《新香港，會食人的！》: 20

「小姐你探邊位架？」「黃詠仁。」
「你係佢......」「細妹。」
「你等等......佢轉咗院。」「轉咗院？你地又話佢.....」
「佢送咗去QE喎......」「伊利沙伯？」

「Ryan，我地行啦，要去伊利沙伯醫院...」
『點去呀？』「行啦，重問！」

阿欣真的好得意......可惜，她心底裏只有C Man一人。





「小姐！」

「QE啱啱打嚟，你哥哥可能會轉返嚟，但佢要先做個手術先，要10個鐘。」
「好，唔該。」

「咁即係二佬佢情況重可以......希望佢手術成功先啦......Ryan，你唔駛搵屋企人咩？」
『佢地返咗去鄉下......你其他屋企人呢？』
「大佬係空少，佢飛咗去米蘭；阿媽同老豆喺鄉下搞緊爭產。」

我們走到坑口社區會堂，這裏同樣是庇護中心。




「阿欣！」一個男生站起來揮手。
「阿Way！你喺度呀？」
原來他就是說得出「六四都係逼不得己」的那個人。

我有點衝動去宣示主權。
但，還是不了。
『Cindy，依家仲撳唔撳到錢？』
「你去試下囉......喂係喎你住邊㗎？」
『我住厚德㗎，你呢？』「尚德嗰邊。我想搵人陪我上屋企拎錢，但唔知仲想唔想到......」
「阿欣你拎錢做乜，你不如留低，有免費膳食喎......」這個Way先生真天真。





不過其實我也天真過呀。

「Ryan，我陪你去撳錢先；Way，小心啲，Bye Bye！」
我似乎已經在天真先生面前宣示了主權。

撳錢是可以的，但每人只可最多提$500，而且地震後只能提取一次，之後就不可以再提取。

所以我毫不猶豫地撳走五百元。

然後，我陪著Cindy到尚德。
我留意著那個新的單車場，和後面的公園。

「Ryan, 一陣你唔好入屋，unless我叫你入嚟。」
因為停電，我們唯有爬樓梯――而且是差不多四十層。




「成橦樓都係得三十八層啫，邊有四十層呀！」Cindy可能是習慣了走路，走了十數層還如此從容。
她還是一個身材不錯的女孩子，但體力比起我這個男生還要好。

離開後樓梯，走到Cindy家門外。
「識唔識徒手開鎖？」Cindy問我。
『緊係唔識啦！』
「咁得啦......」她給了我一串鑰匙。

阿欣用她纖細的手，伸進鐵閘。「啪嘞」一聲，鐵閘的鎖便打開了。
她鎖回鐵閘後，我在門外等了30分鐘。

她明顯洗過澡，更了衣，也換了一個大一點的背囊。
嘩，早知我也回家啊......

「你仲陪唔陪我？」阿欣問。




『點會唔陪啊......』「你返去屋企沖個涼，換件衫，帶多件衫先啦，我陪你。」
嘩，那個阿Way真是不懂珍惜這些絕頂女友，完全不港女！
「你無諗多呀，Ry！an！」『我會諗咩呢，Cin!！dy！』

「帶埋遮呀！」阿欣不忘提醒我。
這樣，她便陪我由尚德走回厚德。
同樣，陪我爬樓梯爬廿幾層。
同樣，她在門外等了30分鐘。
同樣，洗過澡，更了衣，也放下了斜孭袋，換上一個背囊。

「行返去登岸梯台，然後去尖沙咀，再行去QE啦！」阿欣說。

我們又回到登岸梯台，又登上嘩啦嘩啦：「尖沙咀呀唔該！」