[高中][少甜]《如陽光伴我》: 十九，在沒有水果的陰天（上）

我送晴回家那晚之後，她就開始沒有主動找我。

好像突然從我的世界裡消失了一樣。WhatsApp 依舊有上線，只是沒有找我。Instagram 也沒有任何更新。我有想過要主動聯絡她，只是很快又打消了這種念頭。

大概她開始討厭我，又可能找了另外一個更好的補習老師。我想。

收到她的消息大概是在兩個星期之後，她給我寄來一封信，信上有她的回郵地址。

//
大哥哥，



好耐冇見。
其實唔係好耐，大約兩個星期？但對我嚟講就好似過咗一段好長好長嘅時間咁。

好多謝你嗰一晚陪左我咁耐，我喊既時候好醜樣係唔係呢？可能因為咁，所以我鐘意笑多啲。希望你可以忘記我個喊樣啦！

呢兩個星期，我每日每夜都諗，如果我早幾年出世就好啦，最好就係住喺元朗，同你讀同一間中學，咁樣既話，你會唔會有可能鐘意我呢？又可能如果我同你同年既話，會好憎你，覺得你扮曬野、扮cool唔講野，其實只係想引起女仔注意。

我唔係示愛，你千祈唔好誤會！我只係對你呢隻咁奇怪既物體有好奇怪既感覺。唔係想佔有你嗰種，而係想知你到底諗緊咩。到底我喺你個心有無一個特別既位置呢？到底你喺夜深既時候會唔會諗起嗰個住喺調頸嶺既蠢材，睇下佢呢排點、有無唔開心，然後打俾佢呢？



不過我而家知道答案嘮。你同我既關係，只係補習阿sir同普通學生，除此之外，你根本唔著緊我，只要我唔搵你，你都唔會搵我。其實一直都係咁嫁啦，只係我搞錯左少少少少少對你既感覺。無辦法啦！16歲學生妹見到22歲大學生哥哥總會有少少傾慕，如果連呢啲感覺你都呃唔到，咁你應該就要檢討下啦...

話說，兩星期前嗰晚之後嗰日，我就同前度講左分手啦！佢都無好介意，反正我知道佢一直都有追其他女仔。佢話，分手唔緊要，唔好俾我知道你同第二個男同學拍拖，唔係就會周圍同人講我係雞，去討論區貼我既相（放心，無閃卡嫁！）。天啊，到底係點解會有咁既人…

無論如何，我知道你唔喜歡我。你心入面有個好喜歡好喜歡既女仔，我知道，係我嘅直覺。咁所以我都唔喜歡你。你記住記住記住，我唔喜歡你。

我想講嘅嘢講完啦。我暫時唔會搵你，你都千祈唔好搵我，街上面見到我都請你扮唔識我。不過我唔係唔再補習，到適當嘅時候我就會搵你。

P.S. 封信有少少亂，中文唔好，請見諒！
P.S. P.S. 我會記得還返睇戲件外套俾你嫁，放心！



晴
//

我把信重複讀了又讀。坐在梳化上，閉上眼。

我想起她在我胸膛上哭泣的樣子，又想起她說的話，想起她想要的愛情。她說得沒錯，我心內有另外一個女孩，我大概永遠也沒辦法放下的一個人。
 
我對詩晴大概像兄妹一樣？想她開心、快樂，找到自己的夢想。她是我的正能量，在她的鼓勵下我生命的色彩多了很多很多。這真的全是她的功勞。這是不是愛情我不太清楚，我沒有喜歡過太多的女孩子。對詩晴，我完全沒有想跟她睡的感覺，但見到她哭的時候卻有那種心痛的感覺。這種感覺有點跟我對心如的那種相似，但又有點不同。我無法找到合適的形容詞。
 
「我應該要點做？」我想要問橙。

但橙不在，晴也不在。
 
我撥了電話給她。我真的不能說一些甚麼，保證一些甚麼，但我也不能甚麼也不說不做不問。我也有一些話想要跟她說。


 
沒有人接聽。那些等待的響聲就跟我的心一樣沉重。她的心情應該只能比我更差吧，我想。
在街上看到她也請裝作不認識，她這樣說。
 大概我也需要一點時間。我想起了在沖繩工作的好友軒，然後立馬取消未來一周所有工作，再訂了明天前往沖繩的機票。