掉電話，我沒有跟她討價還價的機會，也沒有時間告訴她橙已經尋回。
 


如果佢知道你返左屋企，一定會好開心，我對橙說。
橙呆呆的看著電視，沒有想要回應我的意思。奇怪的電視節目在訪問精神病人為甚麼要做出異於常人的行為。