《106與她的邂逅》: 後記 無可疑

警告：本章節含有「適當」嘅粗口，同埋含有真•香港人的黃色成分。藍屍嘅你，可以唔使睇呢個章節，因為，我願榮光歸香港。
-
「希望有好心人見到呢封信唔好嚇親，我只係嚟報夢。好人一生平安。」
-
一向出名揸得快嘅肥車手澄叔，喺灣仔北總站食飯期間喺某架巴士休息時，喺樓上車尾見到一封摺皺咗嘅信。澄叔打開嚟睇
-
「地府QR code，睇信最方便！」
-
呢句唔押韻嘅句子，同一個QR code，封信咁就完咗。澄叔嚇一嚇，懵下懵下又拎咗部祖國特產-華唯P30 Pro出嚟scan。
-




「妖！」
-
澄叔妖咗一聲，原來唔記得咗華唯上唔到外國勢力Google，睇唔到封信。
-
「我一直都好愛國，只係心藏不露啫。」
-
澄叔攞部生果牌手機出嚟scan，叫14億玻璃心情何以堪呢。
-
『
致好心人：我張封信偷偷放喺巴士車廂，見到嘅唔係乘客，就係司機，一係俾清潔嬸嬸掃走。也許而家嘅你有住「你有冇諗過我想唔想知」嘅心態，不過我都想你抽空睇下。




-
時光總不留人，難得過去幸運。今日係情人節。九個月喇，仲記得嗰個上咗A1頭版嘅小妹嗎？唔記得仲好，我都唔想你哋記得我。經過社會運動，至少希望你冇忘記周同學、陳同學，善忘嘅你。我嘅死確實無可疑，但最可疑係有人嘅死明明好有可疑，卻俾警察話無可疑。很抱歉我喺巴士破窗跳橋自殺不完美，當時我在世嘅留戀令人間同地府混合，搞到不斷有人誤闖地府。懷念夠，變放手才算實際，幸好有良知嘅鬼魂們冇傷害你哋。有時我諗，點解我要為少少嘅事情輕生呢？但如果我嘅存在又會否阻着地球轉？
-
唔好以為自殺就一了百了，聽聞有啲自殺後要搬煤炭屎。孟婆湯要鬼魂餚，奈何橋都有鬼魂起，我都要做啲義務。我喺地府Mary醫院做咗護士，可能是某沉默少數所說的「黑護」，可以幫有需要的病「人」。呢度冇武漢肺炎，冇貪心鬼，唔使常常兩盒thx，口罩真係好珍貴。
-
點解我喺地府都會咁清楚人間發生嘅事？因為我哋緊貼人間工作，人死後就到訪，就好似林鄭同維尼嘅關係。雖然我哋活於平衡時空，但我哋有睇時事㗎，我哋有睇三個台！隨時仲比嗰班港豬更貼地呢。喺肺炎發生前我哋工作好繁忙，尤其831後好多年青人到來。被綁著嘅、粉身碎骨嘅….
-
我就唔信班忠誠勇毅冇殺過人，至少冇自殺，只有被自殺。而家武漢病毒肆虐先少啲工作，但我哋唔可以對呢啲事麻木。
-
越講越炆，我講人話。地府呢度重視黑白分明，黑白是良知。你問我撐唔撐醫護罷工，唔使講你應該都知。醫護罷工唔單止係顧及自己嘅生命健康，而係保護緊全港市民。香港人嘅訴求好簡單，就係封關。封咗關根本可以阻截病毒源頭嚟香港，咁就可以減少病毒社區傳染嘅機會。雖然罷工完咗，但呢個政府唔踢佢都唔郁。你哋成日話做過衰嘢嘅人「必遭天譴」，嚟到陰間呢個分岔路自然有分曉。學何已完話齋，一條係生路，另一條係不生路。




-
陰間醫護有一個特別工作，就係取得死人嘅記憶，做過啲咩一目了然。我哋會優先處理無可疑嘅自殺，因為呢啲先係最可疑，要還返佢一個公道。作為過來人，我哋都會畀一條好路佢哋行，邊個為大家好天都有眼睇。佢哋都會耐心等待......
-
無端端喺停車場高處墮下，無可疑？
游泳健將喺海上遇溺身亡，無可疑？
垃圾袋包裹身體海上漂浮，無可疑？
-
鬼還比人更需要有良知，簡單啲嚟講，如果冇良知，隻鬼一早拉埋你哋落嚟一家團聚，即係冚家剷死全家呀。睇網上直播，見到好多人咀咒黑警死全家。而我哋都好開心接到有黑警嚟嘅工作，因為可以畀佢體驗下獸性嘅陰暗面，即係佢哋平時做嗰啲。見到班曱甴垂死掙扎嘅樣子，下世唔好害人害物。黑警飲唔到孟婆湯同過唔到奈何橋，即係過不生路，成世做遊魂野鬼冇得投胎。冇辦法，係你哋令人哋無可疑咁死，咁我哋幫人哋還返個公道，讓黑警無可疑咁死--等俾天收啦，蝙蝠野味都冇得食。
-
我每天都做對得住天地良心嘅事，呢個係地府醫護首要任務。我祈求上天整死林鄭，到時林鄭冇人燒嘢俾佢，連100%水都冇得飲，葉劉妹妹話知你死。我唔係心狠毒辣，而係我應該做返啲嘢報仇，私了林鄭也許不完美，上天都不接受，因為唔夠勁。快啲落嚟啦林鄭，呢度歡迎你呀！
-
香港人竟要淪落到這個地步，半夜三更冒住冷風排隊，為嘅係一盒口罩。有老人家眼濕濕，係擔心自己唔夠口罩。炒LV，炒CHANEL，而家，係炒口罩。多謝林鄭！
-
提醒你哋，呢排有三樣嘢缺貨，快啲去攞返：良知、智商、理性。（Sorry有錢都買唔到，因為好人自然本身都有，至於其餘嗰啲睇下有冇良心發現啦。）
-




望見爸媽，健康身體變差；又再加班，像既定路程嗎......希望你哋生活安好，身體健康，百毒不侵，我會好掛住你哋㗎。如果說對不起，其實也沒對不起。
-
人群裡為人群顧慮，逃離總有逃離空虛。
時而走近時而遠去，誰散與聚，都居於心裡。
紅塵漂泊在一日驀然回首，
和誰還是一對。
-
陰間貳零貳零年貳月拾肆日
農曆壹月貳拾一日
-
呂字
』
睇完封信嘅澄叔，替死去嘅好人感到唔安落，對破壞香港嘅「人」感到氣憤。澄叔開車之前，打咗電話俾呂同學嘅家人，約實喺藍灣半島巴士總站交收封信。澄叔調較塊倒後鏡同攝返好封信，戴上口罩準備開車。
-
「喂，Rachel行快啲啦，就夠鐘開車喇！」一個戴住綠色帽嘅男仔迎面而來，後面有個女仔，應該叫Rachel。




-
「櫈噔鄧燈~歡迎乘搭新巴8P號線.....」
巴士開出，唔知呢個旅程有咩火花擦出呢？究竟又能唔能夠順利到達小西灣？
-
P.S.車長冇諗過點解封信咁可疑喺車廂出現。

《106與她的邂逅-後記完》
-
睇完《106與她的邂逅》成個故事之後不妨畀個like支持我，同埋請大家多多支持澄澄故事台。
-
（本故事經已上載至澄澄故事台Instagram、紙言、 TBC、Penana同埋網站專頁）

IG：chingchingstory

網址 https://chingchingstory.weebly.com